سدد ولاّ ضعف تبويض ولاّ لخبطة دوره ,, أفيدوني

تأخر الحمل

السلام عليكم ورحمة الله


انا عندي بنت 6 سنوات و ولد 4 سنوات ولله الحمد والمنه , وجبتهم بقيصريتين لضيق الحوض

المهم , لي سنه انتظر الحمل والى الآن الله ما كتب لي ,,

استخدمت اللولب سنه كامله وفكيته من سنه بالظبط

دورتي ملخبطه نوعا ما + راجعت الدكتوره مرارا وتكرارا بخصوص التبويض والحمل وتقول عندي ضعف بالتبويض و وصفت لي كلوميد كالعاده عرفناه وحفضناه

وفي الفتره الأخيره عطتني ابر منشطه 5 ابر كل يوم ابره ولمن جيتها في اليوم العاشر من الدوره وكشفت بالسونار قالت حلوو حلوو في بويضااات كتتير , واكبر وحده مقاسها 13 ( لأن بالعاده اكبر شي عندي مقاس 9 ) المهم وقالت بزيدك ابرتين منشطه علششان توصل 18 واعطيك الأبره التفجيريه .. وتعالي لي بعد ثلاث ايام ,,,,, قلت اوكي


المهم في زيارتي اليوم كأنها معبسه وهي تشوف بالسونار ومتضايقه وتقول فيه تبويض لاكن ما كبرو كثير ولا نزلت البويضه , وقالت في انتفاخ في القناه احتمال يكون فيه سدد في قناة فالوب وهو السبب طبعا هي من زمان قالت لي اسوي اشعة الصبغه وانا رفضت لاني قلت اكيد هي تبي تسوي لي كل شي وانا ماراح استعجل

الحين هي وصفت لي ابرتين منشطه زياده على أمل يوصل حجم البويضه 18 واذا مانزلت البويضه معناته انه فيه سدد !!!!!!!!!!


انا ما افهم كثير في التبويض انا اليوم لي 14 من اول ايام الدوره هل فعلا لازم تكون البويضه نزلت ؟
وهل عدم نزولها يدل على شي ؟


ملاحظه : ماعمري رحت للمرخه لا قبل ولاده ولا بعده , وكله من العمليه اخاف تعورني !!



معليش على الاطاله ,
11
3K

يلزم عليك تسجيل الدخول أولًا لكتابة تعليق.

تسجيل دخول

rree
rree
الله يرزقك يارب ويرزقنا ماعندي علم والله انا نفس الشي لي سنه و9شهور موقفه الحبوب ولا حملت راجعت واخذت كلوميد وكبرت البويضات وطلع اربع بويضات ممتازة 2منها حجمها 18 ووحده 19 ووحدة 20 واعطتني ابرة تفجير وطبقت تعليماتها في الجماع والدفستن ولا كتب ربي لي الحمل الشهر هذا اعدت التحاليل وكل شي تمام بس مادري اكمل او اطنش
نــ ووو ف
نــ ووو ف
rree هل سبق وانجبتي :) ؟
نــ ووو ف
نــ ووو ف
سبحان الله وبحمده
ضبي الحور
ضبي الحور
الله يفرج همك
rree
rree
هلا نوف ايه عندي ولد عمره 3 ونص
وحملت فيه ولله الحمد طبيعي
بس ولادتي فيه كانت قيصريه وانا خايفه يكون مسببه لي التصاقات