كل وحدة تبي او تفكر تاخذ ابرة منع الحمل..تتفضل تقرا اضرارها وبلاويها << قديم

الحمل والإنجاب

بسم الله الرحمن الرحيم


حبيت اكتب موضوع عن ابرة منع الحمل واضرارها عشان اللي تبي تاخذها تعرف عن عيوبها وبلاويها


اول شي بكتب لكم معلومات عنها...




ابر منع الحمل هي تعتبر وسيلة فعالة لمنع الحمل تساوي فعالية حبوب منع الحمل المركبة، ويستمر تأثيرها لمدة ثلاثة أشهر، ومنها انواع تستمر لستة اشهر... غير أنه لا يصح استخدامها إلا بوصفة طبية بعد فحص شامل.

وينصح باستخدام هذه الوسيلة في حالة الرغبة في منع الحمل لفترة مؤقتة ، مثلاً :

- بعد تطعيم الحصبة الألمانية .
- أو لدى النساء اللاتي لا يحسن استخدام الطرق الأخرى لمنع الحمل .
- أو للنساء اللاتي لديهن موانع لاستعمال حبوب منع الحمل المركبة ، أو أنهن تعرضن في السابق لبعض آثارها الجانبية .

وهي عبارة عنPROGESTOGEN INJECTION اى ارسال لبروجسترون على المدى الطويل ولكن بشكل بطيء وهو ينفع في حالة المراة الكثير النسيان لاخذ حبوب منع الحمل في وقتها وتعمل هذه الابرة على منع الاباضة عن طريق رفع مستويات هرمون البروجسترون

علما انها اكثر من نوع :
نوع يحتوي على البروجسترون على شكل Depot medroxyprogesterone acetateوهو يعطى عن طريق حقنة في العضل ومدة صلاحيته تصل الى 12اسبوع ..

نوع يحتوي على البروجسترون على شكل Norethisterone enanthateويعطى عن طريق العضل ومدته تصل الى 8 اسابيع ..

نوع يحتوي على البروجسترون على شكل Etonogestrel implantوهو يزرع تحت الجلد تحت التخدير ويوضع في الجزء الداخلي للذراع وتصل مدة فاعليته الى 3-5 سنوات ويعمل هذا ايضا على منع الحمل عن طريق زيادة سماكة افرازات عنق الرحم لاعاقة الحيوانات المنوية للوصول الى البويضة ..

اما عن مميزات هذا النوع من اساليب منع الحمل :
ذوفعالية عاليه جدا
يقلل فقدان الدم من الدورة .

ومن عيوبه :

- عدم عودة الخصوبة إلى المرأة بعد انتهاء مفعول الإبرة مباشرة : و الدورة قد تتوقف تماما ولكنها قد تعود بانتظام خلال 6اشهر من ازالته او وقف الحقن ..
-امكانية حدوث نزيف غير متوقع لبعض النساء او حدوث توقف تام لدورة ولكنها تعود بمجرد التوقف عن الحقن او ازالته ..
- عدم انتظام الدورة الشهرية، ونزول نقاط من الدم بين الدورتين .
- زيادة في الوزن .
- عصبية زائدة .
- صداع و غثيان ودوخة .
- يجب قياس ضغط الدم قبل كل إبرة عضلية .

علما ان الاثار الجانبية نسبية وتعتمد على استعداد كل جسم لاخر وتجربتك لها هى التى ستظهر هل تحدث لك الاثار الجانبية ام لها كلها او بعض منها ....






