الـدانـة
الـدانـة
ممكن تعملين مشهد عن الكتاتيب ( التعليم في الماضي) عملناه بالمدرسه ولله الحمد لاقى إقبال كبير
وممكن مسابقة أفضل طبق شعبي وتكون فيه لجنه لاختيار افضل طبق وتكرم الفائزة
وممكن تعملون حفلة زواج قديمه (بيكيفون البنات) أو ليلة الحناء.
وممكن تسوين الألعاب القديمة أحنا سويناها بالمدرسة بساحة المدرسة الداخلية وتركناها لمدة أسبوع وكانوا الطالبات يلعبون فيها وقت الفرص
تثبيت صور عن الماضي في المدرسة
وممكن تعملين المعرض في بيت شعر (خيمة) ولاتنسين الأدوات التراثية وياحبذا تحضرين ماعز وتربطينها عند باب الخيمة
وممكن توزعين على الحضور القهوة العربية والتمر
والله يوفقك
~*~ السنعة ~*~
~*~ السنعة ~*~
بقولك فكرة سويناها في المتوسطة


الغرفة قسمناها قسمين قسم للماضي وقسم للحاضر


قسم الماضي فرشنا سدو وخلينا في ربعه بنت جالسة وعندها ضيفة جاية تزورها وبعدين راعية البيت تحمس القهوة وتزينها طبعا تسوي نفسها تزين وتصب للضيفو ويتقهوون

وحولهم بنت معها عيش تزينه يعني توخر الخربان

وحولهم بنت تخض اللبن وتقصد

وقدام هالبنات اكلات شعبية يبيعونها

وعند الباب مجموعة بزارين يلعبون العاب شعبية




وطول ماهم جالسين يرددون قصايد تجدذب الحضور لهم


وقسم الحاضر يبيعون اغراض كمبيوتر وجوالات


بس كان الاقبال عالماضي أكثر



وكل البنات يلبسون ملابس شعبية احنا كنا لابسين ثياب روز وشيال الي مخرمة حقت الاولين الظاهر اسمها منيخل

ولابسين النعال حقت الاولين ومجدلين شعورنا جديلتين
عطرالسحاب
عطرالسحاب
جزاكن الله خير
المجد 3000
المجد 3000
الله يجزاك خير على هالافكار