جوري مصر

جوري مصر @gory_msr

عضوة جديدة

عايزه تبقي ملكة يوم فرحك *جسمك وشعرك وشك وحتي اقدامك معايه باذن الله سهل(متجدد)

العناية بالبشرة

بالامانة الموضوع منقول من منتدي اخر بس عجبني جدا


السلام عليكم ياقمرات احلي منتدي

انا بقالي فترة كبيرة اوووووووووي ما دخلت المنتدي وده لظروف خاصة عندي

وبجد وحشتوني جدااااااااااااااااا لدرجة مش معقولة

انا لما دخلت المنتدي النهاردة لقيت في بنات كتير بتسال علي وصفات وحاجات لشعرها وجسمها بتقول خلاص مفيش وقت اصل فرحي بعد اسبوع او 10 ايام طيب ياعروسة ياجميلة ياامورة كنتي فين كل الوقت الي فات
طيب ليه تنتظري ميعاد فرحك ليه مش تبدا تهتمي بنفسك وتعملي لنفسك روتين وجدول حتي لو انتي مش مخطوبة علي الاقل النكظافة من الايمان ولا ايه

طيب في بنات كتير بتقولك اصلي مش بعرف ابدا من فين ودي مشكلة تانية وهل الي بعمله صح ولا غلط باذن الله لو تابعتي موضوعي حتلاقي تفاصيل التفاصيل وحيكون الموضوع سهل بالنسبة ليكي جدااااااااااا:sF un_bananshula:

كمان في حاجة مهمة جدااااااااااااا ربنا يكرمكوا بلاش الكسل اوقات بيكون عندنا وقت كتير جدااااااااا وبنضيعه وحقولك حتي لو مش عندك وقت ازاي تعملي حاجات مع حاجات تانية علشان الانجاز
لاني عارفه ان في بنات كتير بتتشغل وممكن اوي مش عندها وقت او زوجة وام وبتتشغل

باذن الله كل شي وليه حل
وماما كانت بتقولي علي طول الي عايزه حاجة بيعملها وكلامها فعلا صح بس بطول كسل وخمول

في حاجة مهمة اوي جداااااااااااا خالص ودي من مبادئي ومقتنعة بيها جدا واعرف ناس كتير جربتها ونجحت معاهم

العروسة اوقات كتير بتكون محتاجة قبل الفرح علي طول تعمل حمام مغربي او دلكة سوداني او سويت او او حمام عطري اي نوع من الحمامات زي الحمام الفرعوني وحمام كليوباترا وحتي احدث حاجة وهو حمام الشيكولاتة

كل الحاجات دي ممكن تعمليها في بيت وبلاش كوافيرة ارجوكم في بيتك افضل بكتير
وبدل ما تدفعي 500 و لا 1000 جنية وبسمع دلوقتي مبالغ خرافية حتشتري خامات ب200 او150جنية
وتفضل عندك وتستخدميها كمان بعد كده وبجد حرام الفلوس دي خسارة ممكن تعملي بيها اي حاجة تانية بيها

معلش هي مقدمة طويلة شوية بس مهمة وححاول يكون الموضوع منظم وسهل وكمان مدعم بالصور
واي استفسار ياريت يكون علي العام وحرد عليه برده علي العام علشان الكل يستفيد


اخيرا كل الي حكتبة في الموضوع ده باذن الله حيكون كلها تجارب شخصية ليا ومريت بيها علي مدار اكتر من 13 سنة ومنها حاجات شوفتها في دول زي المغرب والسعودية والامارات

انتظررررررررروني وانتظروا كل جديد باذن الله



الحلقة رقم 1

العنـــــــــــــــــــــــاية بالقدمين

رجليكي متشققة وتعبانة ومرهقة وفيها بقع



وعايزه تبقي كده بيضاء ونعامة وكمان معطرة



بسم الله


حنبدا الاول بتنظيف الاراجل من التشققات والسواد الي بيكون في الكعبين


اول شي لازم يكون عندك صابون مغربي اسود بلدي وده فتتتتتتتتتتتتتتتتاك في القضاء علي اي اوساخ مهما كانت بجد سحر ودلوقتي الحمد لله بقي متوفر ورخيص (وبرده ليه استخدامات كتير زي الحمام المغربي حنشوفه بعد كده )

