ام عزيزان

ام عزيزان @am_aazyzan

فنانة عالم حواء

عجينة العشر دقايق الكل يسال عنها ... وصور معجناتي منها :)

اطباق عالم حواء

عجينة العشر دقايق من عرفتها وانا دايم اسويها

وحبيت شغل المعجنات منهااااا

لانها سهله ومضبوطه وكميتها مناسبه لعدد من الاشكال المنوعه من المعجنات

والله يجزاها كل خير فيافي .

وهذا الطحين الكويتي (الطحين الفاخر ) وهو افضل من الطحين الابيض





وهذى الخميره التي استعملها ... حبوبها صغيره جدا وناعمه وبسرعه تذوب

الكاس المستعمل هو كاس الجبن =240 غ

والملعقة ملعقة الاكل وتكون الكميه ممسوحه

والحليب عادي وحتى لو الملاعق مليانه

والفنجان انا استعمل فنجان القهوه التركيه بس ما امليه على الاخر

والعجينه تتكون من مرحلتين



بالاول تخلطين المرحله الاولى وتتركيها عشر دقايق وراح يكون شكلها سائل اشوي

فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه .... انا احط ملعقة خميره بس


وبعدها تحطين مقادير المرحله الثانيه عليها

3 كاسات دقيق /نصف كاس زيت

وتبدين تعجني فيها ... بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء ...



اهني ممكن تجهزي حشواتك ... ومنها العجينه راح ترتاح اشوي

رشي على السطح اشوي طحين واخذي قطعه من العجينه وابدي افرديها ثم شكليها مثل ما تبين

اخفقي بيضه ... وامسحي المعجنات بالفرشه ... راح تعطي المعجنات لمعه حلوه ... ومنها ممكن نرش سمسم او حبة البركه او سماق او غيره ... لان البيض يساعد بتثبيتها

بعدها اتركيها ربع ساعه حتى تتفخ اشوي ودخليها الفرن على درجة 180 وراح تاخذ من الوقت 20 دقيقه تقريبا ... او اقل .... افتحي الفرن من تحت بالاول وباخر عشر دقايق افتحي الفرن من فوق لما تتحمر

طلعيها من الفرن وخليها خمس او عشر دقايق وبعدها حطيها في صحن التقديم وغطيها (بالرول الشفاف )حتى تكون طريه معاج الوقت كله ...


وحبيت اوريكم معجناتي من هذى العجينه الرائعه حتى اوريكم شكلها والاشكال التي ممكن نعملها منها

طبعا اول ما جربت من هذى العجينه هو السينامون ... طلع رائع






البيتزا المحشية الاطراف



البيتزا العاديه ... ممكن تخلينها سميكه او رفيعه حسب ما تحبين ....



ضفيره تاكل مع الشاي وهي حلوه لاني رشيت عليها سكر وقرفه ... وخليت الفرن على درجة 170 حتى تكون ناشفه اشوي وماتكون كثير طريه ...





الدونات بعد ما تقطعينها ... غطيها وخليها تتفخ وهذا افضل لشكل الدونات

ونتابع
232
150K

يلزم عليك تسجيل الدخول أولًا لكتابة تعليق.

تسجيل دخول

ام عزيزان
ام عزيزان
وهذى فطاير الجامبو ... مثل ما عارفين العجينه كبيره وممكن تخلصينها بهذا الشكل :42:

هذا اذا ماعندج وقت او مالج خلق للتشكيل



مناقيش الزعتر ... لما تفردي العجينه وتقطعينها امسحي على وجها زيت زيتون ورشي عليها الزعتر





هذى رولات الزعتر ... وهم طريقتها سهله وسريعه ومختصره بدل التشكيلات الاخرى



وهذى على شكل فطيره ... رول بالزعتر صغير وتلفيه على نفسه ... ولما تقطعينه راح يكون هذا شكل من الداخل



بيتزا دوار الشمس

ونتابع
ام عزيزان
ام عزيزان
island island :
لا يمكنك مشاهدة هذا التعليق لانتهاكه شروط الاستخدام.
من تشجعيكم يمكن اسوي كتيب مو كتاب ههههههههه بس ماعرف كيف الطريقه ... واعتقد يبيلها تفرغ اشوي وتخطيط بالشكل وغيره وغيره ... ويكفيني المنتدى ... وطلتكم علي لانها تعطيني النقد بوقته او مباشر :)
mira2003
mira2003
من تشجعيكم يمكن اسوي كتيب مو كتاب ههههههههه بس ماعرف كيف الطريقه ... واعتقد يبيلها تفرغ اشوي وتخطيط بالشكل وغيره وغيره ... ويكفيني المنتدى ... وطلتكم علي لانها تعطيني النقد بوقته او مباشر :)
من تشجعيكم يمكن اسوي كتيب مو كتاب ههههههههه بس ماعرف كيف الطريقه ... واعتقد يبيلها تفرغ اشوي...
مشكورة ام عزيزان....وانا الصراحة من المتابعات لاطباقك الحلوة........وحابه ادعوك لمشاهدة نوع الحلى الي عملته (الزنبقة) واعطيني رايك فيه.. والف شكر ورمضان كريم
ام عزيزان
ام عزيزان
من تشجعيكم يمكن اسوي كتيب مو كتاب ههههههههه بس ماعرف كيف الطريقه ... واعتقد يبيلها تفرغ اشوي وتخطيط بالشكل وغيره وغيره ... ويكفيني المنتدى ... وطلتكم علي لانها تعطيني النقد بوقته او مباشر :)
من تشجعيكم يمكن اسوي كتيب مو كتاب ههههههههه بس ماعرف كيف الطريقه ... واعتقد يبيلها تفرغ اشوي...
فطاير السبانخ وعليها رشه من السماق ... والله يذكر ام فرح بالخير هي اذكرت فكرة السماق :42:



فطاير الجبن الابيض مع النعناع



شكل الكرواسون ... انا اهني كنت حاطه فيها مربى الفراوله ... بس ممكن تحشينها كيري او جبن ابيض او زعتر او غيره



بيتزا التقديم على شكل قلب ... وطبها نعمل القلب بالقطاعه



وهذى فكره ثانيه لبيتزا التقديم نضع الفلفل الاخضر بالوسط ونضع الحشوه داخلها :)

ونتابع
نجمة المســــاء
يعطيج العافية غاليتي ام عزيزان على الجهد المبذول
وتسلم ايدج على هالأطباق الحلوه

بس عندي سؤال بالنسبة للعجينه، 5 كاسات طحين كثيرة بالنسبة لعائلة صغيرة.. كيف ممكن تقليل المقادير؟