سلطانة 77
سلطانة 77
انا استعملها للحلق فقط لانوا النتف حسيت بألم كثير في مناطق جسمى
اضـــواء
اضـــواء
انا استخدم هذه اﻻله لنتف الشعر
والله الم الم مثل الحﻻوه و احيانا يطلع دم من المسام و:icon36: استخدم الراس الاول ع اليسار
صح بعد الشيل نظافه و نعومه بس حار

مافي حﻻوه من غير نار
الله يسهلك امورك و يوفقك يارب
سمر14
سمر14
رفع
رد جميل من غرور القمر...جزاك الله خير
مريومــه
مريومــه
تنظيف المنطقه الحساسه من الشعر  (راح أكتب لكم طريقتي وطبعا كل وحده لها طريقتها الخاصه والي ترتاح لها لو طريقتي  ريحتكم تمام ولو مانسبتكم لاتدعو علي أنا بس حبيت أخدمكم ) طبعا هي مو سر أو غيرطرق الناس بس الحمد لله الطريقه هذي مريحتني وماتطلع حبوب  ولاسواد ولاترهل المنطقه وغير كذا تخفف نمو الشعر وإنتي بنفسك راح تلاحظي .. أولا: لازم توفر الاشياء هذي  سكر + قليل من زيت الزيتون + مخدر (بنج للأسنان ) + قطن + بودرة الاطفال + حلاوة شهرزاد  + الة براون لنزع الشعر وليس الحلق ... ( أنا عندي مجموعة العروسه ) بس تقدري تشتري براون للنزع لوحدها مو شرط مجموعة العروسه .. + براون لحلق الاماكن الصعبه في المنطقه الحساسه .. هي على شكل قلم تجي مع مجموعة العروسه وممكن تجي لوحدها ..  + مرايه الحين ياشطار جهزووو الاغراض هذي كلهاااا حتى نبتدي بالطريقه  ثانيا: طريقة شيل الشعر  1- أحسن وقت لشيل شعر المنطقه الحساسه هو في اليوم الاخير أو ماقبل الاخير من الدوره لان الام راح يكون أخف بس بشرط يكون الدم متوقف ..  2-ندهن المنطقه بزيت زيتون ونأخذ حبات السكر الخشن وندلك المنطقه بلطف هذه الطريقه تساعد على تقشير المنطقه وإخراج الجلد الميت والشعر الي تحت الجلد وبكذا لما نجي  نشيل مايكون فيه شعر مستخبي 0  3-نترك زيت الزيتون على المنطقه لمدة ساعه وبعدها نغسله بالماء  (يابنات زيت زيتون ومويه يعني سواااد عشان كذا اذا استخدمتو الزيت لاتغسلوه إللا بعد ساعه )  طبعا نغسله بالماء وصابونة البابايا وبعدين ننشف المنطقه زين .  4- نجيب المخدر (بنج الاسنان )ونرش في قطنه لين تتعبى القطنه ونمسح على المنطقه الحساسه طبعا على أماكن نمو الشعر بس نبعد عن الفتحه ..  (اذا الشعر طويل قصيه عشان الشعر الطويل يتعب بالشيل ويعذبك وبرضو مايسمح للبشره تتشرب المخدر )  بعد مادهنا المخدر نترك المنطقه مفتوحه بدون ملابس لان الملابس راح تتشرب المخدر  وكأننا ماسوينا شيء  يعني إجلسي بغرفتك خلصي كم شغله ولا إقري كتاب لين تمر نص ساعه ..  بعد النص ساعه جهزي عدة الشيل  (فيه بنات ماتتخدر عندهم المنطقه إلا بعد ساعه ,,يمكن أو مره ماراح تعرفي إنتي كم محتاجه  عشان تتخدر عندك المنطقه لكن بعدين راح تتعودين وتعرفي اذا نص ساعه ولاساعه ) 5- عند الشيل راح نقسم المنطقه الحساسه الى ثلاث أقسام : 1-المنطقه الاماميه وهذي تنشال بالحلاوه . 