وده شكله بيكون تقيل ولونه اسود او بني غامق



وفي منه اكياس صغيرة حوالي 30جرام ورخيصة







في بنات حتقولي مفيش صابون مغربي اعمل ايه مفيش مشكلة ادهني شاور جيل زي لوكس حلو برده

بس هو ميزة الصابون المغربي انه بيدمر وبيقضي علي الاوساخ والبقع


ناخد ملعقة صغيرة منه بدون تخفيف وهو تقيل وندهن بيها الاراجل من تحت وفوق بالكامل ونسيبها حوالي 5 دقائق
بعد كده نغمسها في مية دافي (انا عن نفسي بحطها في مية سخنة شوية وبستحملها ) وممكن تحطي في المية نعناع طاازجة بيعمل علي استرخاء القدم جدااااااااا



نترك القدمين حوالي 10دقائق او ربع ساعة لحد ما تحسي ان رجلك بقت طربة وبالعامية كده باشت في المية





بنحط علي الحجر الخفاف الي هو في الصورة لونه اسود وانا بفضل البلدي بتاعنا عن الصيني قليل من صابون المغربي ونبدا نتدعك الكعوب جامد لحد ما تحسي ان كل الخلاياالجلد الميتة طلعت كلها


وبعدين نستخدم المبشرة كما بالصورة

وبعدين اخر شي الصنفرة
لو مفيش عندك صنفرة القدمين ودي بكون زي المقشرة بالظبط بس فيها من الناحيتن ورق مصنفر

استخدامي الليفة المغربية الخشنة في فرك كل القدم بحركات دائرية




بعد كده نعمل صنفرة للقدم كلها وانا بحب صنفرة كريم العروسة من حراز لانها بتفتح وتبيض او اي صنفرة تانية عندك مش مشكلة


مفيش عندك صنفرة جاهزة اعملي في البيت


استخدامي ملح او سكر خشن وشوية زيت زيتون ونقاط من عصير الليمون

واعملي صنفرة بحركات دائرية للقدم كلها 10 دقائق كده


واشطفي القدم بماء بارد قليل مضاف اليه ماء ورد او زيت عطري عندك ياسمين او فل او اللافندر او ورد او خليط منهم



بعد كده ننشف القدم كويس اوي وندهن اي كريم مرطب او زيت زيتون او فازلين او زيت جونسون وانا بخلطه بزيوت عطرية بيدي رائحة حلوة اوي وكمان في كريم حلو جدااا ومرطب قوي للجلد اسمه ايمو سوفت حتلاقية في كل الصدليات ونلبس كيس نايلون وعليه شراب


ونام بيه

ده الروتين الاسبوع


نيجي بقي للروتين اليومي

الروتين اليومي بالليل قبل النوع بنغسل القدم كويس اوي بشاور او صابون مغربي ونشفها وندهن اي كريم مرطب او فازلين او زيت زيتون او زيت جونسون المخلوط بالزيوت العطرية

ويفضل نلبس برده شراب للصبح


نيجي بقي لحمام شمع البارفين المعطر

وده بيتعمل لتقشير القدمين واليدين وبيدي نعومة فائقة وده ممكن تعمليه كل شهر او شهرين وبيتعمل يوم الفرح كنت بصراحة بحط المقادير بالبركة بس لقيت فتوكة هنا كاتبة نفس الوصفة بس بالمقادير

المقادير
120 جرام من شمع البرافين
30 جرام من زين البرافين
20 قطرة من زيت عطري زي الورد او اللافندر

بضع قطرات من زيت الزيتون ( ندلك بيهم اايدينا قبل ما نخلهم الشمع)
اكياس بلاستيك
جوانتى بتاع الفرن او فوطة
طبق مدهون بزيت الزيتون (لصب شمع البرافين فيه بعد صهره)


طريقة التحضير:



