الثياب الظفاريه العرايس/يوجد موضوع مثبت لطلبات الفساتين والموديلات.

الأزياء والموضة

أخواتي لو سمحتوا ابغا اعرف كيف الموضه فيهم حاليا ويصلح لون فاتح ولا لازم غامق وازا كان عليه حزام يصلح ولا يصير كان يمني ومايصير بنات ظفار يلبسونه
لو معاكم صور حق اشكال ع الموضه المطوره لا هنتوا حطوها انا بحثت في جوجل بس ماعرفت لتفاصيله ولازم واسع ولا يصلح اضيقه انا ابغاه ع شهر ان شاءلله
ومشكووووووورين:kiss2::kiss2:
5
14K

هذا الموضوع مغلق.

بـنـت صـلالـة
هلا بك عزيزتي وحياك الله ... والسموحة ما شفت لك موضوعات من قبل ويا ليتك كان رسلتي على بريدي الخاص تنبهيني ...

عروسكم بتتزوج حد من صلالة ؟ ولا هي من صلالة و بتلبس الثوب خارج صلالة هههههه ترى جد يفرق يعني لو بتلبسه في ظفار يبغى لها تدقيق وتميز ومنافسة مع بقية العرايس الظفاريات هنا ولكن خارجها ما راح يكون التركيز عليه كثير مثل لو كانت في صلالة ...

عموماً الثوب الظفاري للعروس خاصة في يوم التصبيحة أو المصابحة ( اليوم الثاني ) لازم يكون من ديبج أو مخمل أسود ونادراً إللي يسوون ألوان داكنة ثانية الأغلبية أسود عشان يظهر فيه الشغل بالفصوص والكرستالات وبقية الحركات بشكل أفضل وممكن تدخلين فيه أقمشة ثانية حسب التصميم والقصة إللي عندك له...

الثوب الظفاري ما ينلبس له حزام وذيله مميز يكون طويل واسمه أساساً ثوب بو ذيل ولأن ظفار تنفرد به صار مسماه الثوب الظفاري وهو مختلف عن اليمني اللي بوسطه حزام وقصير... اللهم محافظة المهرة اليمنية يلبسن الثوب بنفس طريقتنا شفت مرة بناتهم الصغار في برنامج كانن لابسات مثلنا ...والثوب الظفاري صار مطور ودخلت فيه تصاميم كثيرة ومزج بينه وبين حضارات ولبس الشعوب والمناطق الأخرى فتلقين مثلاً لبس ظفاري على عماني ... لبس ظفاري على يمني ... لبس ظفاري على بلوشي ... لبس ظفاري على هندي...سواء بدمج التصميمات أو بالأقمشة وغيرها ... مع الاحتفاظ بملامحه الشعبية الظفارية أهمها الذيل الطويل طبعاً ...الفقر والذيل والقدمة والوسع قليلاً ليبان قوام وهيئة الثوب الظفاري ...

طبعاً العروس بتصمم أكثر من ثوب بس الرسمي وأغلاهم وأكبرهم اللي يكون يوم التصبيحة أو المصابحة وتسوي ثنين أو ثلاثة ضخمات مثله وأخف شوي من الرئيسي حق التصبيحة أو بتصميمات ثانية مثل حق يوم المخرج اللي تخرج عند أهلها فيه بعد أسبوع زواجها ويسون عزيمة وذبيحة لها... والثياب الثانية تكون لو طلعت عند أقارب زوجها أعمامه أخواله واللي بطبيعة الحال يذبحون للعروس اللي تدخل بيتهم أول مرة ....غير الثياب اللي تكون لبقية المناسبات وللبيت هذي ألوان فاتحة وأي ألوان تحبيها وتدخل فيها تصميمات كالفساتين ويكون من ألوان وأقمشة مختلفة ...

مالك في الطويلة وبقية العادات ههههههه وخلينا في الثوب الرسمي ...

* عادي تضيقيه من الداخل أو تخليه واسع كل هذا راجع للتصميم بس الأكثرية كعرايس بيكون واسع شوي عشان يبان ويظهر أكثر كثوب ظفاري ولا يختلط بتصاميم الفساتين ...لكن الحاضرات عادي أي تصميم وضيق أو واسع وأي لون أو قصة على كيفهن ...

لازم أول شي تحددين طقم الذهب أو الألماس وعصابة الراس وبقية الأكسسوارات ( لو بتلبسين لبس ظفاري متكامل ) وتحددين الألوان الرئيسية للثوب لحركات وفصوص وكرستالات الثوب اللي تريديها وبعدها رسمة التصميم البعض يصمم لنفسه والأكثرية يشترن رسمات من المصممات ب 40 - 70 ريال عماني( 400 - 700 ريال سعودي ) طبعاً هذي رسمات العرايس الرسمات للحاضرات فيه أقل من هالسعر ...وتاخذين التصميم اللي يكون في الرسمة ويوضح احتياجاتك من الخامات والأدوات في الثوب وحد ياخذه إما للخياطين الهنود صار عندهم خبرة لكن يحتاج لهم متابعة أول بأول بعد فترة وفترة أو الطريقة الأسهل والأضمن والأجمل تحطيه عند الحريم الظفاريات المصممات ولهن محلات ومعروفات ومشهورات وأغلب العرايس يسون عندهن ...والأغلبية تقريباً يسون بسعر 1000 ريال عماني وما فوق ( 10000 ريال سعودي ) للثوب الرسمي للعروس وفيه أغلى حسب الثوب وشغله وتصميمه ..

