tiaa

tiaa @tiaa

عضوة شرف في عالم حواء

ملف للمشاكل الشائعة عند مولودك الجديد

الأمومة والطفل

اخواتي هي تلخيص بسيط للمشاكل يلي بتصادفك مع لمولودك الجد يد , انشاء الله يفيدك
اذا نسيت شي خبروني اذا بعرفه بكتبه :
السرة:اهم شي بالنسبة للسرة انو تبقيها جافة وتبعدي عنها بلل الحفاض , لا تحاولي تغطيها ضعي عليها فقط مطهر, وتحتاج لتنزل بين اسبوع لاسبوعين , بس انتبه تحمر او تتضخم او صار حوليها احمر او نزت سائل بيحتمل انه تكون لاسمح الله التهبت قولي للطبيب .
افرازات مهبلية عند طفلتك
من الطبيعي ان تشاهدي افرازات لدى طفلتك مصحوبة بقليل من الدماء سببها هرموناتك المنتقلةاليها لاتتخافي تختفي سريعا.
حبوب بيضاء لامعة:
حبوب تشبه اللؤلؤ الصغير تنتشر على الانف والوجه لاتخافي بتزول لحالها بس بتحتاج لاسابيع عند بنتي احتاجت اشهر .
اليافوخ:
البقعة الطرية بـأعلى الراس المسيها برفق
احيانا بدلك على صحة المولود اذا وجدتيها منخفضة بيكون الطفل عندو جفاف وعلى كل حال تحتاج لتغلق بين السنة والسنةونصف واحيانا اقل .
الفواق(الحازوقة):
شائعة جدا عند الرضع وطبيعية ,اعطي طفلك قليل من الماء الدافئ بيساعد على ايقافها
قشر الرأس:ا
ذا صادف عند مولودك قشر الراس معالجته سهلة ادهني بزيت اطفال واتركيه ليلة كاملة وقومي بتمشيطه بيطلع بسهولة بعدين قومي بأستحمامه
اذا انتشر القشر على الرقبة والوجه واصبح ينز لاتستعملي اية صابون ولو اطفال واعرضيه على طبيب لاعطاءه مرهم مناسب
مشاكل النوم:
عندما ياتي المولود قولي وداعا للنوم المريح لكن اول عشر ايام بيكون بغاية الطف , بس مو دائما عليك اختي بالصبر وخاصة اول 40 يوم بعدين بيتعود الطفل على نظام معين وبيصير اكثر راحة خاصة اذا لم يعاني المغص
اما وضعية النوم المفضلة من قبل كانت على البطن وجدو انه لهل علاقة بموت المهد لاسمح الله الان يقال الافضل النوم على الظهر او الجنب بشرط ان تضعي خلفه وسادة وتنتبهي حتى ما يقلب على وجه من الامام , نم ناحيتي بفضل النوم على الجنب اليمين .
البكاء:
البكاء عند المواليد الوسيلة الوحيدة للتعبير عن احتياجاته وهناك اسباب كثيرة للبكاء اهمها :
الالم . المغص . الجوع . الطفح . المرض لاسمح الله متل التهاب الاذن او البول
عزيزتي عليك تميز بكاء الالم عن الباقي ومنها الطفل بيبكي بكاء متواصل لاشيئ يلهيه . مهمة الغريزة "انتبهي "
عند الطفل الطبيعي يوجد بكاء بلا سبببتزول بعد اسابيع وقت يبدء بالتكيف مع محيطه و حاولي تهزيه هز خفيف جدا ناعم او سمعيه مو سيقىلطيفة تبع لعب الاطفال , غالبا هذا الطفل بينام بعدها نوم عميق .
المغص:
يبدء المغص عادة بعد 10 ايام من الولادة, بكاء متكررغالبا ياتي في المساء , يصحب البكاءطوي الارجل للطفل او رفعها او تصلبها مع خروج بعض الغازات , عزيزتي لطفل الممغوص لا يعني طفل مريض ولا يتاثر نموه يستمر المغص بحوالي 3 اشهر عليك التحلي
