كيفكم بناااات :27:
انا ماشاء الله ولله الحمد بشرتي قامت تتحسن
قبل كاني عيوز من المسامات اخذت الروكتان عشان حب الشباب وخلصته والدكتوره قالت لي لاتسوين شي في بشرتج لين 6 اشهر او سنه من ترك الدواااء بس انا جربت الديرماااا
لانه يحفز على انتاج الكولاجين فالبشره :27:
انا مره قرات هناااا موضوع عن الديرما رول الله يجزيهااا كل خير صاحبة الموضوع مالقيه عشان احط الرابط المهم سويت بحث شامل لين ما لقيت وحده من البنات مجربتنه وهي تستخدمه لبشرتهاااا
ونصحتني فيه خاصه ان بشرتهااا كانت حفر كبيره والله والان ماشاء الله خفت
وانا طلبته منهااااااااااااا وما قصرت وحاليا انا بروحي سويته فالبيت الاربعااء كانت الجلسه الثالثه وما شاء الله في تحسن في بشرتي
الله يشهد علي ورسوله اني صادقه انا عندي حفر بسيطه بس المسامات الكبيره على خدودي واخشمي والجبهه واطراف ويهي لا :mad:
انا اول شي اغسل ويهي عدل وبعدها انشفه واحط مخدر املا لمده 20 دقيقه وبعدين اغسله بالماي وارد انشفه وابدا اسوي الجهاز ولازم تضغطين عليه وعادي تطلع لج كم نقطه دم ما تاثر وبيصير لون بشرتج احمررر بس الصبح عاادي يختفي
وانا حتي كنت استخدم رتن a وكانت بشرتي جافه وسويته صارت لي بقعه في ويهي كانهاا حرق بس صديقتي طمنتني قالت عادي تتقشر وفعلا 3 ايام ولا اختفت لانهااا تقشرت وقولوا ما شاء الله حاليا مساماتي مصغره ، ابيهااا تختفي :35: وباذن الله راح تختفي مع الايام
للعلم لاحد يسالني انا ما اقدر اوفره ولا صديقتي لان نحن مو من السعوديه
وهذا شكل الجهاز للي ما يعرفه ولازم تتغير كل 3 اشهر ولازم تكون الاداه زينه من مكان موثوق مب من اي مكان
ويوم اكمل 7 جلسات بخبركم بعد بالنتايج باذن الله وراح احط صورت الديرمااا اللي عندي بس حاليا لابي ما فيه بلوتوث المره الجايه ان شاء الله
همسه : اذا عجبكم الموضوع واستفدتوا منه اتمنى انكم تدعون لابوي بالشفاء بظهر الغيب :44: