كوكب 11

كوكب 11 @kokb_11

عضوة مميزة

أطباق دورة كيفية إعداد أطباق الأرز بسهوله ( الرجاء ممنوع الردود )

دورات تدريبية


بسم الله الرحمن الرحيم
والصلاة والسلام على خير خلق الله سيدنا محمد
وعلى اله ووصحبه اجمعين
السلام عليكم ورحمة الله وبركاته
وأهلا بكم في هذه الدوره
دوره في كيفية إعداد أطباق الأرز بسهوله
من المعروف أن طبق الأرز من أهم الأطباق على المائده العربيه
والخليجية تحديدا
فعلى هذا الأساس تم إختيار موضوع الدوره

اليكم هذه النبذه عن الارز

يعتبر الأرز وعبر التاريخ من أهم الأغذية للإنسان . وتتميز حبة الأرز الفريدة هذه في كونها الغذاء الرئيسي لثلثي سكان العالم في وقتتنا الحاضر. ينمو الأرز في أكثر من 100 بلد موزعة على جميع

القارات عدا القطبين . . 90% من إنتاج العالم يتم إنتاجه وإستهلاكه في شرق، جنوب شرق وجنوب آسيا. يعتبر الأرز اليوم الطبق المفضل للعرب والأفارقة والأوربيين والأمريكيين
موطن الأرز

موطنه الأصلي هو الصين وذلك منذ 2800 عاماً قبل ميلاد المسيح عليه السلام. إنتقلت نبتة الأرز من الصين إلى أندونيسيا، ماليزيا،الفلبين ، الهند واليونان القديمة. من الهند إنتقلت نبتة الأرز إلى بلاد الفرس ، ودلتا النيل بمصر ومن ثم إنتشرت في جميع قارات العالم لتزرع أيضاً في الدول الشرقية وأمريكا.



القيمة الغذائية للأرز
مصدر جيد للكاربوهايدريتات التى تساعد الجسم فى الإحتفاظ بطاقتة لفترة طويلة،البروتين، الألياف،الفيتمينات والمعادن. كما يحتوى الأرز على ثمانية من الأحماض الأمينية الضرورية لبناء عضلات الإنسان. و أخيراً، إن الأرز خالى تماما من الكلسترول والصوديوم





.
زراعة الأرز
يزرع عادة في الأراضي المغمورة. يتوقف نجاح زراعة الأرز على ثلاثة عوامل رئيسية:

  • درجة الحرارة ويجب أن لا تقل عن 21 درجة مئوية طوال موسم النمو الذي يمتد من 4 - 6 شهور.
  • وفرة الماء المتجدد الذي يغمر الأرض المزروعة بالأرز طوال فترة النمو.
  • خصوبة التربة ويفضل أن تكون غنية بالمواد العضوية
وهذا صوره تبين شكل نبتة الأرز












انواع الأرز المستخدمه في هذه الدوره
البسمتي او البنجابي او البيشاور
وهذا النوع له طريقه معينه في الطبخ
المدة اللازمة لنقع الأرز تتراوح ما بين25-30 لجعل حبة الأرز طويلة بعد الطهي، أما بالنسبة لطهى الأرز فالوقت المطلوب يترواح مابين 10-20 دقيقة. يحتوى الأرز الأبيض أيضا على الكربوهيدريات المركبة ، ثمانية أحماض أمينية ، فيتامينات و ألياف



الارز البني


عبارة عن حبوب الأرز بعد نزع القشرة الخارجية منها


الحبوب تكون بنية اللون لوجود طبقات النخالة الغنية بالفيتامينات خاصة فيتامين (ب) المركب،المعادن والألياف.


الأرز البنى هو النوع الطبيعى من الأرز الذى يحتوى على ألياف، فيتامينات ومعادن اكثر نسبيا من الأنواع الأخرى. فترة طبخه = 30 دقيقة




المزه


وهذا الاسهل والالذ و الاكثر استخدام في السعوديه


المدة اللازمة لنقع الأرز هي 90 دقيقة لجعل حبة الأرز طويلة بعد الطهي، أما بالنسبة لطهى الأرز فالوقت المطلوب يترواح مابين 20-30 دقيقة.





