وذكرى زواجي بـ 8 - 2 هجري ..
ومن ألحين حايسه بالأفكار بس بقول لك الي سويته والي بسويه إن شاء الله ..
المكان :
بحجز غرفة في فندق من غير ما يدري زوجي طبعاً ..
وشريت شموع .. بمليها شموع وآخذ لاب توبي وأحط سلوو ميوزيك ..
وأجهز كوبين عصير + كيكه مكتوب فيها كلام حلو ..
وطبعاً بشقتي بكون حاطه مفرش السرير حق يوم الزواج ..
وقلب كبير أبيض مكتوب فيه كلام حلو أحطه على التسريحه
لبسي :
كنت أتمنى ألبس فستان زواجي بس يوم زواجي يصادف طلعتي من النفاس وضاق الفستان علي ..
فـ اشتريت فستان أبيض ناعم فيه ريش من فوق ..
اللوك حقي راح يكون مثل ما يحبه زوجي: ماكياج خفيف + شعر مسشور وباف وبحط فيه ريش
وراح ألبس قميص يوم الزواج إن شاء الله ..
وطبعاً اشتريت عطر جديد ومجموعة جسم جديده
الهدية :
كنت مقرره إنها تكون مجرد بطاقة كبيرة أكتب فيها كلام حلو ..
لإن ما خليت شي ما هديته وقت الخطوبة وأول الزواج ..
بس أضفت لها دخون + المدخنة الصغنونه الي حقت السيارة + عطر رجالي ..
وهالمره خليت الهدية لونها أحمر بأحمر بدال الأزرق والأخضر والبيج ... الخ
هذا الي مقررته لحد الآن ويمكن أضيف ويمكن أبدل ..
مادري وش الله يكتب ..
بس دعواتك لي بالتوفيق لإن ماعمري قررت أسوي يوم سبيشل ..
إلا تصير مشكله بيني وبين زوجي ويخرب كل شي ..
وإذا عندك أفكار بعد قولي لي
وذكرى زواجي بـ 8 - 2 هجري ..
ومن ألحين حايسه بالأفكار بس بقول لك الي سويته والي بسويه إن شاء...
بس احس الملابس التنكريه بدري عليها
اولا لاني خجوله حبتين:32:يقطع ام الخجل
ثانيا لانو اول ذكرى زواج فاحس انو لازم يكون ابيض في ابيض عشان يذكره في الزواج
اما فكرة الهدايا مره رايقه
العطور دايم اهديه عطور لين ما مل منها قال لاعاد تهديني عطر قبل لاتشترين هديه اسأليني:o لا والله ماصارت هديه
ساعات مايحب يلبسها :( قهر والله
ممكن البيجاما .. او الكبكات ولا قلم
وانا فكرت بنظاره ماركه عالميه ..
والله يكتب اللي فيه الخير
لانو عندي اختبار والايام تمشي بسرعه والميزانيه ماش:(