لنضارة الوجه والجسم,,لتقويةالعظام,{الحلبة}لاتقولين وع ريحتها؟؟؟خلاص ودعي ريحتها؟؟؟

العناية بالبشرة

يابنات مثل ما قريتوا العنوان ..

كلنا نعرف فوائد الحلبة وخصوصاً لبياض وتسمين الوجه ,, وتقوية العظام..
وبسبب ريحتها الكل ينفر منها ..:01:
لذلك أنا تحديت الصعاب وسويت طريقة وايد حلوة وما أدري اذا سبقني فيها أحد ..
لأني يديده على المنتدى ,,


عموما ً إذا تبون الطريقة كتبتها وبالتفصيل لأن يبي لها طولة بال ..

الموضوع وايد مهم وأنا والله مجربتها وماكو ريحه يابنات يكفي إنها صحية 100%
فمتى ودكم نبدأ ..

ياليت تدعولي يابنات برضى الرحمن ويتحقق اللي في بالي .. يااااااااارب ,,



منبر
331
234K

يلزم عليك تسجيل الدخول أولًا لكتابة تعليق.

تسجيل دخول

همس _المشاعر
همس _المشاعر
توكلي على الله وابداي الله يوفقك وينولك الي في بالك
umazuzy
umazuzy
توكلي على الله وابداي الله يوفقك وينولك الي في بالك:26: :26:
منبر الإخاء
منبر الإخاء
أختي رهيبة ياتسالي,,
بارك الله فيك.. ماعبرني إلا أنت عشان جذي ما حبيت أطول بالموضوع عليج ,,
نبدأ بالموضوع بسم الله وعلى بركة الله :
نحضر الآتي :

لمن أرادت تسمين وجههاوتورد خدودها وبياض جسمها:

1- نصف ملعقة صغيرة حلبة قصيمية ,, لأن التجربه عليها..

2- نعناع,, خذي لك مثلا ً غصنين مورقات واغسليهم زين ..

3- كوب ماء

في ابريق على النار لين يغلي لايتعدى أكثر من خمس دقايق طفي عنه النار وفورا ً صبيه في الكوب واشربيه ,,
ليش أقول لايتعدى أكثر من خمس دقايق واشربيه فورا ً ؟؟؟ لأن الحلبه سريعة المفعول وأي بطا سواءً بالبريق أو بالكوب راح يعطيها نقع أكثر ومنقوع الحلبة لساعات بالكوب ولو بدون حبها يغير اللون ويطلع كأنها شاي خفيف طبعا ً يطلع ريحتها اللي ما نبيها.. إحنا نبي الفائدة,, زييييين

يابنات هذي كنت آخذها قبل لا أنام وبعد اسبوعين بانت النتيجة المرجوه والحمد لله ,, طبعا ً بتقولون ولاريحه وأقول لكم والله مافيه إلا إذا كنت زايدة نسبة الحلبة بالغلط ,,حتى أشممها اللي حولي يقولون لو ما تحجيتي والله ماندري عن شربج لها ,,,, يارب لك الحمد ,,
واللي تقول الفائدة في النقع و شربها مطحونه؟؟
أحترم رأيها ولكن والله اللي أشوفه من تجربتي غير حتى السمن مو أي سمن تحسين
عظامج تكبر خصوصا ً الوجه ,,
وهذا مطلب الجميع بس للأ مانه اللي تستمر عليها تراها بتسمن قوة لذلك أنصح بشربها لمدة اسبوعين ثم التوقف,, ثم عاودي الشرب بعد اسبوع وليكن في السبوع ثلاث مرات .. تراها مفيده مرررررررررررة وأتعب وأنا أقول مفيدة ..


ملاحظه :
مافي طعمها مروره مثل المنقوع حلوة مرة يغلب عليها ريحة وطعم النعناع ,, ولتحسين نوعها للدلوعات ممكن ملعقة صغيرة من العسل أو السكر ..
هذا الجزء الأول التجميلي من فوائد الحلبة ..
أما الجزء الثاني العلاجي من الحلبة لمرضى القلب والسكر والضغط وآلام الطمث (الدورة الشهرية ) ففي الجزء الثاني إنشاء الله لأن ظهري أوجعني من الكتابة وأبروح أشفط لي حلبة تركزة .ههههههههههههه
والسلام عليكم ..
منبر الإخاء
منبر الإخاء
umazuzy
العفو اختي ماشفت ردك لأني بدات بكتابة الموضوع حسبالي ماحد اهتم الله يوفقك على دعواتك والله ينفعك بها وجميع من قرأها ..:26: :26: :26:
عيون -المها
عيون -المها
:26: :26: :26: :26: :26: :26: :26: :26: :26: :26: :26: شششششششششكككككككككرررررررررررراااااااااااااااااااااااااااا