- يصهر شمع البرافين وزيت البرافين والزيت العطري (انا بفضل خليط من الزيوت العطرية ) فوق حمام بخار ماء ساخن
- يصب الشمع في الطبق المدهون زيت زيتون وع الانتظار حتى تتكون الطبقة السطحية (القشرة عشان ميكونش سخن اوي)
- عندما تتكون القشرة فهذا يعني أن درجة حرارة الشمع مناسبة لوضع الايدي فيها ولكن عليك التأكد اولا وذلك باختباره على المعصم قبل وضعه على اليد او القدم
- نغسل ايدينا جيدا وننشفها بمناديل ورقية جيدا وندهن زيت الزيتون
- نغمس الايدي بشكل متكرر في الشمع مع الانتظار لمدة دقيقة كل مرة داخل الشمع (او لحد ما تستحملي السخونة) حتى تتكون طبقات عديدة من الشمع على اليدي
- خلي حد يساعدك ويدخلك ايدك جوة الاكياس البلاستيك ويلفها بالفوطة او يدخلها الجوانتى
- استرخي لمدة 30 دقيقة وبعدين شيلي الفوطة وشيلي كل الشمع مع الكيس البلاستيك وبعدين افركي ايكي كويس واعمليلها تدليك خفيف
وصفات لنعومة اليدين والقدمينهذه مجموعة خلطات لنعومةوبياض اليدين والقدمين

1) يخلط زيت زيتون وسكر وتدلك بها اليدين والقدمين لمدة عشر دقائق ثم تغسل .

2) يخلط العسل واللبن وتدلك بها اليدين والقدمين فيزيد نعومتهما و بياضهما .

3) المقادير : بيضه وحده - ملعقة خميرة - ملعقة طحين - ملعقة ماء ورد .

الطريقة :تخلط جميع المقادير وتدهن بها اليدين والقدمين وتترك حتى تجف ربع ساعة ثم تغسل بالماء وبعد ذلك تدهن بقليل من زيت الزيتون .

4 تونيك لبياض اليدين :المقادير :8 ملاعق ماء ورد - 3 ملاعق جلسرين - ملعقه كبيرة عصير برتقال - ملعقه كبيرة خل التفاح تخلط مع بعض وتصب في زجاجة ونضعها في الثلاجة وتستعمل يوميآ ويلاحظ الفرق بعد مده.

الوصفه الاخيرة مجربها ونتيجتها 100/100





في كمان سيدات وبنات بتحب اوي تدي للقدمين من تحت والكعوب لون بمبي او روز

وده بيجي بطريقين
بنجيب العكر الفاسي او دم الغزال كمية صغيرة اوي اوي ونضيفها علي زجاجة ماء ونحتفظ بيها وللاستخدام بنغسل القدمين بالمزيج السابق

الطريقة التانية

نشتري اي نوع كريم يكون بدون رائحة او رائحتة خفيفة ونضيف علي العلبة قليل من العكر الفاسي او دم الغزال ونمزج الخليط كويس جداااااااااا
ونحتفظ بالكريم في الثلاجة ويدهن به القدمين عند اللازم



50
15K

يلزم عليك تسجيل الدخول أولًا لكتابة تعليق.

تسجيل دخول

جوري مصر
جوري مصر
الحلقة رقم 2
الحــــــــــــــــــــمـــــــــــام المـــــــــــــــــــــغربي

بنات كتير تكتب مواضيع عايزه افتح لون جسمي
عندي سواد في منطقة معينة
عايزه ماسكات لتوحيد لون الجسم وتفتيح

طيب ياقمر مش الاول يتم تنظيف الجسم كويس وازالة الاوساخ وخلايا الجلد الميتة والخطوة دي علي فكرة بتفرق كتير جدا وبتفتح الجسم من درجة الي درجيتن


كمان بنشوف علي النت منتجات كتير اوي بتتسخدم في الحمام المغربي بواسطة الاخوات المغربيات طيب تماما المنتجات دي متوفرة عندهم كتير ومعظمهم رخيص الثمن جدا
لكن في مصر معظم المنتجات دي بتكون غير اصلية ومغشوشة
الاساسي في اي حمام مغربي الثلاثة دول

الصابون المغربي الاسود البلدي بزيت الزيتون

والصاوبن بيكون تقييييييييييل ولو قلبتي البرطمان الصابون بيكون صعب ينزل بسهولة وبيتم تخفيف الصابون بماء وعصير الليمون او خل التفاح
وفي مغربيات بتضيف علي الصابون مسحوق الشبة وده لشد الجسم والصدر
وده شكله بيكون تقيل ولونه اسود او بني غامق



