الغرام الحزين
انا اول شي استخدمت لبنتي سيميلاك ومره ناسبها
ولما كملت اربع شهور صارت بعد كل رضعه ترجع
وجربت لها رونالاك و نوفولاك ونفس الشي بس ترجع
وبالاخير جربت بريميم كير 1 والحمدلله ارتحت عليه
مررررررره خفيف ما شاء الله
وكملت له بريميم كير 2 والحمدلله ماشيه عليه لا ترجيع ولا امساك ولا اسهال ولا غازات
ما شاء الله تبارك الله
بس الحين بدت حيرتي لن الحليب راح ينقطع
و ودي اكمل لها رقم 3 بس اخاف ينقطع جد واتوهق
لأن الحين رقم 2 ادوره دواره ويالله ألقاه
ممكن اذا كملت سنه اخذ لها روناجرو كثير يمدحونه لعمر السنه
سولوفانتي
سولوفانتي
رفع
*sublime*
*sublime*

اولا اذكروا الله ...ماشاء الله تبارك الله لاقوة الا بالله
بقولكم لتجربتي مع اغلب انواع حليب الاطفال ...ما اكذب عليكم اني جربت كثير انواع وما بقي غير 3 او 4 اصناف ما جربتها ..تخيلو ... لا احد يعلق علي بكلام جارح او يفكرها صارت هواية عندي ... والله العظيم ما اكذب بنتي الصغيرة عمرها حاليا 11 شهر صعبة جدا جدا جدا وماعرفنا اي حليب حضرتها راح تتنازل وتتكرم وتشربه مثل باقي العيال ....للاسف اقبالها قليل عالحلب وحتى بنيتها طبيعية ماشاء الله عليها بس شوي نحيفة ...يعني مافيها امتلاء واكتناز مثل باقي العيال وبقولكم حكايتي كاملة مع مختلف الانواع
( حليب المرحلة الاولى : من الولادة وحتى عمر 6 شهور )

- سيميلاك القديم : من بعد الولادة ..مغذي لكن ....ماعجبني ...رغوته كثيرة وغازاته ويجيب نفخه ومغص وامساك متعب للبيبي وغير كذا البراز وانتم بكرامة ريحة لاتطاق وهذا راي اغلب الامهات المجربينه مثلي ...اما سيملاك المطور فما جربته ..طوروه بعد ماولدت بشهر بس من خوفي منه ماعاد رجعتها عليه رغم ان التركيبة صارت افضل والشركة المصنعة اخيرا غيرته بناءا على نقد الاطباء والامهات لسلبياته وطلع الجديد افضل بدون رغوة ومايسبب امساك وهضمه سهل ومريح ويلين خروج الطفل..... المهم اعطيت بنتي على الشهر الرابع رفضته وماتقبلته للاسف .

- ماييل مام ما 1 ... زين هضمه مريح ومايسبب امساك نهائي لكن عدة مرات تتبرز باليوم وبرازها وانتم بكرامه اصفر لين مرررره مثل السايل ..... كان جيد وكثير قالو عنه يسمن بس انا طبيعة عيالي اسم الله عليهم بنيتهم فيهم شوي طول وما يسمنون او يبان اجسامهم مربربة .... استمرت عليه شهرين بعدين وقفته لان شفت مرتين نقطة دم مختلطة ببرازها ...فقلت يمكن ما نسبها مع ان الصيدلاني يمدحه ويقول هضمه مريح .

- بيوميل 1 .... حلو ويسمن لانه دسم لكن مشكلته اغلب الدسم يروح على جدران الرضاعة من جوه ومايختلط بالحليب وبالتالي يصير حتى تنظيفها وتعقيمها صعب والبيبي مايستفيد من الدسم وهو بحاجته .

- ابتاميل كومفرت 1 : من شركة ميلوبا ممتاز وهضمه سهل جدا وهو مخصص للامساك والمغص والغازات ...حتى مكتوب عليه بخصائص هضمية مريحة .... مشكلته الريحة شوي غريبة وفيه حبيبات شفافة ماتطلع بسهولة مع حلمة الرضاعة مقاس (s) او حلمات افنت العريضة متعددة الثقوب ....لازم وسط او لارج عشان تعبر الحبيبات والسر فيها هي اللي تمنع الامساك وتريح الطفل ..... عجبني فيه كمان ان البيبي يجوع بعده اسرع مثل الرضاعة الطبيعية ....بدل ما يجوع كل 3-4 ساعات تلاقيه جاع اسرع وصاربعد ساعتين ونص يحتاج رضعة .....وهذا شي طيب لانه راح يرضع عدد رضعات اكثر باليوم وبالتالي يستهلك حليب اكثر وهذا زين لصحته ..... مشكلته الوحيدة ماتقدرون تستمرون عليه لانه مجرد حل مؤقت حق اسبوع او اسبوعين حتى تنحل مشكلة الامساك والمغص وبعدها ترجعون للحليب العادي ... والطفل من الشهر الرابع يبدا يميز الطعم فيعاف طعمه ويرفضه .

- ابتاميل 1 : شركة ميلوبا .... ممتاز جدا جدا عن تجربة لمدة 3-4 شهور بنتي كانت ماشية عليه تمام ماشاء الله و عجبني فيه ميزة ..انه يحتوي مادة الامينوفورتس فيقوي جهاز المناعة بطريقة مشابهة لحليب الام ....فالنادر الطفل يمرض معك بهالفترة باذن الله ....البراز معاه طبيعي جدا وقلت عدد مرات تبرزها عليه وصار ممكن يوم ويوم لا .... وهو شي طبيعي ... معاه لا اسهال لا امساك لا غازات باذن الله ولا نزلات برد كثيرة او لوز .... هضمه سهل ومشبع للطفل ومليان فيتامينات ومواد مغذية للطفل .

