محتارة وأسأل عن سبب بقاء السائل المنوي في الرحم ؟

بنات مدري مين أصدق هذي السنه الرابعه من زواجي وللحين ماقرت عيني بخلفه طبياً كل شي سليم لي ولزوجي والحمد لله تحاليل هرمونات ،، تبويض،، الحيوانات ،،، أشعة الصبغه ،،، كان باقي شي وحيد ما عملناه وهو عملية المنظار الداخلي من البطن عشان التاكد من سلامة الانابيب من الخارج لاني كنت سويت عملية الزايده وانا بنت وأخيرااااااااااااا وبعد تردد عملتها طلعت وحده من الانابيب متعرضه للتهاب والثانيه سليمه والحمد لله

مليييييييييييييتتتتتتتتتتتتتت من المستشفى ورحت للحريم أظن ما بقي حرمه بالرياض ما طليت بوجهها
طبعاً السؤال التقليدي عند أغلبهم لما يصير جماع تحسين موية الرجل تطلع برى ؟؟؟؟؟
وفعلا يابنات احس ماشي يبقى فيني !!!! طيب اسمعوا اجابات الحريم المراخات
وحده (1) تقول لي السره عندك هابطه نازله وفعصت فيني بغت تطلع روحي تقول انها ترفع سرتي ولمدة ثلاث ايام:22: (((ويظل الوضع كما هو عليه ))
الثانيه (2) تقول فيك عين وهذي قرينه تكب موية الرجال برى وعطتني بخور ولهوم عليها طعم فظيييييييييع لا يطاق:eek: (((ويظل الوضع كما هو عليه ))
الثالثه (3) تقول فيك هوى وتمريخ وتفعيص يدوي وآلي ولهوم وخرابيط :09:
(((ويظل الوضع كما هو عليه ))
الرابعه (4) تقول فيك ميلان بالرحم وسوت لي كاسات هوى على بطني وظهري
(((ويظل الوضع كما هو عليه ))

فعدت مره أخرى للمستشفى وعملت مرتين أطفال أنابيب ولم تنجح
ومازلت حتى الآن أحس أن لا شي يستقر فيني بعد الجماع كل ماء الزوج يخرج ؟؟؟؟؟؟فهل هذا طبيعي وماهو السبب أرجوووووووووووكم ساعدوني وادعوا لي لأني تعبانه نفسيا من هالموضوع حتى ام زوجي بادية تدق بالحكي هالايام ،، مالي بعد الله الا انتم