قصيميه نت

قصيميه نت @ksymyh_nt

عضوة فعالة

كيس دهني (اوخراج )بالمهبل ؟؟؟؟؟وش السوات

الحمل والإنجاب

بسم الله الرحمن الرحيم
^^
^^
^^
^^
اشكي حالي الى الله ثم لكن لعلى الاقي وحده مثلي او سمعت
قبل فتره ظهر عندي كيس صغير في الجدار الخلفي من المهبل وقريب من المستقيم اعزكم الله
وقالت الدكتوره كيس مويه بعدين فتحته لى وخرج منه صديد وبعدين نظفته لى وخيطت وقلت الحمد لله
وبعد شهر تقريبا رجع ورحت له مع انه بعيد عنا والمشكله انه مستشفى الحبيب وكلفني كثير وشافتنى وسوت لى نفس الحركه الاولى وقالت خلاض ما راح يرجع قلت ان شاء الله وبعدشهر ثاني تخيلن رجع :44:والله اني جلست اصيح وجتني حاله ماني مصدقه المشكله الخيوط توها طايحه وقلت والله ما ارجع له تلعب بي وابخليه يمكن يروح من نفسه وخليته يمكن اسبوعين وجان داك الوجع كان راس بزر يبى يطلع مني ورحت اسعاف مستشفى حكومي واقعد اصيح زي الاطفال من شده الالم ولا ابي احد يلمسه شافتني استشاريه وقررت عمليه بتخدير كامل وسوللي ترقيد وعطوني ابر مضاد حيوي وقبل العمليه انفجر الكيس وراح الالم وتوقع خلاص تبي تلتغي العمليه لاكن سوت العمليه وسوت خياطه من داخل وقلت ان شاء الله نهايه الشر
وكاني والده من الالم اللي في ارحامي ورجليني وظهري واقول الحد لله واحتسب
بسسسسس الطامه الكبرى انه الحين رجع ايو الله انه رجع :44: ولاعاد فيني حيل شاغل كل تفكيري تى بنومي تفزيز
امي تقول يمكن شايله شي ثقيل
ويش اسوي معقوله حالتي مايعرفون ا لدكاتره يعالجونه ياليت تردن لو بكلمه او معلومه عن اعراضي
طولت عليكن بس مالي الا الله ثم انتن
61
221K

يلزم عليك تسجيل الدخول أولًا لكتابة تعليق.

تسجيل دخول

ام الفـاتح
ام الفـاتح
طيب ماقالو لك وش اسبابه ؟؟
الله يشفيك ويعافيك يارب بس اذا رجعتي روحي نفس المستشفى الحكومي افضل لك
زهور الربيع
زهور الربيع
امي طلع لها مثلك بس في نفس فتحة المهبل وهي حامل قالوا لها خراج وراحت وكشفوا عليها ويوم لمسته الدكتوره بغت

تموت من الالم وكبر زياده صار كبر البيضه ومعد تقدر تمشي ولا تجلس وحالتها ما يعلم بها الا ربي

وتنومت وشالته بنج كامل وخياطه وبعد يومين يا عمري

ولدت طبيعي وخياطه ثانيه والحمد لله معد رجع لها ثانيه العمليه سوتها في ستشفى الحرس الوطني

اختي ارقي نفسك يمكنها عين الله يشفيك
قصيميه نت
قصيميه نت
جزاء الله خير كل من دخل وواساني
المشكله ان الالم كل ماله يزود وفعلا الحين حجمه اصغر من البيضه بشوي
يارب ترحمن برحمك طيب ابسال ادا كانت الاعشاب تنفع والا لا
زهور الربيع
زهور الربيع
والله ما اتوقع تنفع الاعشاب له يمكن يبغى لك تشيلينه روحي للمستشفى وشوفي وش بيقررون لك

وتوكلي على الله ( الله يشفيك ويكشف ضرك يارب )
Muslimh
Muslimh
روحي ل الدكتورة عزة اللي بمستوصف السلام بعنيزة يمكن تفيدك تراها شاااااطرة انا صارلي دمل بالمنطقة وعطتني علاج وراح الحمد لله الله يشفيك شفا لايغادرة سقما امين