وايضا سنستخدم ارز ابوبنت او ابو بنتين الامريكي


له نكهه مميزه وطريقةطهيه سهله







السياسة المتبعه في هذه الدوره ,,,, السهوله والوضوح

ا
تقريبا 18 طبق ارز في هذه الدوره
واليكم اول طبق
بسم الله وعلى بركة الله

اول طبق
أرز بالزبيب والكاجو مع كباب بالفرن



رز بالزبيب والكاجو
زعفران منقوع في ماء عادي
تقريبا خمس ملاعق ماء
بصله واحده مقطعه جوانح
زبيب
كاجو
نص ملعقه صغيره كمون
خمس حبات قرنفل
ثلاث حبات هيل
كوبين رز مزه منقوع لمده ساعه ونص
الطريقه
يحمس البصل بشوي زيت لما تشقر الاطراف
ثم نضيف الكاجو والزبيب حتى تشوفين الزبيب
بدأ ينتفخ
نضيف المويه المزعفره
والتوابل
والرز ونضيف مويه مغليه
تقريبا كوبين
بعد ما يغلي وتبأ المويه تنشف
قصري عليه مررررررررررررره
وخليه ساعه الا ربع
قبل الغرف بخمس دقايق
حطي على الرز شوية زيت
وبعدين اغرفيه بالف عافيه وهنا

واليكم صور العمل




هذي صور المقادير مجتمعه










هذي صوره لما حمست البصل
بعدين اضفت الزبيب زالكاجو والزعفران المنقوع
والتوابل العدله










اضفت الماء المغلي والرز







وهذي الصوره بعد ما جهز






37
145K

هذا الموضوع مغلق.

كوكب 11
كوكب 11
وهذي مقادير الكباب






كيلو لحم مفروم بشحم
بصله مبشوره وحده
4 فصوص ثوم مهروسين
نص كاس بقدونس مفروم
نص ملعه صغيره فلفل اسود
نص ملعقه صغيره كزبره ناعمه
ملح
تخلط جيدا وتشكل بالشكل الموجود بالصور








هذي الصوره بعد ما حطينا التوابل











وهذا بعد التشكيل








الان ندخل الصينيه الفرن
الرف الاعلى هو اللي يشتغل
لمده 15 دقيقه
بعدين نقلبها
ونخليها 15 دقيقه ثانيه
وبالف عافيه وهنا
كوكب 11
كوكب 11
البخاري
المقادير
ثلاث اكواب ارز مزه منقوعه ساعه ونص
دجاجه مقطعه نصفين
بصلتين مقطعه جوانح ومحموسه حتى تحمر الاطراف
ثلاث فصوص ثوم مهوسه
ملعقه صغيره معجون الطماطم

ثلاث جزرات مبشوره
نص حبة طماطم مقطه قطعتين
هيل ــ قرنفل
ملعقه صغيره كمون
نص ملعقه صغيره كركم
حبة واحده ليمون اسود
زبيب







شوفو درجة تحمير البصل




الطريقه
نحمس البصل لما تتحمر الاطراف
بعدين نضيف الجزر حتى يذبل
بعدين نضيف الثوم ونقلب شوي
ثم الهيل والقرنفل والزبيب و نقلب جيدا
نشيل جزء من هذه الحشوه على جنب وخليها لانها
حتكون لوجه الطبق زي الكشنه
نرجع للقدر
نضيف معجون الطماطم للقدر
وحبة الليمون والكركم والطماطم والكمون
نضيف الدجاج ونقلب قليلا
ثم نضيف ماء مغلي يدوب يغطي الدجاجه


لاحظو مستوى المويه مو كثير

نغطي القدر ونوطي النار اقل من النص شوي
بعد 50 دقيقه نشيل الدجاجه
ونصفي المرق ونضع الارز





المويه ارتفاعها واحد سانتي
بس للي تبي تقيس
ثلاث كيسان وربع مرق دجاج

ونضيف شوي كمون وهيل غير مطحونين
بعد ما تنشف المويه زين مره





نضيف الحشوه اللي احتفضنا بها مسبقا
حطيها ولا تحركينها لان حبات الارز مازالت نيه
حطيها وخليها تعطي الارزنكهة البخاري
نوصي النار مره خلوه ساعه وحده على النار
قبل الغرف بخمس دقايق اضيفي مغرفه مو مليانه زيت
صبيه على وجه القدر
خليه خمس دقايق وبعدين حركي الكشنه اللي على الوجه
واغرفي البخاري وعليكم بالعافيه
اللي ما يتوفر عندها رز مزه
تصلحه برز ابوبنت او انكل بنز بعد حلو
بس برز المزه احلى

