هلا اختي ليونه ايوه حياتي الورم كان مره يعور وخاصه اذا شليت بيدي شي ثقيل مره كان يعورني وجلس فيني قبل ازالته يمكن شهر وانا من الجنوب بس انتي من وين انا سويت العمليه في مستشفى عادي لان العمليه سهله وجلست في غرفه العمليات ساعه ونص تقريبا واي سوال انا حاضره

أهلا اختي شموخ جزاك الله خيرا على الرد
أنا سويت أشعة وبعدها قال الدكتور الافضل ازالته
وانا متضايقة لانهم يقولون لابد تحليل الورم بعد العملية
وساجري العملية في مستشفى الحبيب في الرياض
لكني مترددة وخايفة
لاني سمعت أنه ان لم أزيلة لابد من متابعة كل ست أشهر

وجزاك الله كل خير ورزقك الله الصحة والعافية

حياني ليش متضايقه حتى انا بعد العمليه سوى تحليل وارسله لمختبرين حتى ماهو واحد ارسله لمختبرين والحمد لله طلعت سليمه اما بالنسبه انه لازم كل سته اشهر متابعه فابنسبه لي الدكتور كان يدري ان عندي في الثدي الثاني اورام وماقال لي اي مراجعه ولاسال بس تري احس لك والمستشفى الي سويت العمليه فيه ماعندهم ذاك الخبره بس ماكان عندي غيرهم وانتي ماشاء الله في الرياض المستشفيات حلوه احس لك سوي العمليه وارتاحي والله تريها مره سهله وحتى ماتعور مره

فرج الله همي وهمك حفظك المولى اختي اصلي شيوخ والبسنا ثوب الصحة والعافية

مرحبا اختي اسئل الله العلي العظيم رب العرش العظيم ان يشفيك ويشفينا ومرضى المسلمين اجمعين آميييييييين يارب
الافضل انك تزلينهاانا كانت عندي الورمه الليفيه بالثدي الايسر كنت اتحسسها بيدي كانها حبة زيتونه
ورحت للمستوصف الحي وقالت لي ايوه فيه حاجه صغيره...<<<<النفسيه اعوذبالله
المهم رحت للمستوصف اهلي وسويت اشعه وقالت انو فيه وانو آن شاءالله حميد ماتخافيش
وطلعت من عندها وللبيت سيدا<<<كل الحكايه واهلي مايعرفون شي ابدا كلها بيني وبين اخوي
وبعدها عجزت امسك نفسي من الصياح والخوف
بعدها درو اهلي آلا امي وبدو يهدونون ويقولون لاتخافين تسوينها وبدون ماحد يدري
ورحت لمستشفى الحبيب ببريده عند استشاري جراحه واخذ عينه منها وقالي تعالي بعد اسبوع
ويوم جيت قالي انها الحمدلله سهله ومتى ودك تشلينها...وتركته فتره ورجعت عنده وشلته ولله الحمد
وارتحت وبعده بليومين قلت لامي السالفه<<<<وماودك تقولين الايام والتواريخ بعد<<<هههههههه
طولت عليكم بس ايام ماتنسى الله لايعيدها علينا
اتكلي على الله وسويها<<<<نسيت اقول تراها بنج موضعي