أنا بعد ما أطبخه أفرزه ، و اذا احتجته اطلعه يسيح و اسخنه عادي ، هذا إذا كنت مضطره

أنا إذا انتي متعمده تفرزيه و هو محشي ، اطبخيه نصف المده ، برديه ، فرزيه ، عند الحاجه طلعيه يسيح و كملي سواه و بالعافيه عليكم

السلام عليكم ورحمة الله وبركاته
اهلين اخواتي
انا طريقتي ومعتمدتها من سنين
والاكل يسالني عن طريقتها

تنقعين 4 كاسات رز مصري بعد غسله
لحبتين كبيره ملفوف

الملفوف اسهل الطريقه له فرزنيه لمده اسبوع او 3 او 4 ايام
احسن واسهل من السلق
طلعيه وحطي عليه مويه حاره اذا مستعجله
او خليه يذوب بروحه


طريقة الحشوه تقطعي 3 بصلة كبيره قطع صغيره و3 فصوص ثوم مهروسه
وتحمسيها في قدر مع زبده 200 غرام
تعطيها نكهه جميله جدا رائعه
وبعدين تحطين عليه 2 طماطم كبيره مقطعه قطع صغيره
و3 ملاعق صلصة طماطم
وحزمة كزبره وحزمة شبت مفرومه فرم ناعم
وخليهم ينحمسون زين ثم حطي عليهم البهارات والملح
اهم حاجه ( الملح والفلفل اسود وكمون وكزبره حب مطحونه )
مكعبين ماجي اختياري
ثم حركيها
وحطي عليه الرز المصري
وزيديه مويه تغطي الرز شوي ثم خليه يطبخ حتى تنشف المويه و مو ضروري يستوي

ثم ابدي احشي الملفوف
و صفيه في كيس اسهل لك من العلبه وفرزنيه ويكون الكيس على حسب المقدار الي حابه تطبخينه

ومته ما بغيتي تطبخينه
حطي في قدر صلصه وثوم ومكعب ماجي اذا ما فيه عندك مرق دجاج
وبهارت وملح ومويه اطبخيه على النار
وصفي حلقات بصل في القدر ثم الملفوف وحبات فلفل ثم حطي عليه المرق الي طبختيه
ثم اطبخيه لمدة ساعتين


ان شاء الله اكون افدتك

سبحان الله وبحمده

احشي الملفوف وصفيه بصينيه مفروش عليه سفره بلاستيك وحطيه لين يجمد وبعدين حطيه بكيس بلاستيك وسكريه زين وحفظه بألفريز ومتى ما بغيتي تسوينه طلعي قد احتياجك واطبخيه