اختي سمرا 1980 مشكوووورة على مداخلتج وردج لي وهاذا يكفيني والله اني اشوف اهتمامكم بموضوعي :)
والاختkikah مشكوووورة حبيبتي وايد على الكلام يلي ريحتي قلبي فيه وانا اليوم على قد ماكان مليان مصايب لي قريت ردج وريحتي فيه بالي حسيت ان ليلحين الدنيا فيها ناس طيبين ويحبون يساعدون وانا باتم على تواصل وياج و*****الله بس نوصل على خير راح اكون سعيدة اني اتعرف عليج :)
اختي kikah المواصلات اشلون في لويزيانا متوافرة والا الواحد لازم يكون عنده سيارة خاصة؟
ويابنات اذا ماعليكم امر عطوني معلومات عن منسي بولاية انديانا للي عنده معلومات عنها من ناحية السكن والمجمعات والمطاعم العربية والبقالات العربية وهل تحتاج سيارة والا متوافر فيها المواصلات وابي اعرف هل الحياة غالية فيها ؟وهل المنطقة فيها اماكن ترفيه وإلا مملة ؟ عشان يصير عندي فكرة عنها واقارنها ب باتون روج في لويزيانا
ويابنات اذا ماعليكم امر عطوني معلومات عن منسي بولاية انديانا للي عنده معلومات عنها من ناحية السكن والمجمعات والمطاعم العربية والبقالات العربية وهل تحتاج سيارة والا متوافر فيها المواصلات وابي اعرف هل الحياة غالية فيها ؟وهل المنطقة فيها اماكن ترفيه وإلا مملة ؟ عشان يصير عندي فكرة عنها واقارنها ب باتون روج في لويزيانا
kikah
•
هلا اختي miss bahrain بالنسبه للمواصلات لازم يكون عندك سياره خاصه والا بتتعبين في المواصلات لأن باتن روج مافيها قطارات بس باصات وتتوفر بكثره بمنطقة الجامعه , يعني الباصات توصلك للجامعه. بس للاغراض الشخصيه ( شوبينق .............. ) يستحسن يكون عندك سياره لانها السوبرماركت والاسواق بعيده شوي عن الجامعه.
الصفحة الأخيرة
حيا الله اهل البحرين في باتن روج انا يا اختي في باتن روج وساكنه فيها لي تقريبا سنه ونص زوجي مبتعث ويدرس دكتوراه في جامعه لويزيانا . بالنسبه لاسئلتك ابجابوبك عليها :
- المطاعم كثيره بس غير عربيه في مطاعم عربيه قليله جدا في حدود 2 .3 بس فيه محلات عربيه .
-اسواق في كم سوق بس فيه واحد هو اكبر مول في باتن روج حلو وكبير .
-اماكن ترفيه قليله جدا بس فيه مدن قريبه عندنا كل كم شهر نزورها ونروح لاماكن الترفيه فيها.
- بالنسبه للامان فنسبه الامان فيها اقل من غيرها يحصل فيها مشاكل بس غالبا الجرائم تكون في اماكن مشبوهه او تكون في الداون تاون , بس بالنسبه لنا ماشفنا شي بس نسمع عنها لأننا عايشين في منطقه الجامعه.
- بانسبه لتقبل المسلمين والعرب اعتقد شي عادي عندهم صح تشوفين في عيونهم الكره بس هم متعودين لأن فيه نسبه كبيره من الفلسطينيين في باتن روج وجنسيات عربيه اخرى .
بس عموما هي منطقه عاديه جدا بناتي وزوجي يدرسون وانا ربه منزل وعندي اطفال صغار في البيت وفي الويك اند نطلع نتمشى ونشتري اغراض البيت . بالنسبه لي انا منقبه ولاودت اي مضايقات بس اسئله ليش تلبسين النقاب او ماتحسين بالحر :hahaha: .
واي سؤال اخر انا تحت امرك اسألي وانا باذن الله اجاوب على الي تبينه
ومره ثانيه ارحب فيك في باتن روج