وممكن تصممي الثوب وبعدها تسوي عصابة الراس عند محلات الذهب أو الفضة بنفس ألوان الثوب الرئيسية...

وفي محلات منتشرة صارت تأجر ثياب جاهزة ومع اكسسواراتها خاصة بعد رواج استئجار الثوب الظفاري المطور لبعض العرايس العمانيات في شمال عُمان يحبن يلبسن ثوب ظفاري كتغيير وللتصوير لكن هذي تنفع للي مو ظفارية أو بتلبسه خارج ظفار أو للحاضرات...لكن العروس الظفارية لازم تتميز وتنفرد في التصميم وما لاحظت عروس تستأجر إلا فساتين أول يوم لكن الثوب لازم كل وحدة تتميز وفيها تنافس وصعب ونادر تلقين صور ثياب العرايس في النت خاصة الثياب الضخمة والغالية اللي شغل مصممات ظفاريات لأنه فيها تنافس ( ما يظهر إلا في ثاني يوم لما تلبسه وحتى المصممات ما يسون لأحد مثل الثاني لازم كل وحدة بتصميمها وتميزها ويتعاملن بسرية تامة مع ثياب العرايس هههههه )

عندي صورة لثوب عروس صار عرسها شهر 11 ورسلتها لي مصممة توريني شغلها الجديد لأني أتعامل مع المصممات في مناسباتي وأعراس أقاربي ....برسل لك أرقام المصممات بصلالة إذا حابة وبستأذن المصممة عشان أرسل لك الصور اللي عندي بالخاص إذا وافقت عشان تاخذين فكرة عن الجديد في ثياب العرايس هالفترة ...

وأقترح عليك إذا عروس ويهمك تلبسي الثوب الظفاري بكل رسميات عرايس ظفار إنك تتواصلي مع المصممات وتتصلي فيهم يعرضوا تصاميم لك وتواصلي معهم عبر الوتساب ويرسلون لك التصميم وإذا عجبك تتفقي معهم على الألوان والتعديل في الرسمة وفي حدود كم تبغيه ويسووه ويرسلوه لك بالشحن...

وعشان تاخذين فكرة اكتبي الثوب الظفاري في جوجل واضغطي على الصور وبتطلع لك تصميمات وصور بس أغلبها عادية وبعضها قديمة أو صور لثياب حاضرات و مو مثل ثياب العرايس الحالية ...

وهذي روابط لموضوعات هنا تكلمت عنه بتوسع ...

http://forum.hawaaworld.com/showpost.php?p=76531076&postcount=70

http://forum.hawaaworld.com/showpost.php?p=77245608&postcount=317

وبرسلك على الخاص أرقام جميع المصممات وبالتوفيق لك وللعروس ( وبالظفارية تدحر قمير العروس يا رب هههههه )
بـنـت صـلالـة
رسلت لك بالخاص أرقام المصممات للثياب الظفارية بأنواعها سواء بغيتي للعروس أو للحاضرة أو للمناسبات المختلفة وملاحظاتي عند بعض من تعاملت معهن ... وباقي أقنع لك المصممة أرسل لك الصور ولا يهمك بجيبها بجيبها لعيونك عطيني وقت بس أقنعها هههههه وحياك الله دائماً عزيزتي ...
ام عزان
ام عزان
بنت صلاله بلييييييز ترجمي لي ( وبالظفارية تدحر قمير العروس يا رب هههههه )
احب اتعلم اللهجات العربية
واحب الازياء التقليدية
لما رحت صلالة اشتريت ثوبين واحتفظت فيهم
ما اجمل الطفوله
حبيبتي بنت صلاله الله يثيبك كل خير يارب
كفيتي ووفيتي
عروستنا بتزوج في صلاله و لنا اهلنا ظفارين هناك
وهم طلبو ان هم يفصلون الثوب الظفاري حق الصباحيه للعروس ولكن نحن رفضنا حابين ان نحن نفاجاهم
ولكن بتفاصيلك حيرتيني ونحن لو تواصلنا مع مصممه احس صعبه مره كان خاطرنا نحن نفصله هنا ونشيله معنا

وكما قلتي كثير في تنافس ع الثياب حق العرايس ونحن خايفين مره وبنفس اللوقت حابين ان نسوي شي فخم وروعه ونفاجاهم

انتي شو رايك لازم اتواصل مع مصممه بس احس صعبه هي بجهه ونحن بجهه

ام العريس قالت لنا ان حاليا العرايس يلبسون الثياب المطوره ع شكل فساتين بس هو ثوب ظفاري اكيف يكون شكله


كنت حاطه ف بالي ان اشوف تفاصيل الثوب وانا اشرف عليه هنا في المشاغل لان اعرف شكله واقمشته بس ثوب العروسماشفته من قبل ومثل ما قلتي كل عروس تبي شي غير
wardhh
wardhh
ااااب