لاجلك حبيبي
لاجلك حبيبي
انا ابي ولد عشان زوجي ودة بولد بس عشان يشيل اسمه
والا نفسنا بنت اندلعها
استيل
استيل
الله يرزق كلا اللي يبي
ام البنات تبي ولد
مثل ماام الاولاد تبي بنت
الله كلن يرضيه باللي مقسوووم له في هالدنيا
مملوحة البكيرية
مب شرط كلن يبي ولد !!!!!
بس نظرة المجتمع تقلل من الاناث وان البنت ما تفيد ونخاف عليها وغيره ؟؟؟؟

طيب والولد انتي ضامنه يجيك ولد يقول سمي اوديك واجيبك ؟؟ ولا بتلاحقينه وبتدرين طالع مع مين
الزمن صااااار يخوف وتربية الولد أصعب اما البنت قدامك

طيب وضامنه بعد هذا كله يلقى وظيفه وبيفتح بيت ويتزوج ولا يروح لزوجته ويخليك الا من رحمممم

يعني بالحرف الواحد نشيييييييل هم البنت ومانشيل هم الولد والحين هم الولد اكبر

جدتي ام عيال ومرت جدي ام بنات والحين جدتي تقووووول ليت تجبون بنااااات عيالي يقعدون نص ساعة ويطيرون اما مرت جدي تسمعين سواليفهم لبيت جدتي ماشاء الله

ام ساري ياقلبي أحسك بالغتي شوي
والله اعرف وحده عندها 5 عيال وبعضهم ملتزمين وبعضهم متزوجين والبعض لااااهي والبعض يشتغل
نادرا مايودونها اخر شي جابت سواق

يعني الولد بيدرس وبيشتغل وبيتزوج مب شرط بيقدر على كل مشاويرك

ولو كان حبيب وبار بس الظروف تحكم احيانا لان وراه دراسه وشغل ويفتح بيت وبكره عيال وصرف

والخيرة فيما اختاره الله
ام خلودي&حمودي
سبحان الله نفس السؤال مره وردعلي خاصه اول ماتزوجت كان نفسي اول مولودبنت واتفاجئت زوجي مثلي يبي بنت
وسبحان الله جبت البكربنت والثاني ولدوالحين انتظراحمل ونفسي اناوزوجي ببنت لانه يحب البنات ماتوقعت الاقي رجال يحب البنات لان دايم اسمع انهم يفضلون الولدبس الحمدلله اناوزوجي متفقين وكل شي قبل كل شي بارادةرب العالمين واللي من عندالله حلوسواءبنت اوولدكلهم نعمه وزينت الحياةالدنيا
رافينا2010
رافينا2010
الجواب بسيط. لأننا مازلنا في زمن الجاهليه ( وإذا بشر احدهم بأنثى ولى وجهه مسوداً وهو كظيم)فيما معنى الايه. والله قرأت مواضيع لبعض النساء هنا انه كأن احد سكب على وجهها ماء حار عندما علمت انها بنت
الله المستعان

ويا اختي ام ساري. ومن قالك اذا جا ولد بيقوم فيك؟؟؟؟ والله هالزمن يخوف والعيال صايرين ماهمهم الا انفسهم. ومو كلهم فيه ناس فيهم الخير لكن ما اشوف ان الولد يعني انه سند الحين حتى البنات ماشالله يتوظفون ويعزون اهلهم. والخيره فيما اختاره الله.