انا بعد والله بنات دورتي 6 ايام وآخر دورة حملت فيها كانت 4/ 8/2006وعمر الحمل 13 اسبوع و3 ايام بس على كلام الدكتورة يبين في الألتراساوند 14 اسبوع ويومين مدري كيف ؟

على فكرة انا بقول لكم سالفة صارت لأخت زوجي وايد راح تستغربون منها:

تخيلوا انها تزوجت والدورة المفترض تجيها قبل العرس بأسبوع بس من كثر الإضطرابات والخوف ماجاتها الدورة والمسكينة تقول يوم العرس وهي لابسة الفستان كانت خايفة تجيها الدورة فلبست أولويز ثلاث حبات وفي الفندق تروح الحمام كل ساعة تشيك إذا جاتها الدورة لأن المسكينة كانت مزوجينها وهي عمرها 17 سنة يعني أول ماخلصت الثانوية زوجوها وتخيلوا تبارك الرحمن انها بعد زواجها بأسبوعين حملت وهي متوقعة تجيها الدورة وفجأة حست بتعب ودوخت عليهم في المطبخ قامت أم زوجها ودتها العيادة فبشرتها الدكتورة بحملها بس كان توه الهرمون وايد ضعيف يعني الحمل وايد صغير و في بدايته بس هي كانت مصدومة وقعدت تبكي حسرة انها ماتهنت بزواجها إلا أقل من شهر والسبب الثاني كيف حملت من غير دورة تقول ماخلت دكتورة ما تشيك عندها عن السبب شو تسوي المسكينة كانت صغيرة وتبي تظهر لها معجزة تقول التشخيص كان خطأ.

للعلم ولدها تبارك الرحمن الحين عمره 14 سنة يعني قبل 14 سنة البنت ماتشوف زوجها إلا بعد العرس في ليلة الدخلة
وحتى لو جاء يزورها اهلها يلصقون فيها اربعة أو خمسة من اخوانها مفتحين عيونهم وآذنهم زين يحليل المعاريس ماتسوى عليهم هالزيارة :22: خخخخخخخخخخخخ

والله كل مرة اسمع اهل زوجي يجيبون طاري السالفة جدام كل حد بس مدري شو تفسير هالحالة
"حمل من غير دورة شهرية"؟

الله يعطيكم الصحه والعافيه ياااارب على ها الردود

بس تصدقون الى الان مابرد قلبي

اكلم دكتوره نساء وولاده عشان ارتاح

توتي فروتي

الله يقومك بالسلامه يارب

اما سالفه اخت زوجك

فاصدقيني انهم لقو فرصه وماضيعوهااا:)

علينا ها الحركااااااات

:) :) :)

totah_frotah
اللي حصل لاخت زوجك عادي جدا ليش مستغربه
فيه حريم يرضعون وماتجيهم الدوره ويحملون
وماتعرف الوحده بالحمل الا من الوحام
ووحده اعرفها ماتجيها الدوره مادامت ترضع طبيعي
وتحمل من غير دوره وماشاء الله ما تحس بالوحام
وما يبان في تحليل الدم في المستشفى انها حامل
لدرجة ان الدكتورة تصرف لها حبوب تنزل الدوره
وهي في الشهر الثاني والحمد لله يجون عيالها سليمين
وحصل لها هالحمل مرتين
وتفسير الكتورة قول ان البويضه تتلقح قبل ما تنزل على هيئة دوره
وهذا تفسير الحمل من غير دوره
ومعروف طبيا
حتى الكبيرات في السن يعرفون هذي الحاله من الحمل

ياحبيبتي الحكاية مايحتاج لها
اللي صار انه البويضة توجد قبل الدورة وتلقحت قبل نزولها على هيئة دورة
وكلام نصفه الاخر يكفي عن الشرح