والحين اتكلم عن تجربتي وتجارب اللي اعرفهم والتجارب اللي لقيتها في منتديات ثانية


اول شي بقولكم تجربتي طبعا انا ماكنت اعرف اضرارها الا عقب ماخذتها على بالي بتمنع الحمل لمدة 3 شهور وخلاص وعقب احمل عادي..المهم خذيت الابرة بداية شهر 6 ومن اول ماخذتها وانا تنزل علي بقع دم لمدة كم يوم وعقب وقف لين شهر 10 نزل علي دم لمدة 10 ايام ومن يومها ولا نقطة دم لين قبل فترة رحت عند الدكتور ابي اتطمن سوا لي سونار وقالي بطانة الرحم ضعيفة والبويضة حجمها 10 وكل هاي من الابرة وعطاني كلوميد وقالي اذا البويضة كبرت يعني مفعول الابرة راح واذا ماكبرت بعطيج ابر منشطة ....

انا خذيت الابرة بـ27 ريال ..بس تعالي عقب حق علاج بلاويها بيطلع عليج اكثر من آلاف الريالات تخيلو كل اسبوع او اسبوعين اراجع الدكتور وكل مرة ياخذ مني مبلغ وقدره...آه من الابرة بس


هاي تجربتي وابتدي بتجارب الناس اللي اعرفهم


1- تجربة مرت اخوي:

خذت ابرة المانع معاي في نفس اليوم وقبل فترة راحت العيادة قالت لها الدكتورة ان البويضة مب دائرة قالت لها شلون تقول صايرة مخربطة يعني جنها ((بويضة مشوهه)) وبطانة الرحم ضعيفة طبعا ولحد الحين ماجاتها الدورة من اول يوم خذت الابرة بس بقع دم لين الحين.


2- تجربة خالتي:

خذت ابرة المانع لمدة سنتين وعقب ارتفع عندها الضغط وقالو لها انها ماراح تقدر تحمل لين عقب سنتني لان الابرة سببت لها عقم قالوا لها ضمان ماراح تحملين اقل شي سنتين عقب شهر او شهرين خالتي حملت.


3-تجربة رفيجتي:
عندها ولد وخذت الابرة مرة وحده والحين لها 4 سنين ماحملت.


4- تجربة رفيجتي 2 :
خذت ابرة المانع بداية شهر 12 ومن اول ماخذتها نزل عليها دم (نزيف) وماوقف الا لما خذت حبوب توقف النزيف وكانت تحس بنفس اعراض الوحم.


5- تجربة رفيجت رفيجتي:
تقول ان عندها 4 اولاد وخذت الابرة والحين لها 7 سنوات ماحملت.


6- تجربة رفيجت رفيجتي 2:
خذت الابرة والحين لها سنتين ماحملت.




والحين تجارب البنات اللي في هالمنتدى ومنتديات ثانية

1-اختي ما انصحك ابدا فيها لان اضرارها اكثر من نفعها وهي تسبب في تاخير الدورة على الاقل مدة سنة وتاخير الحمل وزيادة في الحرارة كل اللي استعملوها ندمو جدا جدا ..

2- تسبب هشاشه في العضام.

3-اسمعي مني وانا اختك انا استخدمتها اخذت ابرة منع الحمل الي مدتها ثلاثة شهور قلت بجرب لان فية ثلاثة شهور وفية ستة شهور وفية سنة المهم ما كنت اعرف ولا شي عنها بس قلت يالله مغامرة
المهم دقيتها في اليوسف بالخبر اول شي عادي مافية اي اثر بعد كذا انتظرت الدورة تنزل بس مافية امل شهر شهرين ثلاثة مافية امل قعدت على ذا الحال 7 شهور والله بطني صار مثل الحصاة الي يشوفني يقول حامل في السادس
بعد كذا تعب في ظهري والم في بطني حتى اني رحت مرة المستشفى الساعه 4 الفجر يحسبون عندي ولادة مبكرة
وزاد وزني 10 كيلو خلال 3 شهور بغيت انجن بعد كذا عطتني شغالتي لهومات وخرابيط نزلت لي الدورة وتعبت حيييل وندمت اشد الندم
ومن ذاك اليوم الين قبل الحمل الحمد لله ودورتي غير منتظمة وهرموناتي خطا بس ربي اراد اني احمل
وتوبة توبة توبة ان شاء الله وبحاول بعد ما اولد انزل وزني وارجع مثل قبل كلن يضرب المثل بجسمي الي عدمتة الابر
.