وفي منه اكياس صغيرة حوالي 30جرام ورخيصة









الصابون البلدي



















تكمن خصوصيته في أنه خليط من الزيوت المرطبة الطبيعية، و في فاعليته على ترطيب البشرة و تخليصها من الشوائب. يترك على الجسم لبضع دقائق، قبل أن يشطف بالماء الدافئ


غسول الشرفاء (الطمي او الطين المغربي )


يعنى ايه غسول الشرفاء ...؟؟؟

◄ما هو غسول الشرفاء الأخضر ومن أين يأتي؟ من المغرب يأتي إلينا، حيث توجد مناجم الطمي الخام عند جبال أطلس في وادي مولويا الذي يبعد حوالي 150 كيلومتر عن مدينة فاس، وبعد إستخراجه تتم معالجته للحصول علي نوعية عالية النقاء والجودة من الغسول الطبيعي100% (خالي من المواد الحافظة والمواد الكيميائية).



فوائد الإستخدام :



للعناية بالوجه والجسم :

· تنقية ونظافة البشرة.

· إزالة خلايا الجلد الميتة للحصول علي بشرة ناعمة وملساء.



· إزالة الرؤوس السوداء من الوجه.



· إزالة الإفرازات الدهنية الزائدة، مما يحسن من آثار حب الشباب.



· تفتيح البشرة وحمايتها من آشعة الشمس الضارة (الفوق بنفسجية).



· إزالة المواد العضوية والأملاح الضارة للبشرة التي تتكون من أثر العرق.



يحسن مرونة الجلد ونظرا لخصائصه القابضة يساعد علي شد الجلد والتخلص من التجاعيد.





للعناية بالشعر :

· إزالة الإفرازات الدهنية الزائدة من الشعر وفروة الرأس مما يساعد علي التخلص من قشرة الشعر.



· يعطي الشعر بريقا وملمسا ناعما.

· إزالة بقايا المواد الكميائية المستخدمة لتثبيت الشعر.



طريقة الإستخدام :

يؤخذ مقدار مناسب من الطمي في إناء زجاجي أوخشبي (ليس معدني) ويضاف إليه كمية قليلة من الماء العادي أو ماء الورد ويمزج ثم يزاد الماء تدريجيا للحصول علي خليط له قوام.



ملحوظة : للبشرة الجافة أو للشعر الجاف ينصح بإضافة ملعقه كبيرة من زيت الزيتون.

· ثم يوضع علي الوجه أو كامل الجسم مع التدليك بأصابع اليد(يفضل بحركة دائرية) ليكون طبقة رقيقة، و يترك لمدة 10- 15 دقيقة أو حتي يجف (للبشرة الحساسة يترك لمدة 5 دقائق فقط) ثم يشطف بالماء الدافئ. (قد يلاحظ حدوث إحمرار طفيف بعد الإستخدام ويتلاشي بعد وقت قليل ليترك لونا ورديا) · أو يوضع علي الشعر ويدلك مثل الشامبو ويترك لمدة 10- 15 دقيقه ثم يغسل بالماء الدافئ.



◄ تكرر الخطوات السابقة مرة أو مرتين أسبوعيا.

◄ يستخدم غسول الشرفاء الأخضر للمرأة والرجل علي حد السواء.







للشعر: ويستعمل كملين و مقوي لاحتوائه على املاح معدنيةبعد غسل الشعر بالشامبو يوضع عليه الغسول المذاب في ماء الورد كملين ومرطب لشعر

ثم يشطف بالماء والمشط العادي



للجسم: يستخدم للجسم بعد الحمام المغربي مخلوطا مع مدقوق الورد اليابس و ماءالورد واالليمون كماسك ثم ينظف بعد جفافه ليعطي نعومه ونظافه لا مثيل لهاقناع الطيني هو القناع الوحيد الذي يمكن استخدامه لمنطقه العين بامان علي عكس اي ماسك اخر حيث يفيد في ازاله الانتفاخات حول العين ويويل الهالات السوداء كما يساعد علي اخفاء التجاعيد في منطقع العين




