وخرواااا وخرواااا
جايتكم بموقف بيفقع كلاويكم من الضحك
هذا الله يسلمكم بأول أسبوع زواج. لازلت في نظر زوجي الدلوعه الهاديه النعومه
ونروح نتعشى بالمطعم الدواار (للي ماتعرفه مطعم بالدور الثلاثين كل واجهاته قزاز بعدين الارضيه متر ثابت تحت القزاز مايتحرك وبعدها تقريبا 3متر من الرضيه فيها الطاولات تدور بهدووووووؤ )
المهم اخترنا انا والمحروس طاوله الجو هدوء والاضاءه خافته
جلس زوجي قريب من القزاز وانا جنبه معنا كاميرا فيديو طلينا مع القزازتفرجنا ورجعنا جلسنا طبعا لف الرجال جهتي يسولف ومتحمس مع السوالف رفع رجله ع الكرسي زي جلسة الشباب دااايم وهاك ياترمس وسواليف تقريبا ساعه بعدها قلنا بنروح البوفيه نختار لنا عشاء
يوم قمنا جاء المحروس يدور حذيانه
.......مافيه غير فرده وحده
يدوّر تحت الطاوله ،،،،ورى الكرسي ،،،يمين. يسار مافيه اثر
اثاريه منزلها على الجزء الثابت ومشينا وخليناها
!!!!!!!!!!!!!!!!!!!!!ا
انا وقتهاااا انتحرت كل معاني الانوثه والرومانسيه والتغنج والدلع وانا اطلق هذيك الضحكه المدوووووووويه اتوقع هزت البرج بكبره
ماقدرت امسك نفسي والمشكله اشتغل عرق النذاله شغلت الكاميرا واصور رجووووله. والاضاءه خافته واحط فلاش واصووور وهو يقول انتي فاضيه دبريني كيف امشي
ولا ع الاقل روحي انتي اختاري لنا اكل
قلت لامستحيه مررره اروح لحااالي
قال وش الدبره قلت مافيه حل الا تنزل الفرده الثانيه وتمشي حااافي عشان يطول الثوب ومحد يشوفك
سوااااها ابن الحلال وطلعنا من جلستناوانا اتمايل عليه ماني قادره اثبت نفسي من الضحك
فجأه شفنا ثنين عمال يرتبون وينظفون الجلسات قال والله ماعاد فيها بروح اجيب الفرده حقتي واوريها لهم يدورون خويتها ويجيبونها ويروح بيجيبها الا قد جلستنا دااارت ماندري وينهاااااا
هههههههههههههههههه شكله يحزن يلحق الجلسات القريبه ويطل عليها ويروح للثانيه يوم لقيها كأنه لاقي كنز ويجي يشيلها بيده ويركض ويقول للبناااني صديق ماشفت زي هذي
اللبناني شو هي؟؟؟
ويقربها منه والعالم كلها عند البوفيه تناظر وتضحك
وراح اللبناني تخيلوا جا يشيلها بيده مكنسه وباليد الثانيه جاااروف (اللي تنحط الزباله فيه )حاطين حذاءسان يلا قصدي زوجي العزيز فيه
وربي ياضحكت ضحك حتى العشاء ماقدرنا نتعشى واول مره اتجرأ على زوجي هيك
عاد انا مغرمه ذكريات على طول طلبت الفاتوره وقلمه وسجلت التاريخ وكتبت بالورقه الاحداث وللحين الورقه بمحظته والنعول مارميناها حاطها ذكرى تحت مرتبة السياره !!!!
وخرواااا وخرواااا
جايتكم بموقف بيفقع كلاويكم من الضحك
هذا الله يسلمكم بأول أسبوع زواج. لازلت في...
هههههههههههههههههه عجبني هالموقف مررررره