Selver_honey
Selver_honey
افاااااااااااااااا يابنات

ماهقيتها منكم من دون منه اذا بغيتوا شيء اساعدكم والحين محد شاركني بموضوعي ترى يهم الكل

حتى لو خلص العيد فيه اغراض الشتاء وباقي المحلات لسه مانزلت الجديد حق 2011


طيب انا بقولكم

رحت اليوم لثلاثة اماكن كنت صايمه وافطرنا بالسياره عشان المسافه بعيده علينا ومشيت من العصر الساعه 4 الاربع ووصلت 4 ونصف
لفيت في محل بي لس طريق الملك عبدالله لأني اعرف نوعيه كويسه عندهم ومميزه حتى بالاسواق الكبيره مانلقاها طبعا اللي هو الشباشب حقة البيت ولقيت بدربي كم شغله حلوين واخذتها

كنت من 3 ايام رايحه صحارى وحياة مول ومافيهم شيء كلها زبايل المحلات وعقب العالم وماشريت الا من اكسسواريز كم شغله واخذت من لافينا روز بيجامه ومن باريس غاليري عطرين وعطر جسم و آيلاينر

وباقي المحلات مالفيت فيها كثير لأن المكتوب باين من عنوانه

وعلى اذان المغرب كنا عند باب صحارى بلازا بطريق الملك عبدالله افطرنا بالسياره كنت مجهزه ترمس قهوه>>>لاتلوموني مستحيل افطر الا بقهوه والا يصيبني صداع رهيب ومن بيت الدونات اخذنا دونات بالتوفي


طيب بعدين دخلنا وصلينا و اخذت لفه سريع في بعض المحلات :
* زارا بلوز اخضر غامق واخذتها ب129ريال
* لاسنزا مسوين دسكاون على بضاعتهم الاولى اخذت كم شغله من عندعم مثلا الاندروير عندهم ب5ريال الحبه اقصد الكلوت
وارواب قطنيه روعه مناسبة للنوم والاسترخاء رمادي و روز وتفاحي الواحد ب29ريال
وعندهم برا اسفنج ب22 ريال
وكمان عندهم شنطة اغراض صغنونه منها الوان تقدرين تحطين فيها اغراضط الصغيره اذا سافرتي ب29ريال


* مس سيلفرج مسوين دسكاون بس 20% على بعض الاشياء وماعجبتني

ونزلت تحت شفت المحلات مثل
*جينيفر مسوين دسكاون اعجبتني البناطيل الواسعه من تحت ومخصره من فوق ستوت كان سعره 159 ولقيته دسكاون ب69ريال

* برومود ماعندهم سالز بنوب بس اعجبني هاي نك حصلته ب54ريال وفيه منه الوان وقطني خريفي ربيعي ومناسب لأي لبس..

*ولفيت على كذا محل بس احس صحارى بلازا مسوين دسكاون على اغلب المحلات وكان افضل من صحارى مول على ان صحارى بلازا ميني مول..


طلعت بعدها وكنت محتاجه اخممم ملابس كثير موعشان العيد لا بس ابي للشتاء وماعندي شيء مرره مفضيه دولابي

قلت بروح اشوف سنتر بوينت ولقيت العالم زحممه وكان العصر فاضي بس قلت بمره المغرب بس ماطلعت الا العشاء واصبح زحمه


والى شوبنق اخر إن شاء الله واللهيجيب الميزانيه السنعه هههه
سكروسط
سكروسط
يعطيك العافيه موضوع رائع
غرناطه
والرياض مول
وعمر السدحان لبجايم الاطفال حلوه واسعارها معقوله
الشعله فيه محل النحفاوي مره حلو لجنزات الاطفال كانها ماركات وبسعر 10 ريال
وفيه فنايل حلوه
وصحارى
Selver_honey
Selver_honey
يعطيك العافيه موضوع رائع غرناطه والرياض مول وعمر السدحان لبجايم الاطفال حلوه واسعارها معقوله الشعله فيه محل النحفاوي مره حلو لجنزات الاطفال كانها ماركات وبسعر 10 ريال وفيه فنايل حلوه وصحارى
يعطيك العافيه موضوع رائع غرناطه والرياض مول وعمر السدحان لبجايم الاطفال حلوه واسعارها...
الاروع طلتك

الشعله حلووه للي يبي ملابس رجاليه نوعية ممتازه

مثلا اذا بتشترين هديه رجاليه ايا كان بتحصليه موجود هناك وكمان محلات ملابس البيت مرره روعه بالشعله على انها قديمه شوي بس الاغراض الكماليه حلوه فيها

غرناطه شامل لكل شيء اذا رحتي مومعقول تطلعي ماكملتي اغراضك

الرياض مول حلوو للعبابات والتيورات الشرقيه والجلابيات

السدحان زي ماقلتي حلو للأطفال ماركة توفي وطبعا الصناعيه تركيه
شام مول
شام مول


موضوع رااااااائع انا بفضل

السلام مول بدون منازع فيه اغلب الماركات وهايبر بنده

وللكماليات محل على كيفك

لأنهم قريب مني وبشوفهم الأفضل

ولو اتذكرت شي برجع إن شاء الله والشكر موصول لك على هل الموضوع الرائع وخصوصا الشتاء على الأبواب
Selver_honey
Selver_honey
اهلا بك شام مول

عزيزتي سلام مول مجمع رائع لكن مشكلته الزحمه خاصه في المواسم

وطبعا كل الماركات موجوده فيه او اغلبها

يسلموو