يامعلمات المدارس الاهليه شوفو وش قالولي الموارد البشريه

الطالبات والمعلمات

الى كل معلمه ومعلم في مدرسه اهليه انقل لكم قصتي اليوم الاربعاء
وانا في الدوام جتنا المديره قالت ان موضوع الزياده في الرواتب الي هي 5600 انه ماراح تطبق هالسنه وهذا كلام المشرف



طبعا مدرستنا معروفه ومن المدارس الي لها عده مدارس اخرى والي تاخذ دعم من الحكومه
طبعا حنا يالمعلمات المساكين بغينا ننجن وقمنا وزعلنا وليه وليه وكلام كثير قالت المديره هذا مو من عندي من الاداره
عاد تخيلو زادو الرسوم على الاهالي زياده رهيبه حتى عيالنا الي كان العام الخصمم عليهم السنين الي فاتت 80% خصم تخيلو شالو السنه هذي كل الخصم عن جميع المعلمات
ظلم حسبي الله ونعم الوكيل فيهم
المهم انا قمت من القهر ودقيت على الموارد البشريه هدف
ورد علي واحد من الاخوان وسالته السوال الي قاهرني نزلت الزياده للمدارس ولا لا
كانننننننن الجواب
مافيه ولا اي شي نزل لحد الان ولا امر صرف لحد الان وامس اجتمعت 4 لجان حكوميه علشان يشوفون الموضوع
قلت يابن الحلال امر ملكي ماتنفذونه ماصارت قال على عيني وراسي الامر الملكي لكن لابد من الضوابط وامور ماتعرفونه قلت يعني فيه زياده هالسنه ولا ايش قال باذن الله احتمال على الميزانيه بشهر واحد
تخيلو القهر قلت طيب المدرسه لو وقعتنا على عقود بنفس رواتبنا السابقه وش نسوي ليه ماتطلعون لجان من عندكم تشوف المدارس المخالف حرام عليكم قال انا مقدر تعبكم والله يسهل عليكم
يناس وين الملك نبي نعلمه عن القهر والظلم الي نشوفه ونعانيه حتى كلام الملك ماعاد يسمعونه
ارجوكم لازم نسوي حمله ضد هالامسؤلين نبي الحمله يسمع ويشوفها الجميع وياليت في اغلب المنتديات ارفعو الموضوع
ارفعو تكفون خلونا نطالب بحقوقنا المسلوبه لا جداره ولارواتب مثل الناس حسبي الله ونعم الوكيل:44:




34
5K

يلزم عليك تسجيل الدخول أولًا لكتابة تعليق.

تسجيل دخول

أم محمد خالد
أم محمد خالد
اي والله ملينا سكوت
الملك امر 52000 وظيفة تعليمية للنساء ولاشفنا شي

قاموا وخلوها 52000 وظيفة للنساء والرجال تعليمية وادارية

لازم يوصله الخبر والله قمت الظلم
حسبنا الله ونعم الوكيل
رياض المشاعر
رياض المشاعر
حسبي الله ونعم الوكيل
هند الأمل
هند الأمل
حسبي الله ونعم الوكيل
جوجو3007
جوجو3007
حسبي الله ونعم الوكيل
حسبي الله ونعم الوكيل
:angry:
اماسي الخليج
اماسي الخليج
الله يعينكم

انا الحمد لله مطلعه المدارس الأهلية من راسي ولا افكر اني اقدم فيها
و ان شاء الله يظهر اسمي في وظيفة حكومية