ommabdullah

ommabdullah @ommabdullah

عضوة نشيطة

عاجل بنات الخبر مين جربت الدراسة في جمعية فتاة الخليج دورة تدريب معلمات رياض الأطفال

ساعدوني

السلام عليكم ورحمة الله وبركاته,,,


كيف حالكم وأخباركم مع زحمة التجهيز للدراسة...


بغيت أسأل سؤال....
مين دخلت تدرس او تعرف أحد درس عند جمعية فتاة الخليج بالخبر في مركز تدريب معلمات رياض الأطفال..
هل إستفادت منها وهل هي صعبه وإلا سهله
وكيف دوامهم من الساعه كم إلا كم
وهل توظفتِ معلمة رياض الأطفال في إحدى المدارس بعد ماخلصتي دراسة
وإذا كان عندك طفل ايش سويتي ووين حطيتيه
هل اقبلوه في روضتهم وإلا لا وكم رسوم روضتهم
علماً بأن رسوم دورة التدريب 7000 ريال سنوياً من غير موصلات طبعاً الطالبه هي اللي توفر لها موصلات
و50 ريال عند التسجيل
وفيه مقابله بناءً عليها يتحدد القبول من عدمه
ايش يسألون عنه في المقابله
,,,,,,,
ايش رايكم تنصحوني أخذها وإلا بلاها

الله الله بالردود لأنه الأسبوع هذا التسجيل فقط

في أمان الله







<!-- / message -->
3
9K

يلزم عليك تسجيل الدخول أولًا لكتابة تعليق.

تسجيل دخول

~ ياخـ وينك ـــوي ~
وعليكم السلام ورحمة الله وبركاته ..

انا خواتي ثنتين كانوا يدرسون فيها بس هالكلام قبل 8 سنوات تقريباً ..

او اكثر حـــــتى ..

اذكر كانت صعييبه شوي دراستهم .. بس ممتعه ..

رياض الاطفال بشكل عام ممتع احسه ..

ترى مدري انا اقول عن نفسي ممتع لانهم كانو يسون وسائل

وقصص واشياء كثير حلوة فحسيت انه حلوو ..

المهم وحده منهم بقى على تخرجها 3 شهور بس تزوجت وطلعت ..

والثانيه كملت بس ماتوظفت والشهاده قعدت فتره طويلة على مااستلمتها والله ماابالغ

اذا قلت الظاهر بحدود السنه اذا مانيب غلطانه ..

او اكثر والله ..

بس هي تخرجت على طول راحت مع رجلها بره وعقب مارجعت

بعدها ب 6 شهور يمكن راحت تستلمها وقعدوا يماطلون كثير ..

دوامهم اذا مانيب غلطانه من 8 الى 2 وحتى الخميس الظاهر ..

بس هااا ترى هالكلام من زمان مثل ماقلت لك .. ويمكن انا مضيعه !!

وبالنسبة للروضه والله ماادري بس اذكر دخلنا اختي معهم ..

بالنسبة للمقابلة ماادري والله بحاول اسأل لك ..

والوظيفه اذكر دقت عليها كم مدرسة تبيها بس هي ماتبي تشتغل ..

بس نصيحتي اذا الاداره والموظفات هم نفسهم من 8 سنين لا تدخلينها ..

والله اختي كثير كثير تعبت معهم ..

مايعجبهم شي ابد ..

مشروع التخرج هلكت وهي تسويه ==> كانت مجتهده ياحليلها ..

لو توفر لك شي ثاني افضل انصحك فيه ..

عل كل حال بحاول اسأل لك ..

اتمنى اكون افدتك ..

بالتوفيق يارب ..

.
.
.
ommabdullah
ommabdullah
مشكوره ~ ياخـ وينك ـــوي ~
على سرعة ردك..
خواتك دخلن الدوره قبل مايتزوجن وتبهذلن..
يعني ماتنصحي فيها وخصوصاً إني أم لثلاثة أطفال الله يصلحهم ويهديهم..
والله يفك أسر أخوكِ ويرجع بالسلامه وتقر عيونكم بشوفته بإذن اللي ماتنام عينه..
~ ياخـ وينك ـــوي ~
ولــــو .. حاضرين للطيبين ..

شوفي قبل كل شي استخيري والله يكتب لك اللي فيه الخير ..

وبالنسبة لخواتي وحده فيهم كانت متزوجة وعندها بنت بس مانيب متذكرة اذا دخلتها معها او لا ..

اتوقع كانت باول ابتدائي ..

انتي استخيري واسألي بعد يمكن تغير كل شي الحين ..

وجعل ربي يسعدك وين مارحتي على هالدعوة الحــــــــلوة ..

بالتوفيق ..

.
.
.