السلام عليكم بنات
أنا عندي إستفسار آه من بنتي و معاناتي مع الأكل و الحليب و انها من عمر 4 شهور ما بتشرب الحليب و ما بتحب المميات ابدا و الرضاعة الطبيعية متوقفة من عمرها شهر لظروفي الصحية
المهم بنتي كملت سنة و شهر و انا كنت أستخدم لها حليب سيميلاك 2 مع الطعام حتى أعوضها عن شرب الحليب و هلا والدها إشترى لها حليب نيدو 1 بالعسل لعمر 1 الى 3 سنوات و طلب مني أحاول معها أشربها منه يمكن تحبه لأنها ضعيفة و ما بتاكل كويس أوكي
هل نيدو 1 منيح لعمر السنة و لا لأ ؟؟
من الأفضل سيميلاك غين بلص ( سيميلاك 3) و لا نيدو 1 و لماذا ما الفرق؟؟
هل ممكن أستخدم حليب بدياشور مع حليب النيدو ( أقصد كاس حليب بدياشور الصبح مثلا و كاس حليب نيدو بالليل أو أخلطهم مع بعض ؟؟)
إذا فشلت مرة أخرى في اني أجعلها تشرب الحليب هل أستمر في عمل وجبة سيريلاك او ميلوبا مع الحليب ؟؟؟
لمتى اضلني أعطيها سيريلاك الاطفال ؟؟ أنا مضطرة استخدم السيريلاك حتى اخلطه مع الحليب لاعوضها عن شرب الحليب
سؤال أخير : شو رايكم بالزبادي ياللي على فواكه و شوكولاه مثل المراعي للاطفال هل عادي لو أعطيها وحدة منه يوميا و لا بيأثر على السكر لأن زوجي خوفني قالي غلط هالاشيا ممكن تجيب سكر للاطفال ( اللهم احفظنا من المرض يارب ) هل هالكلام صحيح و بعدين عادي لو اعطيت بنتي شوربة كنور العدس او لأ ؟؟؟ و هل عسل العويد فعلا بيفتح شهية الاطفال و يقوي مناعتهم ؟؟
سامحيوني طولت عليكم بس والله بنتي افقدتني عقلي و الله نفسي أشوفها بتشرب حليب متل الأطفال بس الحمد لله و الشكر لله
بنات الله يرضى عليكم ريحوني الله يريح قلبكم و يسعدكم يارب
و كمان لو عندكم نظام غذائي لعمر السنة ( ملاحظة بنتي لهلا ما بتقدر تمضع ما عندها اسنان لساتهم في بداية ظهورهم )
مشكورين مقدما و الله يسعد كل من ترد علي و لو بدعوة لبنتي بان الله يعطيها الصحة و يحفظها من المرض و العين يارب
الله يخليلك بنتك وزوجك ويحفظكم من كل شر