الموقف البريء اللي ماانساه اخذت عصفور صغير وكنت اعطيه بسكوت مبلول بمويه ياكله لكن قلت اكيد عطشان فاخذته ودخلت منقاره بالمويه عشان يشرب ولما جيت احركه ميت من الخوف رميته تحت درج برا البيت ورجعت لاهلي ولا كأني مسويه شيء..

كنت صغيره يمكن رابع اوخامس
ودايم يجونا جيراننا وتضايقت منهم وفيهم ريحه اعوذ بالله
ويلحقوني الا بالغصب اسلم عليهم واذا جونا مايطلعون الا بطلعة الروح
وامي معطتهم وجه عاد انا معروفه بحركاتي الاجراميه من صغرتي
يوم جونا مره وصلحت امي الشاهي بالابريق راحت تودي البيالات وادخل المطبخ بسرررعه
واحط في الشاهي كومة ملح خشن واطلع لا من شاف ولا من دري
عاد عقب ماراحو قلت لاهلي عن جريمتي وامي ياعمري تقول اشرب بالشاهي ومالح
وهم يشربون ولا قالو ولا كلمه هههههه
ومازالو اهلي يذكروني بهالموقف وانا ام عيالي الحين.
..................
واتذكر دايم اتهاوش مع عيال خوالي اكرههم
وكان عندنا جمعة خوالي وجو مهعم عيالهم وولد خالتي وولد خالي كبري نفس سني
المهم دايم يتهاوشون معي
عاد جونا ببيتنا وقلت لازم القنهم درس ماينسونه اتفقت مع بنت خالتي ورحت جبت( غضاره) طاسة مويه
وعبيتها مويه وجلست انتظره ورى الباب لين دخل وكبيتها عليه ههههه مجرمه
وطقني ههههه اتوقع انه مانسى اللي سويت له.
.................
فيه جرايم كثيره بس اذا ذكرت رجعت
الله يستر لا يورثون مني عيالي الجرايم هههه
..................

هههههههههه الظاهرشربتيه من عيونه وانفه موبس منقاره
انااتذكراناواختي الي اصغرمني كان بيتناثلاث ادواروقلت لهاتتحديني اشيلك من الطابق الثاني الى الطابق الثالث قالت ايوه قلت بشرط قالت ايش هوقلت اعظك قالت المسكينه طيب تفكرني بعظهابحنيه والله عظيتهامن كثرالوجع زرق وجههامن البكاء ويوم شفتهاحطيت رجلي وهربت وكويس كانت بنت عمي معناسكتتها
وفي موقف ثاني اخذت موية صحه فاضيه وكان في جرادصغاركنت احبه ومن حبي له قررت اهتم فيه كل مااحصل جراده احطهابالقاروره واقفلهالحدماعبيتهاويوم جيت اليوم الثاني لقيته فاطس المسكين لكن من بعدهذاالموقف صارعندي فوبياالحشرات من المنظرالي شفته بالجرادالميت
ومره من المرات قررت اناوبنت عمي نهرب من البيت لان هذيك الفتره تزوجت عمتي وحزناعلى فراقهاوقلناخلاص بنروح عندهاكانت في تبوك قلنابناخذتكسي ويوديناالطائره ونقول لهم يوديناعندعمتي قمة البراءه ()طبعااختي الي اصغرمني كانت معنالكن بطلت خافت المهم هربناورحنابالوادي قلناحتى تظلم وياجي الليل عشان مااحدينتبه لناالمهم صارحوسه في بيت اهلي كانت امي وابويه وعمي وعمتي بيتجننون عليناوكل اهل القريه صارفي استنفارلكن احنامن الخوف رجعنابالليل والله لايوريكم وش صارفينالكن الحمدلله جدتي ام ابوي حلفت مااحديضربناالله يغفرلهاماادري لوماحمتنامدري اتوقع ماكناموجودين على الارض

up

ههههههههههههههههههههه
والله ذكرتوني بالذي مضى