خلطه صنفره للوجه مع منتجاتي بالصور تخلي الوجه ينور/اكتفى من الردود

العناية بالبشرة

بسم الله الرحمن الرحيم

السلام عليكم ورحمة الله وبركاته ,,,



:D طبعاً أنا إذا شيء فادني أحب أفيد غيري فيه
أنا بشرتي جافه وأستخدم كريم ترطيب وغسول للبشرة الجافه
بس بشرتي جافه ومن جفافها أحسها باهته


المهم ندخل في المهم

صار لي كم يوم أحس وجهي ماشاء الله حلو ومنور وماهو باهت
وأمس رحت بيت أهل زوجي وبس دخلت كل وحده شافتني من خوات زوجي
قالت وجهك منور ويحسوبني شايله شعر وجهي علشان كذا منور وأنا والله مو شايلته



بدخل لكم بلي فادني وبالتحديد ينفع للبشرة الجافه


أول شيء بقول لكم عن صنفره طبيعيه للوجه تسوونها بالبيت والمكونات متوفره بكل بيت

هاذي الصنفرة أخذتها من برنامج التفاح الأخضر


الصنفره مكوناتها

ملعقتين شوفان
فنجان زيت زيتون
نص ليمونه أو ليمونه كامله معصورة طبعاً
تخلطينهم مع بعض وتتركين الخليط 10 دقايق
بعدين تحطين على وجهك من هالصنفره وتفركين بشكل دائري


أنا حطيتها وفركتها وتركتها 5 دقايق بعدين مسحت وجهي بقطنه مبلله بماء الورد
وبعدها غسلت وجهي بصابونه للبشرة الجافه



بعدها حطيت على خشمي اللصقه للبثور
أكيد تعرفونها موجودة بالصيدليات والسوبر ماركات وفيه منها أنواع كثيرة



بعدها شلتها وغسلت وجهي بس بالماء ونشفته وحطيت عليه من هذا القناع


وهو قناع سوفت لايت
قناع للوجه مركز بالحليب النقي
وهذا القناع يناسب حتى البشرة الدهنيه


وهو أول واحد من يسارك بالصورة والشكر لصاحبه الصورة مدري مين وهذا صورته





بعدها شلت القناع وغسلت وجهي بغسول نيفيا للبشرة الجافه والحساسه
واللي عندي مثل هذا بس لونه وردي وفيه حبيبات وهذا صورته






وبعدها كريم الترطيب من نيفيا فيزاج ماأستغنى عنه ابداً لازم بعد مأاغسل وجهي أرطب وجهي فيه
حلو مررررره وتشربه البشرة ولا يحرق البشرة وطبعاً هو مخصص للوجه ومنتجات نيفيا فيزاج كثيرة
فيه منه كريمات لليل والنهار بس هذا كريم ترطيب للوجه ماهو مخصص لليل أو النهار لأي وقت
وأربط وجهي فيه قبل لا أحط المكياج بس طبعا أحطه وبعد ربع ساعه أحط المكياج


وهذا صورته





وفيه شيء مهم صرت أشرب مويه بكثرة


وأي وحده بشرتها جافه إن شاء الله يفيدها موضوعي
واللي تستفيد تدعي لي ربي يتمم لي زواجي على خير
وإن شاء الله يفيدكم



أصيلة المجد
25
35K

هذا الموضوع مغلق.

جينيرا
جينيرا
مشكوره اختي
حرف الالف
حرف الالف
جزاك الله خير
دلوعة زوجها
دلوعة زوجها
ماشاء الله

الله يوفقكِ
*وحيدة أهلها*
*وحيدة أهلها*
أنا بجرب ع الطاير
( زينة )
( زينة )
مشكورة