تبين تسمنين وجهك فقط تعالي هنا

العناية بالبشرة

بسم الله الرحمن الرحيم

السلام عليكم ورحمة الله وبركاته

طبعا الموضوع باين من عنوانه طبعا انا راح اقولكم السالفه كلها
بس اسئلكم بالله أي وحده تخش على موضوعي انها تدعي لي سوا استفادت من الموضوع او لا
ادعولي دعوه صادقه من قلب ان الله يستر علي فوق الارض وتحت الارض ويوم العرض وان الله يسر اموري وحقق اللي في بالي عاجل غير اجل



طبعا انا كنت نحيفه نوعا ما بس بعدين سمنت لكن مو ذيك السمنه طبعا جسمي لا نحيف ولا سمين لكن سمن وجهي زياده وطلعت لي زنود شوي يعني زان جسمي بس اختفت ملامح الخصر شوي بس مع ذلك جسمي كان حلو

بتقولون حنا وش دخلنا بالسالفه ذي انا اقولكم
الله يسلمكم يوم راحت شغالاتنا طبعا انا انكديت غسيل ومسح وكنس والذي منه وكنت مااكل غير وجبه وحده بليوم وهي العشا وكانت سد جوع بعد
وبعدها بشهر ونص تقريبا نزلت 14 ك تقريبا وانتم عارفين ان اول ماينحف الوجه بعدين الجسم وصار جسمي احلى من اول لكن الوجه نحف
وصراحه صرت مسخرة الجميع وكلن يقول لي سيلانيه ولا مريضه ولا ولا المهم من يوم العيد قررت اني اسمن وجهي وبديت بعد العيد بمشروب يتكون من الحلب والتمر اشربه قبل النوم وهو يسمن الوجه فقط واستمريت عليها ثلاث ايام وحده من خواتي قالت لك ريحتك حلب وتركته وهي اصلا ماشمت ريحت الحلب لانها اصلا ماتعرف تميز ذي ريحت السدر الي بشعري صارت بجسمي لاني تو كنت غاسلته وانا تركته عشان الريحه لكن في يوم من الايام كنت تو جايه من السوق وعرقانه وسلئت امي لي ريحت حلب قالت لا والله مالك ريحت وما عندك سالفه بس يتهيئ لك <<<<<<<ادري طولتها وهي قصيره بس حابه افيدكم
وكلكم عارفين ان الحلب الله يكرمكم حتى مع البول يطلع ريحته لكن انا ماشميت له أي ريحه
وانا سويت الخلطه ذي وراح انزل لكم الموضوع عشان تعرفون الطريقه
لكن وقت ماتركت المشروب ذا استعملت زيت الحلب والخروع للجسم بمقادير متساويه وادهن وخدودي قبل النوم وعلى فكره ترا الخلطه ذي سويتها قبل وانفخت خدودي
طبعا يابنات انا الحين وجهي عقب المشروي صار اسمن مثل اول يوم كنت سمينه وانا مااستمريت على الخلطه كل اللي شربتهم يمكن 6 اكواب ولا مو بشكل يومي لكن كنت احط الزيت بليل قبل انام وبعدها اشرب الحلب مع التمر
طبعا ذا الموضوع اللي قريته ومشيت عليه

المقادير:2ملعقة حلبه حب (مش مطحونه )
7
تمرات (با النوى ابو بدون مايفرق )
ماء حار


الطريقه:
تغلين الحلبه مع التمر في الماء الحار10دقاايق فقط وتاخذين مويتها بس وتشربين كل يوم كوب وتستمرين عليها شهروتشوفين إذا ما دعيتيلي

ملاااااااااااااااااااحظه:
اللي تقول إن الحلبه تسمن الجسم هذا خطأ لأن الحلبه إذا انخلطت مع التمر يمتص التمر الماده اللي تسمن ويعطي الماده اللي تقوم بتسمين الوجه مع شوية لون وردي عالوجنتين ولا تنسين أهم حاجه الرياضه الرياضه الرياضه وأنا جربتها خلال المده اللي راحت والحمدالله حتى أمي حست هذا الشي



)


__________________

واللي حمسني اني اسوي المشروب ذا انا وحده قالت انا سويته لبنتي وبس سمن وجهها وجسمها نفس ماهو
وعلى فكره ترا انا وزنت قبل لا اسوي الخلطه وبعد ماسمن وجهي وزني ماتغير ولا سمن جسمي

اتمنى اكون افدكم واي سؤال انا حاضره

على فكره ترا انا ماكملت الشهر يعني بانت النتيجه قبل شهر يمكن باسبوعين باانت
248
270K

يلزم عليك تسجيل الدخول أولًا لكتابة تعليق.

تسجيل دخول

درر الرياض2009
درر الرياض2009
الله يجزاك خير بس الله يعييين عالريحة مافي طريقة ماجربتها عشان تروح الريحة بس مافي فايدة
شموخ ومهابه
شموخ ومهابه
الريحه كيف ودي بس الجامعه اخاف من الريحه
جنون امرأه
جنون امرأه
جزاك الله خير على تجربتك
انااول مانحف ينحف وجهي وهذا يخليني اتراجع عن فكرة الرجيم
بس اقتنعت بكلامك وبجرربة ان شاء الله
طيورالخير
طيورالخير
مشكووووووووووووووورة

بس مشكله الريحه بالدوام الله يعين
احاسيس مجروحهـ
يابنااااااااااااااات ماكو ريحه ماله اي ريحه وانا للحين استخدمه ومحد شم مني اي ريحه وتو جايه من عزومه وسئلت البنات اذا تشمون شي قالو ابد ماكو ريحه <<<طبعا البنات قريباتي ميانه خخخخخخ
وعلى فكره ترا التمر لحاله يسمن الوجه كولي كل يوم على الريق 7 تمرات
انا والله ايام الثانوي كنت نحيفه لكن وجهي كان حلو اسمن من الحين تذكرت اني وقتها يوميا العصر اكل تمر وكنت اموت على التمر
ويوم نحفت الحين حتى التمر ماصرت اكله
بس استمرو على المشروب وبتدعون لي وربي يسمن ويورد الوجه