بالصبر لانها حالة مؤقتة الادوية مو كتير مفيدة الاهم انه تحضني الطفل وتعمليلو جو هادئ بعيدا عن الضجيج لا تطلعي بره البيت مؤقتا , داعبيه بلطف , المصاصة بتلهي الطفل اذا ما بتخافي يتعود عليها , وضعية النوم على ركبك والضغط الخفيف على بطنه بتريحوا شوي بشرط عدم نومك ومراقبته .
احرصي على تجشئ الطفل اذا ما تجشئ بسهولة سطحيه لثواني على ظهره وارفعيه بيساعد
وانتبهي اختي اذا بترضعي طفلك طبيعي لاتتناولي الاغذية المسببة للغازات متل البقول او المبهرة كثيرا لانها بتاثر عليه.
الطفح:
يأتي الطفح من بلل المنطقة وعدم تعرضها للتهوية , واحيانا اذا ما غيرنا الحفاض بسرعة خاصة بوجود البراز
لمعالجة الطفح عليك اختي بغسل المنطقة جيدا بالماء وتنشيفها وعرضي المنطقة للهواء
والافضل والطفل نائم ضعيه فوق الحفاض واتركيه اطول فترة ممكنة بعدين ضعي كريم لطيف
انا افضل الدرابولين مو حامي على الطفل ، وراعي تغير الحفاض بسرعة مرات عديدة
وعليك اختي التفرقة بين الطفح والفطور , الفطريات لاتزول بالمعالجة التقليدية وتحتاج لمعالجة خاصة عند الطبيب .
القلاع او القالوع
التهاب بسيط في فم الطفل متل بقاية الحليب بس وقت تفركيها لاتزول وممكن تنز.وممكن تسبب فطور حوالي فتحة الشرج عند المواليد تعالج عند الطبيب بسهولة
واحرصي على تعقيم زجاجة الرضاعة او ثدياك اذا كان يرضع طبيعي وابقيهن جافين نظيفيه
شرب الماء
ضروري شرب الماء المعقم للطفل بين الوجبات خاصة في الجو الحار
التهاب العين :
غالبا تلاحظي سيلان الدمع مناحدى عينين طفلك وعند الاستيقاظ بيكونوا الجفون ملتصقين
وهذا يعودلانسداد في مجرى الدمع وهي مشكلة شائعة وغالبا بتفتح اخر السنة الاولى وعليك بغسل العين بماء فاتر واذا ذهبت للطبيب محتمل ان يصف لك طريقة تدليك بتساعد على فتح القناة الدمعية واذا لم تزل ممكن ان تزول بعملية بسيطة جدا.
الحول
غالبا لاتركز حركة العينين معافي الاشهر الثلاث الاولى وتستقر بعد ذلك , وعند المواليد حول كاذب بسببالجلدة الفاصلة بين العينين لاحظي بتشوفيها مادة كتير وشوي شوي بتصغر وبتتوسع العين ,وجربي هالطريقة حركي لعبةامام عيونه وشوفي بيتحركوا العينين مع بعض اذا لاحظتي غير ذلك اعرضيه على طبيب واعرفي اختي ان الحول الحقيقي ما بيروح لوحده ابدا ومشكلة بسيطة وخاصة في البداية .
الشري :
في الجو الحار بتلاحظي نقط حمراء على رقبةوكتف الطفل معالجتها سهلة ضعي شوية بودرة شوي هه عل ايدك وامسحي رقبة الطفل .
التبرز والامساك :
في البداية وخاصة اذا كان الطفل يرضع طبيعي تكثر عدد مرات التبرز وبعد شهر او اثنين تصبح مرات تبرزه اقل, ويختلف العدد من طفل لاخر , هناك اطفال يتبرزون مرتين في اليوم وهناك كل يومين مرة والكل طبيعي مادام بصحة جيدة ووزنه يتزايد
ونادرا ما يصاب الطفل الذي يرضع طبيعيا بالامساك في الاشهر الاولى وممكن ان يتبرز بعد كل رضعة ومن الممكن وهو عم يرضع
بعكس الطفل الذي يرضع صناعي وخاصة الحليب المدعم بالحديد لانه الحديد يسبب الامساك
