ماهي اسباب العفنه والصفار

الحمل والإنجاب

السلام عليكم ورحمة الله وبركاته

بنات لفت انتباهي كثير من المواليد في الوقت الحاضر ينصابون بالصفار او بالعفنه هذا إذا مانصابو بالثنين سوى

سوالي ماهي اسباب الأصابه بالصفار واسباب الأصابه بالعفنه؟؟؟؟؟؟؟؟
وشهي العفنه اعرف انها تصيب المعده بس مدري وشهي وانا بكريه تعرفون اقلقني الموضوع اغلب قرايبنا لاولدة يامنصاب ولدهاباصفار او عفنه الله يكفي عيالنا وعيالكم هذي الأمراض وابي اعرف اسبابه عشان إن شاء الله نحمي عيالنا بعد الله من هذي المراض
الي عندها معلومه وخبره تفيدنا............
14
122K

يلزم عليك تسجيل الدخول أولًا لكتابة تعليق.

تسجيل دخول

بنت أبــوها
بنت أبــوها
حبيبتي الصفار عادي يجي كل المواليد تقريبا الحين كل من طلعت من المستشفى قالوا البيبي فيه صفار وماطلع
او زي حالتي طلعت ومعي بنتي يومين وعقب رجعت للمستشفى جلست 4 ايام عشان الصفار
بس فيه الي نسبته تكون عاليه ويحتاج متابعة مكثفة زي وضع بنتي وفيه الي نسبته عاديه وممكن تاخذينه للبيت وتحطينه تحت اللمبة عندك بالبيت وتعطينه جلوكوز وكذا لين يخف
بس من اهم اسباب الصفار الي قالوها لي المستشفى
1- اختلاف فصيله الدم بين الام والمولود..<<ولكن في اول مولود مالها علاقة وانا اول مولود واخذت الابره
2- الطفل مولود قبل وقته وماكتملت وظائف جسمه..<<بنتي مولوده بالاسبوع 36 لكن برضه قالوا دام دخلت التاسع مالها تاثير
3- عدم تعرض الام فترة الحمل لاشعة الشمس..وفعلا انا ماكنت اتعرض لاشعة الشمس ابدا..
4- الرضاعة..
المولود يحتاج يرضع كل ساعتين وغالبا المفروض يرضع طبيعي عشان يخف الصفار ومايزيد
انا بنتي كانت تنام واذا هي نايمة مااقدر ارضعها وهذا زاد عليها الصفار
وبالمستشفى حطوها تحت اللمبة ويرضعونها كل ساعتين والحمدلله نزل الصفار الى مستوى معقول وطلعوها..
ولكن للحين عيونها فيها صفار شوي بس الحمدلله تعقدت وصرت لو هي نايمة اغصبها ترضع واحطها بالشمس واحطها تحت اللمبة وان شاء الله ماتكمل 40 الا رايح كله يارب..

وانتي احرصي الحين على الشمس والتغذية كويس واذا جاء المولود احرصي على ترضيعه كل ساعتين لو هو نايم لاتقولين نايم وماصاح بكيفه لااااع انتبهي..لو مو من صدرك كل الوقت بس اهم شي يرضع احس مرة تعقدت اناا

اما العفنه والله مادري عنها الصراحة..والله يتمم لك بخير
ماريلا
ماريلا
الصفار اغلب المواليد يجي فيهم من اول ما يتولد..و نادر اللي ما يجي فيه..
وعلاجه تعرضين الطفل للشمس الصباح بدري.. وتعطينه منقوع كمون محلى بعسل..كميه بسيطه بس..
اما العفنه اول مره اسمع فيها..
احساس غربة 123
احساس غربة 123
وشي العفنه اول مررررره اسمع فيها
بنت ابوها-نجدية
بنت أبــوها الله يعطيك العافيه على الرد كفيتي وفيتي والله يشفيلك بنتك عاجلاً ومشكوره على النصايح

ماريلا شكرا على الرد


احساس غربة 123

العفنه تجي في معدة الطفل وانا مثلك معرف عنه كثير بس الحريم إلي اشوفهم ومن ضمنهم بنت عمي ماراحت العفنه من بنتها لين كوتها عند حرمه مداويه واغلب علاج لها الكوي لكن يكوون براس الأبره وعند حرمه متخصصه اما عن طريق المستشفى مدري له علاج اولا
وحده ثانيه ولدها فيه عفنه واهملته امه وصار فيه حول في عيونه يعني لازم تعالجينها بدري لكن وش اعراضعها مدري اتمنى من الأخوات يفيدونا عنها واهمال العفنه موزيييييييييييين
ام هنزادة
ام هنزادة
الصفار يجى للطفل عشان الام ماتتعرض للشمس وقت حملها ..

هذا الى اعرفه