4- الابرة الي تتكلمي عنها استعملتها جارتي صدقيني مو قادره تمشي من عظامها كانها عجوز تقول انها محتاجه عصا وحرمت تاخذها مره ثانيه واناا انصحك بعدم استعمالها لما فيها من مضره وهذي الابره كل ثلاث شهور تاخذهالاكن بطلت تاخذها بعد ماشافت عاقبتها.

5- انا لاانصح بالابرة ابدا ساقتصر لك في بعض النسوان تسبب لهن في النزيف وفي بعض النسوان تسبب لهن في العقم
ولهذا يجب ان تستعملين اي مانع الا الابرة هذه هي نصيحتي وانتي حرة.


6-ابر منع الحمل تسبب انقطاع الطمث والاستسقاء او الانتفاخ في الجسم.

7- ياربي انا اخدت الابر يوم السبت الي فات ومدتها تلات شهور وحاسه تعبانه مابقدر اشتغل بطاقه متل زمان من اقل شي بتعب.

8-نصيحه لا تجربينها انا اخذتها الله لا يعيدها ما صدقت انتهى مفعولها جننتني غير العصبيه طاح شعري بشكل فضيع وصرت هيكل عظمي وحسيت بآلام في المبايض والنوع اللي اخذته مدته 3 شهور.



وبس تعبت إن شـاء الله مرة ثانية احط لكم تجارب ثانية..

واحب اقولكم ان الابرة مثل ماهي مانسبتني وماناسبت كل الناس اللي قريتوا تجاربهم يمكن نفعت ناس غيرنا..
بس الاغلبية يذمونها

وفي النهاية اتمنى من كل وحدة تبي تاخذ الابرة تفكر في اضرارها اللي اكثر من منافعها وانا ماأنصح اي وحدة وبالذات اللي عندها اقل من طفلين انها تاخذها ..هي تنفع للي عمرها فوق الثلاثين واللي ماتبي عيال..

واي وحدة عندها معلومات او اضافات تتفضل تكتب ومايردها الا يدها<<لووووول
130
739K

هذا الموضوع مغلق.

الماسه حرة
الماسه حرة
مشكورة عزيزتي

على نقل التجارب

جزاك الله خير على التنبيه
ام حنووونه
ام حنووونه
سبحان الله انا قربت اولد وكنت ناويه اخذها
خليتيني اتردد
طيب الحبوب ماناسبتني ابدددددددددددددد
واللولب مستحيل افكر فيه
طيب وش نسوي
الله يعين
خليتيني اعيد النظر مره ثانيه
جزاك الله الف خير حبيبتي
Hony_SS
Hony_SS
انتى قلتى كل وحدة تكتب تجربتها
وان بكتبها وبكل صراحة والله يحاسبنى على كل حرف كتبته
استخدمتها 6 سنين متواصلة وبعد ماتركتها ب4 اشهر انتضمكت الدورة وبعدها بشهرين حملت وانتظر الحين ولادتى ولله الحمد
والحمد لله كثير خوفونى منها وحذرونى بس انا ناسبتنى ولاسمنة اوعصبية او او
وكلهم قالولى بتشوفين عقب ماتتركينها كم سنه بتتعالجين
ولنل تركتها قبل لاانوى الحمل بسنه ولاكن الله كتب انى مااكمل كم شهر الا انا حامل
وانا بطبعى مااخذ بتجارب غير وقرقرة وكذب الحريم الحمد لله فى دكاتره دارسين وفاهمين نقدر نسالهم
واتمنى الكل يتقبل راى
والله الشاهد على كلامى
Al-Farasha
Al-Farasha
الله يزاج الف خير
نجدية كول
نجدية كول
الله يجزاك خير ..