هذي الصورتين للرز قبل احط الدجاج
لانه هو المقصود

































وعساه بالف عافيه
كوكب 11
كوكب 11
حياكم الله مع الطبق الثالث
أرز صيني برز بسمتي
المقادير
دجاجه مخلية الجلد والعظم مقطعه صغير
( ملقعه كتشب وملعقتين صويا صوص )
حبتين جزر مقطعه شرايح رفيعه
حبة فلفل بارد مقطعه شرايح رفيعه
نص كاس او اقل شوي بازيلا
بصله وحده مقطع جوانح
ملفوف مقطع جوانح
كوبين ونص رز بسمتي منقوع لمدة نص ساعه
الطريقه

تنقع الدجاجه بالكتشب والصويا لمدة ساعه
في هذه الاثناء الخضروات ( الجزر والملفوف والبازيلا والبصل ) ا
تشوح في مقلاة بها شوية زيت
كل نوع لوحده ...
هذي صورة المقادير
بعد التشويح








الفلفل البارد لا يشوح لفتره طويله هو بس دقيقه وحده
ارفعيه من المقلاة والمويه حقته ما زالت تطلع لا تغير لونه
اخر شي الدجاج ضعيه بالمقلاة نفسها وخليه على النار 20 دقيقه مع التقليب المستمر
لحد ما يستوي لابد يبقي شويه مرق الدجاج في القلايه
لو شفتيه نشف زيديه نص بياله
يعني لابد يبقي منها شوية مرق مقدار تقريبا او اقل شوي نص كاس
يسلق الارز بماء وملح وزيت
كمية الماء كاسين
بعد ما يشرب الرز الماء قصري عليه مررررررررررررره
وخليه 20 دقيقه
الان التطبيق






اخلطي الخضروات مع بعض
شيلي شوي منها على جنب
اغرفي نص كمية الارز وحطيها في قدر جديد
رشيها بملعقه ونص صويا صوص
ثم رشه من مرق الدجاج اللي بقى





حطي الدجاج
حطي الخضروات المشوحه
عيدي الكره للنص الثاني من الارز
ثم شويه صوصا صوص
ثم شوية مرق دجاج
ثم الدجاج
ثم الخضروات
ورجعيه للنار مره ثانيه
بس يحمى لا تقولين لازم يشرب المرق اللي صبينها عليه
بمجرد ما تشوفين طلع بخار القدر فوق
اغرفي فورا





الخضروات اللي رفعتيها على جنب
حطيها على الرز بطريقه جماليه

لاحظوا شرايح الجزر والبازيلا
لونها صافي
مو من اللي مع الرز
تعطي نظره للطبق







وبالف صحه وعافيه
كوكب 11
كوكب 11
مقلوبة صياديه
مقدار من السمك الفيليه
بصله واحده مقطعه جوانح ومحروقه
كوبين ونص رز مزه منقوع لمده ساعه ونص
ثلاث فصوص ثوم مهروسين
حبتين بطاطس مقطعتين شرائح
نص ملعقه صغيره من
كمون ــ كركم ــ فلفل اسود ــ كاري ــ قرفه
نص ملعقه كبيره من بابريكا
نص ملعقه كبيره من صلصه
لسلق الارز
كاسين ماء ونص + ملعقه كبيره كزبره غير مطحونه
+كسرتين دارسين
+ملح


هذي صورة المقادير مجتمعه
لاحظوا درجة تحمير البصل










رشي على السمك ملح الليمون
وملح عادي
واقليهم بالزيت حتى النضج
وصفيه في صينيه بعد تغليفها بالقصدير
لاحظوا السمك لونه ابيض
سيتغير







حطي الماء ( الكاسين والنص ) مع التوابل اللي تبع سلق الارز
وخليها تغلي على نار هاديه 10 دقايق
اسلقي الارز وخليه على النار بعد نشفان المويه
45دقيقه و
ولا تنسين تضعين زيت على الرز

ضعي كاس ماء في قدر وضعي البصل المحروق
غطي القدر وقصري النار لا تخلص المويه
شيلي البصل المحروق
وحطي كل التوابل والصلصه والثوم
وحطي البطاطس وغطي القدر
وخليه بس 15 دقيقه
عشان يستوي البطاطس








الان التطبيق
لاحظوا القدر فيه
المويه السوداء مع البهارات
هي اللي بتغير لون السمك
وتخلي الرز لونين
ابحط المويه السوداء هذي على البطاطس والسمك
اللي رصيناهم في الصينيه
يجي مقدارها ثلاث ارباع كاس