2-منطقة الاشفار الكبيره وهذي تنشال بالأله . 3- المنطقه العميقه والقريبه من الفتحه وهذي تنشال بألة براون القلم . 1- شيل المنطقه الاماميه  هذه المنطقه أكثر شيء يناسبها في الشيل الحلاوه  تعرفون ليه ؟؟!  انا أقولكم ..  لأنه هذه المنطقه لازم تكون ناعمه وخاليه من الشعر وبرضو بيضاء  واذا تزوجتي راح تفهمي كلامي أكثر  طبعا الموس على طول يسمر هذه المنطقه والأله تطلع حبوب وشعر تحت الجلد وألة الحلق  يومين والشعر طالع  حطي في بالك إنك في يوم راح تكوني عروس وعلى الاقل الشعر لازم يجلس كم أسبوع  ومايطلع فابدل ماتتبهذلي بعدين تعلمي من الحين إنك تشيلي ..صح راح يكون فيه ألم  ويمكن الي كانت تستخدم الموس الالم راح يكون أشد بس صدقوني أول مره ويمكن المره الثانيه وبعده خلاص تتعودين ..والمخدر راح يخفف عنك ..ولاتقولو الحلاوه ترهل ..  الحلاوه ممكن ترهل لو أستخدمات للأشفار الكبيره أم المنطقه الاماميه أبدا ماتسبب  ترهل ولا برود جنسي على قولتهم لأنه أساسا مافيه برود جنسي مثل ماذكرنا في الردود السابقه .  نجيب حلاوة شهرزاد وناخذ قطعه كبيره ونجلس نلعب فيه لين يتغير لونها ..  بعد مايتغير لونها نحط القطعه على طرف الرجل لأنك لو حطيتيها في  صحن أو ورق راح تسيح وتلصق فيه فالافضل على طرف رجلك ..  إجلسي ممده على رجولك بس إرفعيهم على طرف السرير مثلا  يعني شبه منسده وبكذا هذه المنطقه راح تكون مشدوده عندك ويسهل شيلها ..  خوذي من قطعة الحلاوه الكبيره الي جهزتيها خوذي منها حبه قد حبة اللبان (العلك ) وشيلي فيها جزء صغير يعني إفرشيها على الشعر بإبهامك وعلى طول بإصبعك السبابه والابهام شيليها ..  لو ماطلع معك شعر كرري الطريقه بس مو على نفس المكان ولو حسيتي أن المنطقه  ماتخدرت إنتظري بعد شوي ..  طبعا راح يطلع معك الشعر من جذوره وبمجرد ماتشوفيه راح تتشجعي أكثر وأكثر ..  يمكن شيل هذه المنطقه ياخذ منك وقت طويل لأنك مبتدئه لكن بعدين  راح تشيليه بسرعه ويمكن بقطعه أكبر من حبة اللبان ..  ولو الحلاوه سالت بيدك رشي على يدك بودرة الاطفال راح تخفف من الإلتصاق ..  ونصيحه مني لو أول مره تشيلي لاتشيلي المنطقه كلها مره وحده لأن ظهرك راح يتعب ..  إنتي شيلي المنطقه الاماميه يوم ومن بكرى شيلي الباقي ..  _بعد ماتشيلي المنطقه الاماميه بالحلاوه راح يبقى معك بعض الشعرات لاتضيع  وقتك عليهم إتركيهم للمسات الاخيره .  وبكذا ننتقل للمرحله الثانيه ..  2- شيل منطقة الاشفار الكبيره هذي المطقه زي ماقلنا ماينفع معها الحلاوه لأنها بترهل ولو إستعملنا لها الحلق بيصير شكلها بايخ تخيلو فوق يجلس اسابيع بدون شعر وهذا يومين والشعر طالع  عشان كذا أفضل شي استعمال الة براون لنزع الشعر يعني نتف مو حلق وألتي  جاي معها راس خاص للمنطقه الحساسه  هنا عاد تعدلي جلستك وتجلسي مثل جلستك لقضاء الحاجه أعزكن الله  وحطي المرايه تحتك حتى تشوفي وشغلي الاله على الهادي مو السريع ..  