مستشفي دار الشفاء الجديد بالكويت

الحمل والإنجاب

السلام عليكم ورحمة الله وبركاتة


حواملنا شلونكم وشلون الحمال إن شاء الله كلشى عال العال يارب


حبايب عندي سؤال لالالالالالالالالالالالالالالالالالالالالالالالالالاهنتوا


أنا أراجع بدار الشفاء الجديد بحولي عند دكتور مجدي طبعا مارحت إلا لمه وصلولي المستشفى السما من سسترات وشلون يتعاملون بوقت الولاده !؟:angry2:

المهم

الحين قالووووووولي موزين ماننصحج فيه يخرعون ما يعرفوون شى ولا خياطهم زين ولا سستراتهم وما ينطرون على الوحده على طووول قيصري :icon33: :icon33:

طبعا أنا عارفه السهالات من رب العالمين سبحانه بس بعرف هل وحده صج حصل معاها لا سمح الله جذى أو سمعت جذى سوالف :(

وشنو نصيحتكم أروح المواساة وله السلام ؟؟

ومشكووورين

والله يتمم علينا يارب
15
22K

يلزم عليك تسجيل الدخول أولًا لكتابة تعليق.

تسجيل دخول

سارونةالمزيونة
والله ما أقدر أفيدج لاني أولد عندهم قيصري :)

فعلا خدمتهم ممتازة و سستارتهم شاطرين

بس دكتورتي د ناهدة العلي تحبه تقول خوش مستشفى و تنصح فيه لانها تقول لي السسترات خبرة و يريحوني لما أولد الحريم هناك....

كنت أتمنى أساعدج أكثر بس للأسف و صدقيني كل الخاص يقولون عنهم جذي
انتي استخيري و ربي يدلج وين الخيرة

الله يسهل علي و عليج و على حوامل المسلمين
ღآلاءღ
ღآلاءღ
بالعكسسسسسسسسسسسسس منو قال هالكلام انا رحت لهم حطوني فووووق راسهم
بس للاسف ولدت بالسابع اللي زوجي نقلني بالاسعاف على الصباح لان ماكان عندنا ميزانيه تكفي :(
رحنا بس دفعنا 10 دنانير حق الغرفه خصوصي تخيلي
بدل شي وشيات
بس اكيد دار الشفا معروف بالسسترات والمكان
اذا بتغيرين روحي قبل ولادتك وشوفي المكان اللي ترتاحين له احسن لك ولاتعتمدين على كلام احد
لان الظروف تتغيييييير
والله يهون عليك وتولدين بالسلامه :)
نية صافية
نية صافية
والله اهو مجرب من كذا وحده من عايلتنا ويمدحونه والحين ان شاء الله بنتي راح تولد فيه عسى الله يهون عليها ....................... ادعوا لها خاصه انها أول ولاده لها
almazyo0o0o0na
almazyo0o0o0na
بالعكسس مستشفي دار الشفاء خدمه ممتـــآزه جدآآآآ

والكل يمدحه بس ا ناا كنت بولد فيه بس غيرت راي وبولد بالموآسآآه :)

والسهاله من ربج يالغاليه والله يقومج بسلامه يارب
كاشونه
كاشونه
انا ولدت اهناك بالعكس والله خدمتهم حلوه عند دكتوره الولاده زينات بس غيرت بروح المواساه وايد احسن طاقم طبي يفتح النفس والسلالالالالالالالالام ويع بس غرف حلوه اما اطبه لا صراحه انا رحت فيني طلق ابي دكتور نطرته ساعه قالولي نايم بعد ساعه يت دكتوره هنديه كشتها لي سقف شكلها ماكله المخده من النوم تقولي ما فيج شي انتي روحي البيت اذا زاد ردي يعني صراحه اطبه اي شي