طريقة عمل اللبنة صحية وطبيعية بالمنزل مع التوفير

اطباق عالم حواء





اول مررررررررررررة اكتب بقسم الطبخ والنفخ

بس اسرق منكم طبخات


طريقة امي باللبنة طبيعية وخالية من المواد الصناعية اللي تضاف للحليب عشان يصير لبن

1- حليب سائل الصافي لتر او لترين او 10 ملاعق حليب باودر كبار مليانه على اربع كاسات مويه
2- علبة لبن زبادي

اولا نغلي الحليب ونطفي النار ونتركه يبرد من حاله بعدين لما يبرد شوي حطي اصبعك جوا الحليب وعدي الى عشرة اذا اصبعك استحمل الحرارة اضيفي علبة اللبن الزبادي وحركي ببطئ حتى يندمج معه
بعدين غطي القدر وحطيه بمكان مظلم شوي وحطي على القدر بطانيه وخليه يتخمر من الليل الى الصباح وبعدين اكشفي القدر بشويش واذا لقيتي الحليب صار زي قرص اللبن ( لبن زبادي كثير) شيليه بشويش عشان مايرتج ودخليه الثلاجة يبرد زين
وبعدين جيبي قطعة قماش او مناديل ورق سميكة ماتتفتت في مصفاه عميقة وحطي تحتها شيء عشان الماء تصفي وخليها بالثلاجة وكل ماطلتي على الثلاجة كبي الماء او ممكن تستفيدي منه انا استخدمة للبشرة يصفي ويبيض بس ريحته شوي مو زين بس كله عشان الجمال يهون
وبتلاحظين انه ينقص مع الايام واضيفي ملح حسب الرغبة عشان ينزل باقي الماء المحتبس واول ماتشوفينه متماسك تقدري تكوريه وتحطيه بالزيت الزيتون
احنا ناكله اول مايكمل تماسك شوي نرش عليه نعنع يابس وزيت زيتون.
طبعا علبة الزبادي الوحدة بتلاحظون انها بتصير قد عشر او عشرين علبه من اللي نشتريهم وممكن نستخدميهم قبل التصفية في السلطات زي اللبن بالخيار مثلا او للجريش لبن زبادي عادي
106
95K

يلزم عليك تسجيل الدخول أولًا لكتابة تعليق.

تسجيل دخول

رحيل 11
رحيل 11
يعطيك العافيه يا عسل روعه مره ماشاء الله ..
*حنون*
*حنون*
ماشاء الله طريقه جدا سهله يعطيها العافيه الوالده
وجزاكي وجزاها الله كل خير
عهــــــــــود
ماشاء الله عليك طريقة سهلة ..
اكيد بسويها قريب ان شاء الله..
يعطيك العافية ...
ام علاء
ام علاء
ووضعت لك التميز تستاهلى عيونى
هبه عبد العظيم
جزاكى الله كل خير انا اجب اللبنه