من وين جبنا قناعة ان الاستحمام في النفاس واثناء الدوره تصرف خاطئ؟وحتى البيبي مايحمم؟

الحمل والإنجاب

بسم الله الرحمن الرحيم
مرحبا اخواتي العزيزات :26:موضوعي اليوم للنقاش وبشوف ردودكم ورأي كل وحده فينا واختلاف وجهة النظر لا يفسد للود قضيه بالعكس الكل ياخذ معلومات سواء اقتنعنا فيها اولا
بنات فيه ناس كثير ترفض مبدأ الاستحمام اثناء الدوره واثناء النفاس بحجج ( هواء _ خراب ما ادري وشو خخخخ_ يضر الرحم _ كلام والله كثير حتى السرطان الله يكفينا الشر ربطوه فيه ) وبعضهم ماتتعطر بعد الولاده على طول عشان مايجيها ( شمم ) حاجه اهل نجد يسموها كذا خخخ وهذا خطأ بالعكس بعد ماتطلعي من غرفة الولاده تعطري وعطري ملابسك وعطري الغرفه في المستشفى ومفرش المستشفى بعد طبعا بعطر خفيف عشان الرجال والأطباء حرام يعني وقت النوم في الليل تعطري عشان مايكون حولك غير الممرضات والله ثم والله ماعليك الا العافيه اللي معتقدين بكلام الكبيرات خخخخ هذي نصيحة جدتي الله يرحمها وتقول كنت اسويها ولا جاني اي شي بالعكس احس براحه عشان شميت ريحة عطر تريح اعصابي بعد الشد والضغط اثناء الولاده ( تنبيه في غير وجود الرجال حتى لا افهم خطأ )
طبعا كل هذا الكلام اللي يقول عن الماء للمراه في هالفتره يضر دخل في عقول الشابات عن طريق النساء الكبيرات طبعا بعضهم يقولون بناء على تجارب لكن دينيا هل الاسلام والسنه النبويه ترفض ذلك ايضا وتؤيد العرف ؟
لا الدين الاسلامي يحث دائما وفي كل الأحوال على النظافه . استغرب بعض النساء تحرص على النظافه لأجل الزوج فقط وتحرص على ذلك لأجله وليس لأجلها وانها تقوم بالفطره السليمه وبس تجي الدوره والنفاس تنسى انها مسلمه وتترك النظافه سبحان الله .
حاجه غريبه ؟؟؟!!! والله العظيم اني اعرف وحده حتى طفلها اثناء الاربعين يوم ماروشته ابدا بس معتمده على الفوط والتمسيح قسم بالله ولدها اصيب بامراض مسكين والله كسر خاطري لدرجة ان الطبيب مل من علاجه وبس اكتشف انهم ماحمموه طردهم وقال لاتعطونه اي علاج حمموه ويطيب وفعلا حمووه والولد انتعش وتغير شكله وصار ينمو ويرضع زين سبحان الله
انا ما اقولك اللي في البرد وعز الشتاء لازم تروش طفلها كل يوم وهو مولود لا يكفي يوم ايه ويوم لا اما هي لا والله لازم كل يوم اصلا حتى طبيا تتنشط الدوره الدمويه وتروح عنها روائح العلاجات الشعبيه وتطهر السموم من جسمها وتخلي جسمها جميل اما في الصيف بالعكس روش البيبي كل يوم وعطريه بالمسك الطبيعي وتعطري انت دايما ولا عليك الا العافيه حتى العطر للنفسيه مرره حلو يحسن المزاج ويسبب انشراح للصدر ويطرد الشياطين ( النفاس مع مولود نعمه وليس نقمه ونهاية العالم اجعلوه مليء بالفرحه والجمال والعطر والنظافه مو بكاء طفل وروائح علاجات وطرحه على الراس مفروض نحمد ربنا على هالنعمه كثير يتمنون يشوفون خطين في تحليل المنزل فمابالك مارح تفرح في نفاسها وتعيش مع مولودها بحب وانتعاش وفرحه ) هون الله على الجميع واقر الله عيوننا بأجنتنا سالمين وجعلهم من حفظة كتابه الكريم ورزق الله المسلمين بالذريه الصالحه _ آمين_ بنات الموضوع مو منقول انا كاتبته في موقع ثاني وتحت نفس الاسم ربي يحفظكم
91
35K

يلزم عليك تسجيل الدخول أولًا لكتابة تعليق.

تسجيل دخول

ام سويسه وخالد
قلتي الكلام اللي باقوله
ماادري ليه هالاعتقادات اللي محيرني فيه بنات بالعشرين واقل مقتنعين بالخرابيط هذي
الحمد لله نعيش نفاسنا طبيعي نتحمم كل يوم وناكل اللي نبي ونطلع وننام على المكيف وماصار فينا شي
يمامة منصور
يمامة منصور
ربي يحفظك من كل مكروه هذا هو المهم القناعه السليمه
ابي تفاعل البنات وآراء الكل
الحرف الناطق
الحرف الناطق
استفدت كثير من كلامك
لأن العادات الخاطئة اللي كتبتيها ماكنت اعرفها إلا من المنتدى استغربت صراحة وصدقت نص تصديقة خخخ
الله يعطيك العافية على الموضوع الحلو ..
حلوه و دلوعة
حلوه و دلوعة
طيب شلون نقنع اللي ماخذ هالافكار الخايسه
هوا وخراب وتتوسعين ومدري ايش وبتتعبين اذا ماتدفيتي ولبستي طويل
اقول وش ظر الاجانب اليوم يولدون وبكره تللقينهم في الحديقه يتمشون ومعاهم هالبزر اللي توه مولود ومافيها غير الصحه هي وولدها@
المره الواده = ممنوع الحركه ممنوع التكييف البارد ممنوع بعض الماكولات ممنوع لازم تاكل لهوم لازم ماتطلع برا البيت
(سجن اربعين يوم)
مره كان عندي زميله سوريه وكانت والده يالتها قلت لها. رحتي عند اهلك في نفاسك قامت تضحك قالت نحنا ماعندنا هالخرابيط هذي
تقول رحت بيتي واقوم واشتغل واطبخ واحوس ومافيني غير العافيه بس النونو متعبني شوي
 
حلوه و دلوعة
حلوه و دلوعة
طيب شلون نقنع اللي ماخذ هالافكار الخايسه
هوا وخراب وتتوسعين ومدري ايش وبتتعبين اذا ماتدفيتي ولبستي طويل
اقول وش ظر الاجانب اليوم يولدون وبكره تللقينهم في الحديقه يتمشون ومعاهم هالبزر اللي توه مولود ومافيها غير الصحه هي وولدها@
المره الواده = ممنوع الحركه ممنوع التكييف البارد ممنوع بعض الماكولات ممنوع لازم تاكل لهوم لازم ماتطلع برا البيت
(سجن اربعين يوم)
مره كان عندي زميله سوريه وكانت والده يالتها قلت لها. رحتي عند اهلك في نفاسك قامت تضحك قالت نحنا ماعندنا هالخرابيط هذي
تقول رحت بيتي واقوم واشتغل واطبخ واحوس ومافيني غير العافيه بس النونو متعبني شوي