غسول الشرفاء الأخضر الباكت نص كيلو









الليفة المغربــــــــــية او الكيس



















ليفة الظهر

وانا عن نفسي باستخدام هذه الليفة لسهولة استخدامها وحجمها الكبير وتقدري توصلي بيها لكل اجزاء الجسم زي الظهر



وطبعا علشان حرام كشف العورات حتي علي اختك او مامتك











قفاز مذهل مصنوع من ثوب مخصص يستخدم للتقشير

و تفتيح المسام، و يقوم بعمل مساج لكافة الجسم وتحريك للدورة الدمويةوهو رائع لازالةالخلايا الميتة ويستخدم دائما وابدا مع الصابون الاسود البلدي...



للحافظ علي الليفة لاطول وقت ممكن لا تلمس ابدا الصابون او الطمي وبعد الحمام المغربي يتم تنظيفها جيدا بماء مضافة اليه ديتول وتترك في الشمس حتي تجف
جوري مصر
جوري مصر
كيفية عمل حمام مغربي بالبيت


سخني الحمام بأن تتركي الماء الساخن يملأ البانيو مع إغلاق كل منافذ الهواء (الباب و النوافذ)، المهم هو أن يملأ البخار الحمام، وتتعرقين.
والبنات الي عندها جهاز الساونا في البيت طبعا حكيون افضل

ادخلي البانيو المليء بالماء الساخن (طبعا حسب تحمل بشرتك) لمدة 10 دقائق. بعد ذلك اجلسي على كرسي، لأن المرحلة التالية تلزم أن تخرجي من الماء


ضعي (الصابون البلدي) على كامل جسمك، ولا تنسي وجهك وركزي على المناطق الدهنية في بشرتك. أتركي الصابون على جسمك حوالي 10 دقائق. أما بالنسبة لوجهكي فأشطفيه في الحال لكي لا يؤذي عينيكي وكرري وضعه مرة أخرى (لأن الوجه يكون دهنيا أكثر من باقي الجسم).

والصابون البلدي يتم تحضيره قبل الحمام بخلطه عصير ليمون او خل تفاح (كمطهر) او
صابون بلدي + مسحوق الشبة + عصير الليمون + المية


بعد ذلك أشطفي جسمكي بالماء الساخن جيدا وأقوم بفرك جسمكي بالليفة المغربية (من الأسفل إلى الأعلى باتجاه القلب حتى تحفزي وتنشطي الدورة الدموية) أبدئي بوجهك ثم عنقك ثم صدرك وبطنك ثم يديك ورجليك . وركزي على المناطق الخشنة في جسمك مثل الكوعين والركبتين، أشطفي جسمكي بعد ذلك بالماء.
بعد ذلك قومي بإزالة الرؤوس السوداء من وجهك حيث تكون البشرة في هذه الأثناء متفتحة المسام فيسهل إزالتها، قومي بلف ورق كلينكس أو قطعة ثوب معقمة على سبابة كل يد ثم أعصري كل حبة وأحرصي على إخراج كل ما بداخلها حتى تنتهي من كل النقط التي في وجهك، مع التركيز على الأنف وجوانبه والذقن ثم باقي الوجه.



بعد ذلك يتم دهن الجسم بالغسول الشرفاء (يتم تحضيره قبل الحمام بخلطه بالورد اليابس وده الورد المجفف ) ويترك علي الجسم من 10 الي 15 دقيقة

في هذه الأثناء قومي بفرك أقدامك بالحجر الخفاف حيث تكون رطبة وتسهل عملية إزالة الخلايا الميتة.

