ياسمين وجوري
ياسمين وجوري
سعرها بالسعودية 1200 ريال
وهيه تنفع للكنب والموكيت والسجاد وحتى الارضية
عن تجربة المكنسة هذي رائعة:)
هنادي ج
هنادي ج
عزيزتي تنفع للكنب بس يلي عندي بس بتشفط الماء من الكنب وبتنزل ماء وصبون يعني الفرك مو جيد لانه مالها فرشاة بتدور اما الموديل لاحدث ففرشاتها بتدور بس اكيد بيختلف السعر .
انت ادخلي هوفر عالنت وشوفي الليافات وبتفهمي شو قصدي .
على كل حال نشفان السجادة من الماء بيعتمد على كم الماء والصابون يلي
نزلتيه اثناء التنظيف لانه الامر يعتمد عليك وكم ترديدين تبليل السجادة بالصابون .
اذا عندك مروحة كهربائية وجهيها على السجادة وبتكفي لانه ماتطلع ريحة للسجادة باذن الله
نسيت احكيلك اني قبل لا اغسل السجادة بنفضها من الغبار منيح , يعني بقلبها على الوجه التاني وبكنسها بمكنسة الهوفر مو الليافة وهيك بينزل كل التراب
عالارض وبرجع بعيد اكتر من مرة ومشان هيك بتنظف معي منيح وبتصير ريحتها زي الفل , لانه الغبار يلي موجود كله طلع قبل مااليفها بالصابون .

هي مكنسة الهوفر وهي الصورة بتظهر كيف الغبار عم ينزل عالارض واذا مانزل عالارض اعرفي انك واضعة العيار الغلط للمكنسة , يعني لازم تحطي عيار كانك بتكنسي ارض مو سجادة مشان تقدر فراشي المكنسة تضرب السجادة وتخلي كل الغبار ينزل بشكل كامل .



وهي الليافة يلي عندي ويلي صار في منها موديلات احدث ,
الجديدة يلي اشترتها سلفتي فيها زر للغسيل الشديد , وهيك بتسمح لكم صابون كبير ينزل وهاد للسجاد المتسخ اكثر . وانا ماعندي هالزر .
سامحيني اعدت تحميل الصورة مرتين ومااتحملت
برجع لك اذا اتحملت معي مرة تانية

لمووي2009
لمووي2009
الله يجزاك الجنة. ويبلغك رمضان. ويوفقك بصيامه وقيامه. قمتي بكثر من الواجب ويوفق كل من رد
لمووي2009
لمووي2009
كم مرة. تستخدموها. تغسلوا الموكيت. لها صابون. خاص.  
هنادي ج
هنادي ج
استعمالها حسب الاتساخ عندك ,
يعني هي فيها ميزة حلوة :
الفراشي الخاصة بالتنظيف بتتحكمي بدورانها , يعني في مسح خفيف وفي شديد لذلك اذا السجاد تنظيف خفيف يعني فقط مسح مو تنظيف اخر الشتاء قبل ماتشيليه بتستعمليه المسح الخفيف وهيك الفراشي مابتدور الا دوران خفيف
لانه غسيل السجاد كتير بيخليه يصير شكله اقدم .
اما الغسيل يلي اخر الشتاء فلا بد من استعمال ميزة حركة الفراشي القوية .
انا عن نفسي بمسحه مرتين بالشتاء وبغسله اخر الشتاء غسيل مرتب .
اكيد الها شامبو خاص , بس مو ضروري تستعملي شامبو هوفر لانه غالي جدا , اي شامبو سجاد ينفع وحاولي تستعملي ماء فلتر داخلها لحتى ما يصير فيها تكلس .في انواع شامبو كتير
في العملاق الاردني وفي التركي وفي السوري وكلهم جيدين اذا ماحصلتي عالاجنبي .