- سيميلاك نيوشور الخاص بالخدج وناقصي الوزن : سعراته عالية وعطيته بنتي ابيها تمتن لكن للاسف ماحبته ولا كملت حتى العلبة لانه زفر وثقيل وهو تركيبة قريبة من سيميلاك القديم فيه رغوة ومصفر شوي وثقيل .

- سيميلاك المطور : الخاص من الولادة ل6 شهور ... ماعجب بنتي ولا رضيت تاخذه ... رغم انه ممتاز وممكن يسمن على حسب كلام الدكتورة .

- هيب رقم 1 : حليب رااااااااائع بمعنى الكلمة ....لا زفر لا طعم كريه او ريحة كريه لا امساك ولا اسهال ولا مغص باذن الله ....صحة الطفل تزين عليه احسن من غيره واشوفه يسمن لان سعراته الحرارية عالية مثل حليب الخدج وناقصي الوزن وقيمته الغذائية وفيتاميناته تنافس افضل انواع الحليب بالسوق مثل سيميلاك وميلوبا واس 26 .... مشكلته فقط غير معروف بكثرة في السعودية وما تسمعين ناس كثير تعرفه ...رغم انه ممتاز ورااااااااائع جدا والشركة على ما اعتقد المانية ومعروفة با اوروبا ومتخصصة بتغذية الاطفال .

- بريميم كير 1 : مو حلو ... راي الشخصي .... بنتي ما تقبلته نهائيا ....ثقيل ...زفر .... تركيز بروتين الكازين فيه عالي فما عجبني لانه بكذا راح يشبع الطفل لفترات طويلة حتى لو ما اخذ الا كمية قليلة بالرضعة .... الحليب اللي ينهضم بسرعة وسهولة ويجوع بعده الطفل ويحتاج رضعه هو الافضل في راي ..... اصلا انا خلقة ما ارتحت لهالحليب نهائيا مدري ليه ...احس قيمته الغذائية اقل من غيره .

- اس جولد 26 ... ناسب بنتي الكبيرة بس الصغيرة نهائيا ما جربته معها .....اذكر ريحته (ساردين وزفر ) بقوة ريحته لاتطاق رغم انه جدا مغذي .... وعالعموم اغلب حليب الشهر الاولى رقم 1 محتوي على السمك ودهونه لانها مفيدة لتكوين دماغ الرضيع ....بس هذا بزيادة زفر كانه ساردين بالرضاعة مو حليب .


( حليب المتابعة المرحلة الثانية من عمر 6-12 شهر )

- سيميلاك غين .. الاخضر المطور حليب المرحلة الثانية من عمر 6-12 شهر ... نكهته فانيلا ...ممتاز بس بنتي مارضيت تاخذه عشان النكهة ما تحب النكهات ابدا .... اغلب اللي شفت عيالهم ياخذونه اشوف صحتهم بسم الله ماشاء الله زينة ومربربين حبة ..

- بيوميل بلس 2 : ماعجب بنتي ولا تقبلته نهائي وقيمته الغذائية لاباس فيها رغم ان بعض الاطفال يسمنون على هالسلسة من الحليب بس ما مشت معنا .

- نان 2 : ما ناسب مع بنتي ومارضيت تاخذه لانه زفر وفيه ريحة سمك مثل حليب المرحلة الاولى .

- بليميل بلس : اسوء نوع عرفته ورغم عدم اقتناعي فيه لاني اسمع ناس ثقات يكتبون معنا في المنتدى بانه مايسمن وبالعكس الطفل عليه نحيف فاخذت برايهم واعتبرته صحيح لسبب : الاطفال اذا ماطبيعتهم بالوراثة سمان او في احد الوالدين سمين او بالعيلة السمنة وراثية والطفل ما يشرب حليب بكثرة وكميات كبيرة فماراح يسمن علية الا بيضعف .... لان الحليب هذا اصلا سعراته الحرارية قليلة وطعمه مايشجع شربه بكثرة وان الطفل يحبه ويتعلق فيه .... اصلا اولا ما تبداين تاكلين الطفل ويستكشف الطعم والنكهات المختلفة للاغذية يبدا يعاف الحليب مهما كان لذيذ .... فكيف لو هالحليب بليميل بلس ... .الاخوات اللي يستعملونه لعيالهم ومرتاحين عليه عليهم بالف عافية وماشاء الله تبارك الله حظهم معاه زين الله يبارك لهم اتمنى ما يزعلون من رايي... بس للامانة بليميل حليب صعب ....مو كل طفل يناسبه ويستصح عليه .

للحديث بقية ولسه انواع ما كتبت عنها
فاعذروني الحين مشغولة ..... مجرد اخلص شغلتي راح ارجع اكمل بنفس الرد
sho1 sho1
sho1 sho1
يابنات انا احيانآ القى فيه قطع بنيه صغيره مره كأنه حليب محروق او شي خربان واخاف اعطيه ولدي بس اللي مخليني اعطيه ولدي لأني احس انه مرتاح عليه يعني اول الغازات معذبته بس الحين الحمدلله احسن من اول بكثير
بس اللي يستخدمونه لعيالهم وش رايكم فيه من كل النواحي؟
ومشكوريــــــــــــن
أأنفاس الهجر
أأنفاس الهجر
السلام عليكم
بنات الله يوفقكم ابغاكم تساعدوني بحليب ولدي
هو الحين على نان وناويه احطه على فبي ميلك
عشان حليب نان طلع فيه اكزيما من يوم استخدمته له
الله يوفقكم افيدوني
على فكره عمره 6شهور