كما هو موضح بالحلقة رقم 1








8- أشطفي جسمك من الغاسول ثم أغسل شعرك جيدا





يفضل قبل عمل الحمام المغربي ان تقومي بغسل شعرك جيدا بشامبو طبيعي ويتم عمل حمام كريم وانا افضل الانواع التالية

باي بيونت بالنخاع

كريم فاشكول الاصلي بالثوم او زيت الحية

او اي نوع تحبيه ومتعودة عليه

او عمل ماسك طبيعي مكون من

3 معالق مايونيز كبيرة
1 معلقة اي حمام كريم متوفر عندك
3 انواع زيوت للشعر مختلفة متوفرة عندك (زيتون وخروع و زيت ذرة )


بعد ما تخلص علي طول الحمام المغربي بتقومي بشطف جسمك بماء بارد قليل مضاف اليه ماء ورد وذلك لغلق مسام جسمك التي تمت فتحها اثناء الحمام المغربي



المرحلة الاخيرة في الحمام المغربي وهي الترطيب

انا بفضل هذه الخلطة وبحضرها بنفسي في البيت

زجاجة زيت جونسون للاطفال

زجاجة زيت لوز

5 جرام زيت ياسمين

5 جرام زيت فل

5 جرام زيت لافندر

5 جرام مسك العروسة

وتيم خلطهم جيدا في زجاجة زجاج وتتسخدم مباشرة بعد الحمام المغربي ويتم تغريق الجسم بالكامل بالخليط

ومن الافضل ان العروس تدخل تنام علي طول

ويفضل عمل الحمام المغربي بالبل ليلة الحنة وتنام العروسة

(طبعا هي حتكون بتعمله قبل الفرح بشهرين علي الاقل كل اسبوع او 10 ايام مرة )

لاحساسها بالاسترخاء الشديد بعد الحمام
ولتقوم في اليوم التالي الي هو يوم الزفاف منشرقة متالقة لحصولها علي قسط كبير من الراحة والنوم




جوري مصر
جوري مصر
الحلـــقــــة رقـــــم (3)

ودي مخصوصة لماسكات تفتيح وتبيض وتوحيد لون الوجه والجسم


وباذن الله حيكون في منها خلطات جاهزة تشتريها وتستخدميها علي طول ومنها تقدري تعمليها في البيت بسهولة ويسر

وكل هذه الماسكات والخلطات لو حتعمليها لجسمك بعد الحمام المغربي علي طول بيكون قبل مرحلة الترطيب بالزيوت والكريمات في طريقة عمل الحمام المغربي في البيت

طبعا كل الخلطات دي كلها طبيعية في معظمهم بيظهر النتائج من اول مرة وبتحسي بفرق
واحنا متفقين من بعد ما عملنا الحمام المغربي انه بيفتح بدرجة او درجتين لانه بيزيل الاوساخ وخلايا الجلد الميتة المتراكمة في الجلد


وعلي فكرة ازالة خلايا الجلد الميتة اول باول بتمنع وتقي من معظم الامراض الجلدية
يعني بالعربي كده الحمام المغربي مش بس تجميل ده علاج ووقاية من الامراض

نقول بسم الله ونبدا

اول خلطة او ماسك ودي من ابتكاري وبصراحة بستخدمه من سنين وحلو اوي

***ماسك او خلطة اللوز ***

مكوناتها
ربع كيلو لوز مقشر مش مملح ولامحمص

كوب كبير لبن بودرة

كوب كبير نشاء

كوب كبير ترمس مطحون

مية ورد للخلط

وعصير الليمون
http://www.*****.cc/forum/imgcache/196869.png
لو للجسم ممكن نضيف معلقة كبيرة من مسحوق الشبة

نقوم بغلي كمية الماء ونضع فيها حبات اللوز لمدة 10 دقائق بعد كده حتلاقي الغطاء الخارجي لحبات ا للوز بتطلع بسهولة بنسيبه شوية ينشف من الماء

وبتحطي اللوز في الكبة او الخلاط لتحصلي علي بودرة او خليط متماسك
يتم خلط باقي المقادير مع اللوز لعمل عجية لزجة يسهل فردها علي الوجه والجسم

يتم ترك الماسك لمدة من 45 الي ساعة علي الجسم حتي يجف ويتم ازالتة بالفرك بحركات دائرية باليد
يتم بعد ذلك شطف الجسم بماء فاتر مضاف اليه ماء الورد
لو بشرتك حساسة لا يتم اضافة الليمون
بنت العضيدي
بنت العضيدي
جوري مصر
الله يسعدك ع هالموضوع بصراحه استفدت منه
جزاك الله كل خير
ولاتحرمينا من جديدك
وتستاهلي التقييم كامل
ملح و سكر
ملح و سكر
جزاك الله خيرا
موضوع رائع فعلا