اذا كان طفلك في الاشهر الولى واصابه امساك اياك والادوية بدون استشارة الطبيب
اتبعي الطرق الطبيعية اذا ما نفعت اسألي طبيبك
لاتعطيه الحليب بارد على العكس د فئيه قليلا
شربيه ماء معقم بين الوجبات
هي الطريقة اعملتها مع ابني وصفة طبيب , اقطعي برتقالة بالنصف بعد غسلها ونقطي مباشر بفمه 3نقط او اربع فقط لاتزيدي ابدا
اما اذا كان طفلك بمرحلة الاكل زيدي الخضرة بالشوربة متل الكوسا والفاصولية ولا تضعي رز وقللي الجزر . كتري فواكه وعصائر خصوصي بالجو الحار بيحتاج سوائل من التعرق
سيريلاك الرز بيمسك شوي المعدة.
التقيؤ:
من الشائع ان يتقيأ الطفل كمية قليلة بعد كل رضعة بتكون فائضة , ويكون التقيؤكثير في الاشهر الاولى ثم يتقلص ويختفي
وعليك اختي التميز بين التقيؤ الطبيعي والمرضي , اذا كان قليل ووزن الطفل يزداد والطفل حالته حسنة لاتخافي .اما اذا صاحبه ارتفاع حرارة وبراز اخضر هدا يدل على التهاب امعاء
وهناك نوع اخر من التقيؤ لا سيما اذا كان بطريقة قذف محتويات الامعاء لمسافة بعيدة والطفل لايزداد وزنه وهي المشكلة اكتر عند الذكور اعرضيه على طبيب من الممكن ان يعاني بتضيق الصمام الموصل للامعاء وهي مشكلة حلها بسيط بأذن الله عند الدكتور .
لتفادي الاقياء العادي لاتجبري طفلك على تكملة الرضعة ولا تعطيه اكثر من حاجته . هي مشكلة الرضاعة الاصطناعية انو الام لازم تكفي الرضعة اما الطبيعية الطفل يتوقف عند الشبع ولا احد يجبره على شيئ .
ومن الممكن ان يكون التقيؤ من عوارض التهاي مجرى البول
الاسهال:
الطفل الذي يرضع طبيعي يكون برازه رخو جدا لا يعد اسهال
اما الاسهال القوي وبتشوفي الطفل تعب يجب عليك اخذ الطفل للطبيب فورا لانه الطفل يصاب سريعا بالجفاف لاسيما اذا كان اخضر مع ارتفاع بدرجة الحرارة
واذا اصاب طفلك الذي يأكل اسهال بسيط اسلقي رز+بطاطا وجزر بيمسك المعدة
او تفاحة ورز اسلقيها بشوية ماء واطحنيها
او تفاحة وجزر بنفس الطريقة والتفاح بينفع للاسهال والامساك لانه بيحتوي الياف
انشاء الله اختي تكون معلومات مفيدة واذا بتحبي اية استفسار قوليلي اذا بعرفه بكتبو
والسلام عليكم






108
30K

يلزم عليك تسجيل الدخول أولًا لكتابة تعليق.

تسجيل دخول

Shine Star
Shine Star
:26:

ملف شامل وسهل ,,, جزاك الله خير اختي :26:
tiaa
tiaa
اختي shine starالله يجزيك كل خير الف شكر عالمرور
ام الحلوين2003
ام الحلوين2003
:26: :26: موضوع رائع......تسلمي:27:
tiaa
tiaa
اختي حمودي وعبودي اختلاف الرأي لا يعني ابدا عدم الاحترام والمحبة , نورتي الموضوع حبيبتي
بس الصراحة اخر مرة بكتب ملف لقسم الطفل تعبت فيه و على فكرة المعلوملت دقيقة يعني مو وصفات شعبية
بس ما عجب الاخوات شكله , منيح ما كتبت ملف الامراض
الف شكر اختي على المرور
tiaa
tiaa
اهه اهه اهلين اختي ام الحلوين 2003 قرأت ردك هلق, الصراحة رح يصير معي احباط شكله مو عاجب حدى