منى888

منى888 @mn888

عضوة جديدة

كيكة التمر بالصوص

الحلويات الشرقية والغربية

مرررحبا بناااات هالمره جبت لكم كيكة التمر يالله نبدا بسم الله
المقادير:
مقادير الكيكه:
1ونص كاس دقيق انا استخدم ((الكويتي))
2 كاس تمر منزوع النوى
1 ونص كاس حليب ساخن
2 بيضه
3\4 كاس سكر(( ثلاث ارباع))
باكيت واحد زبده سائحه بدرجه حراره الغرفه 113جرام
ملعقه كبيره قرفه بودره
ملعقه صغيره هيل
رشه فانيلا
ملعقه صغيره بكينج باودر
1كاس جوز مفروم خشن وممكن استباله باللوز او بالزبيب او خليط منهم كلهم بلاخير يطلع لك المقدار كاس واحدمخلوط معه ملعقه كبيره طحين
للتزين لوز مقشر ومحمر وممكن قطع صغيره تمر
طريقه عمل الكيكه:
نضع التمر منزوع النوى مع كاس حليب ساخن بخلاط الطماطم الكاس واخلطيه حتى ينعم ومافيه كتل
اخلطي الطحين مع القرفه والبكينج مع بعض
نخلط بخلاط الكيك البيض والسكر والزبده على درجه عاليه حتى تبيض شوي
بالتناوب نحط شويه الطحين المخلوط فيه القرفه والبكينج وشوويه من التمر بالحليب
حتى تثقل معك اهي بتصير ثقيله شويه مو مثل خليط الكيك العادي
نجي اخر مرحله نحط المكسرات طبعا مخلوط معه ملعقه كبيره طحين حتى ماتسقط معك المكسرات بقاع الصينيه
ونخلط المكسرات بالخليط بملعقه خشبيه تقليب بسيط
ونصبها بالصينيه المدهونه واتركيها ربع ساعه بعدين دخليها الفرن حراره 370 فهرنهيت مدري للاسف كم مئويه:(
تقريبا ساعه الا ربع 45 دقيقه مده نضوجها
لما تستوي اتركيها حتى تبرد
...............................................
نجي لمقادير الصوص:
كاس تمر منزوع النوى
2 كاس ماء سااااخن
رشه قرفه وهيل
اخلطيهم بخلاط الكاس الطماطم حتى تنعم واشخليه بمشخل ناعم
ودخليه الثلاجه للاستعمال سهله ولذيذه
عند التقديم زينيه باللوز المحمر وقطع التمر او حسب رغبتك ورغبة اهلك
اتمنى عجبتكم


__________________
12
8K

يلزم عليك تسجيل الدخول أولًا لكتابة تعليق.

تسجيل دخول

بوح انثى
بوح انثى
يسلمو يالغلا واكييييييد لذيذة
اي شي بالتمر لذيييذ
ان شالله بسويها
**العنـــود**
**العنـــود**
يعطيك الف عافية لذييييييييييييييييييييييييييييييييييييييييييييييييييييذة تقصين لي قطعة خخخخخخخخخخخخخخ
الدرة الثمينة
تسلمين خيو
بس هذا مكانه بقسم الحلويات
ويا ريت من المشرفات نقل الموضوع
مس يارا
مس يارا
مشكوره