ايش الخطأ اللي سويتيه في فترة الخطوبة وانت متحسفة عليه

الأسرة والمجتمع

السلام عليكم ورحمة الله وبركاته
حبيت اطرح هالموضوع علشان يستفيدون البنات المخطوبات (المتملكات) والبنات اللي باقي ما تزوجوا
لان الكل مركز على المتزوجات
واذا ذكرتوا موضوع للمخطوبات (المتملكات) التركيز فقط على حفلة العرس وهالسوالف
كل وحدة تذكر لنا ايش الشيء اللي ندمت عليه في فترة الملكة ولو ردت بها الايام كان صححته
وايش نصيحتك للبنت المتملكة
انا نصيحتي لها
اذا كانت مثلي حساسة خلها تخلي حساسيتها على جنب
لان تعاملك مع خطيبك غير عن تعاملك مع صديقاتك
اذا ما عجبك شيء صارحيه
لا تقعدين تبكين لحالك وهو ما يدري وش مضايقك
لو مزح معك وقال لك كلمة بذيئة او شبهك بحيوان معين مثل كحمارة او كلبة اجلكم الله
اسكتي وبعد ثواني قولي له تحس ان كلمتك هذي صح؟
اذا قال لك ايه عادية
قولي له: يعني عادي اقول لك هالكلمة؟
اذا انت ترضاها على نفسك انا ما ارضاها عليك
خليك كاش

هذ اللي اتذكره
انتظر تجاربكم
لكن بلاش الموضوع ينقلب لحش في الزوج او تقليب مواجع
نبي نصائح مفيدة بدون اثم
486
226K

يلزم عليك تسجيل الدخول أولًا لكتابة تعليق.

تسجيل دخول

عاسفة الخرفان
:35:ماشاء الله شكلكم كلكم اموركم كانت تمام ايام الملكة :35:
هايدي الجنوب
هايدي الجنوب
مممم

الموضوع مره حلو وراح يفيدني كثير باذن الله
ياليت تعطونا من خبرتكم


وفووق
هايدي الجنوب
هايدي الجنوب
عاسفه والله في اشياء كثير انقد نفسي عليها ومازلت انقد نفسي
بس ناسيتها باذن الله اول ماتجي في بالي بقولها
مع انها كانت دايم تتتردد واشوف نفسي غلط بذاك الوقت

ترا باقي سنقل مخطوبه
ام عمر ويزيد
ام عمر ويزيد
انتبهي تعطينه فرصة ينقد على اهلك حتى لو بالمزح
حتى لو بينك وبين اقاربك اي مشكلة خليه هو خارج الموضوع
خله يحس ان عندك عزوة وانكم على قلب واحد
لي عودة للموضوع
الفراوله2010
الفراوله2010
انا مخطوبه ماني ملكه بس عادي بقولك غلطي الي تحسفت عليه
تحسفت اني اهديته هديا مع انه هو كان فرحااان مررره ماشاء الله بالهديا لانه هو اهداني فانا قلت خليني اهديه لانه مسافر
بس تحسفت حسيت نفسي خفيفه مررره المفروض اني اثقل شوي ماادري مع انه كثير ايدوني اهديه بس كذا صرت حازه بنفسي شوي بعد ماهديته كأني ماصدقت خطبني