انا عندي غساله مع مجفف لأن ماعندي مكان الا لوحده ونوعها ال جي من كم شهر شريتها بس في عيب واحد لاحضته ان ملابس القطن تنكمش وتصغر المشكله كل ملابس بنتي قطن ميه بالميه وصغرت عليها ماادري المشكله في نوع المجفف ولا كلكم مثلي
الصفحة الأخيرة
اهلين اختي ..
راح اتكلم عن الي عندي وهو نوعه اريستون ..مريحه مره فيها درجتين للهواء حار وبارد البارد للملابس الخفيفه جدا ((وماعمري استخدمتها ))
والحار لجميع انواع الملابس ..
فيها ارقام تحددين الوقت لنوع الملابس بس انا مريحه نفسي احط على الاوتوماتيك وخلاص تطلع الملابس جافه
فيها جرس تنبيه اذا وقف النشاف تنبهك عشان تجين تطبقينه بسرعه ..اي مجفف اذا وقف لازم تطبقين الملابس وهو حار لانك اذا تركتيه الى ان يصير بارد يمكن يحتاج لكوي ..فهمتي علي ..
وهو ممتاز للملابس القطن والجنز ابدا ابدا مايحتاج كوي .. ومثل ماذكروا الاخوات العبايه برضه ماتحتاج كوي ع طول تعلقينه او تلبسينه :)
وملابس الاطفال تطلع تجنن والله فرق عن المنشره ..
وعند جارتي النوع الامريكي .. ممتاز ..
ولو انا مكانك وعندي المبلغ راح اشتري الامريكي من غير تردد ...
نجي لنقطه مهمه ..
فيه نوعين من المجفف الحراري نوع يجي معاه انبوب طويل لازم وقت التشغيل تطلعين الانبوب للخارج ...انا اطلعه من الدريشه عادي عشان الهواء الحار يطلع برا ..
وفيه نوع مافيه انبوب ..ميزته تقدرين تحطينه في اي مكان في البيت ماتتقيدين انه لازم يكون جنب الدريشه مثل النوع الاول ..
بس سبحان الله كل نوع فيه سلبيات وايجابيات ..
ايجابيات النوع الي فيه انبوب ان المكان يصير نظيف على طول ..وسلبياته يمكن تتعبين كل ماشغلتيه تخرجين الانبوب لبرا ..انبوب عادي مثل اللي طويل وعريض واخف من البلاستيك..
وايجابيات النوع الثاني ..ماتتقيدين انك تحطينه جنب الدريشه ..وسلبياته انه بعد فتره بعد فتره تلقين حوله نساله الغسيل يعني تحتاجين تكنسين حوله ...وكذا وكذا لازم بتكنسين :)
وهذي صوره الانبوب الي يجي مع بعض انواع المجفف
وهنا نوع الباب الامامي يكون شفاف ..
وهنا نوع مايكون شفاف ..اغلب الامريكي كذا شكله ..
وفي انواع تجي 2 في 1 يعني غساله ونشافه مع بعض بس مانصحك فيهاا لانها تطول مره في الغسيل ثم التجفيف
ومثل ماقالوا الاخوات راح تعرفين قيمته في الشتاء ..
وراح تنسين شيء اسمه منشره ..
ملاحظه :
والثياب لازم تنكوي تمرير فقط مو مثل الكوي العادي ..ولاحظت اذا حطيت ملابس كثيره في النشاف اكثر من الوزن المسموح به ماتطلع الملابس مفروده ميه بالميه ..
واذا حطيت ملابس شوي او قد الوزن المسموح به ..تطلع مكويه وع الدولاب مباشره
مايصلح تغسلينالملابس بايدك وتعصرين الماء بايدك وتدخلينه النشاف !! لازم نشاف الغساله وبعدين المجفف الحراري ..
اتمنى اني افدتك واي سؤال عالخاص لاني مارجع للمواضيع ..
اللهم لك الحمد والشكر على كل مانعمت يارب العالمين