راح تحسي بألم فضيع اذا أول مره  إحتمال يكون مفعول المخدر خلص عشان الوقت راح على شيل المنطقه الأماميه  عشان كذا أنصحكم تشيلو بيومين لين تتعودون  إستمري بالشيل ولامنع من التوقف وتبريد المنطقه بقماش فيه كيس ثلج بس تبريد  خفيف عشان ماتموووت الخلايا .. بعد ماتخلصي من الاشفار الكبيره  نجي للمرحله الثالثه .  3-شيل المنطقه العميقه والقريبه من الفتحه والمنطقه الي بين فتحة المهبل  وفتحة الشرج وكذالك الخط الي بين طيات المؤخره لو فيه شعر .. طبعا هذه المنطقه ضيقه وعميقه وحساسه بقوووه وماينفع معاها لا موس والة نتف ولا حتى حلاوه لأن الجلد رقيق ..  عشان كذا نستخدم ألة براون الي حلى شكل قلم للحلق يعني إرتاحو مافيه ألم ونضفي المكان على كيفك ولايضيق صدرك  من كم شعر تستخبي وإنتي ماتطوليها  وبكذا خلصنا من شيل المنطقه باقي اللمسه الاخيره وهي أخذ قطعه صغيره  من الحلاوه ونزع الشعر الصغير والي ما****ل معك أول مره .. صح وإنتي تقرين الطريقه راح تقولي يوووووووووه طويله لكن لو عودتي نفسك عليها ماراح  تاخذ من ساعتين مابين التخدير والتجهيز والنتف ..وساعتين يازينهم ولا عشر دقايق  مع الموس وبلاويه هذا غير إذا جاء زواجك تبهذلتي .. خليك من الحين متعوده وفرصه يخف نمو الشعر قبل الزواج ولايكون هو أكبر همك .. وتكوني زوجه نظيفه من برا وجوا خلصنا من الشيل نجيب شوية ديتول مخفف بمويه ونمسح فيه المنطقه عشان الجراثيم  والحبوب ماتطلع وبعد ماينشف نجيب زيت زيتون وندهن المنطقه فيه  وهذا سر تأخر نكو الشعر (السر بالزيت ) يقولك دهن المنطقه بزيت الزيتون بعد النتف مباشره ولمدة ثلاث أيام يقلل نمو الشعر بشكل كبير .. نتركه ساعه بعدين نغسله  ولو حابين تبيضو المنطقه وتنعموها حطو عليها خليط (نشاء وليمون وماء ورد )  لو تعودتي على الطريقه هذي .. أضمن لك النظافه أولا ، الرائحه الزكيه ثانيا ،تفتيح المنطقه ثالثا
تنظيف المنطقه الحساسه من الشعر  (راح أكتب لكم طريقتي وطبعا كل وحده لها طريقتها الخاصه...
غرؤؤؤر إلقمر

ما شاء الله عليك كفيتي ووفيتي
عجبتني طريقتك عشان فيها مخدر
راح اجربها بإذن الله


كرولين
حبيبتي لا تخلين الشعر يطلع ويطول
من يبتدي يطلع شيليه وهو قصير ما راح تحسين بألم مجرد وخزات
انا اول مره جربت الآلة خليت الشعر طويل احسبه احسن للشيل لكن مت من الالم
من بعدها خلاص من يبتدي الشعر يطلع على طووول اشيله
حاطه الآلة على الطاولة جنب السرير ودايم شاحنتها وجاهزة من اشوف الشعر بدا يطلع شلته
حتى ما ياخذ وقت لانه خفيف
ام رسيل12
ام رسيل12
كيف شكلها اله النتف. من براون ممكن تحطو صوره ??
وبكم??