صبيتها






ضعي اول شي السمك
ثم البطاطس
ثم صبي الصوص عليهم
بعدين حطي الرز
ورصي بالملعقه زين مررررررررررررره
دخليها الفرن محمى مسبقا وخليها 15
دقيقه
بعدين اقلبيها
بيكون الرز لونين









شفتوا لون السمك تغير وتشرب بالبهارات














شوفوا الرز لونين









الصوص الاسود ثخين
موخفيف القوام
اذا صار خفيف القوام بيطري الرز كثير
لابد من مراعاة هذه النقطه
اذا صارت خفيفة القوام خلوها في الفرن
وقت اطول عشان يشربها الرز
وبالف عافيه وهنا
كوكب 11
كوكب 11
.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Tahoma;}
كبسه بكشنة الكمون والكاري
سهله جدا ولذيذه جدا جدا
ثلاث اكواب رز مزه منقوع ساعه ونص
بصله واحده مقطعه جوانح ومحمره
ملعقه صغيره كمون
ملعقه صغيره كاري
لسلق الارز
ثلاث اكواب ماء وربع مغلي
مطيبات عدله من ( ورق غار ــ هيل ــ قرنفل ــ حبتين ليمون اسود )ا
وهذي صورة المقادير












نضع المطيبات في القدر مع الماء المغلي
ونزفعهم على نار اقل من المتوسط
ونتركهم 10 دقايق
بعد ذلك نضع الارز في القدر واول ما تنشف المويه
نقصر عليه مره





هذا شكل الرز بعد ما استوى



قطعو البصل جوانح وملحوه وخلوه شوي
بعدين حمروه بالزيت لما يصير باللون
اللي في صورة المقادير
لاحظوا مو محروق
الملح يخرج السوائل من البصل
ويساعد على التحمير بسرعه قبل الحرق
ويساعد على ان اللون يكون موحد
بدرجه وحده
مو قطعة بصل تحميرها كويس وقطعه سوداء
عشان كذا حمرتها بعدين صورته



نضع الكمون والكاري على البصل ونقلبهم شوي على النار

لاحظوا بعد ما حطيت الكشنه
لون الرز ابيض وبعد الخلط بيتغير اللون






بعدين نحطهم على وجه الرز بدون تحريك
قبل الغرف بخمس دقايق حطي زيت على الرز
نص مغرفه
ولما يجي وقت الغرف
قلبي البصل مع ربع كمية الرز اللي طبختي
الكمون والكاري كميتهم مو قليله
عشان كذا لازم تخلطينهم بالرز زين
حتكون الكشنه مره لو ما حركتيهم بكميه كبيره
من الرز
شيلي الرز المخلوط بالكشنه
واغرفي الرز اللي في الاسفل

هذي صورة قبل لا احط الدجاج
عشان تشوفون حبات الرز
وكيف تغير اللون
بلذاذة بدون مرق دجاج او لحم

















وبعدين حطي فوقه الكشنه
ما يصلح تصلحون الرز بمرق الدجاج
تخرب نكهة الكمون والكاري
عشان كذا تبلت الدجاج بحامض وصويا صوص
ورشيت عليهم توابل ( كمون ــ ثوم بودره ــ كزبره ــ كاري
فلفل اسود ـــ ملح )ا
وشغلت الفرن 350 درجه او 180 لبعض الافران
دخلتها الفرن بدون تغطيه لمدة ساعه ونص


وهذي اخر صور






اللي يبون يستخدمون رز بسمتي
البيشاور له سياسه وحيده ابكتبها ابللون الاحمر
اغسلي كاسين ونص وانقعيه ( اغسليه وخلي فيه شوية مويه)ا
لمده نص ساعه
حطي مويه يالله يغطي الرز يعني ما يقارب كاسين خليه على نار هاديه لمده نص ساعه
وحطي زيت وملح
على طول قصري عليه
لا تقولين لما تنشف مويته
خليه على النار 25 دقيقه
حطي فنجال زيت في قدر وحطي عليه نص كاس مويه
مع رشة كمون وخليه يغلي
جيبي قدر جديدوحطي فيه نص الرز
وصبي عليه من المويه اللي بالزيت نص اللي عندك
وبعدين كرري الحركه
حطي على الوجه الكشنه اللي ذكرت سابقا
غطيه ورجعيه على النار 10 دقايق بس
وقلبيه الكشنه بالرز
ارجو تنفيذ ما ذكر بدقه

وبالعافيه