نجمه الاستغفار
سوي رياضة المشي وادهني بزيت زيتون اصلي واستمري عليها ولا تزعلي على نفسك
محبتكم لودي
محبتكم لودي
الجزء الاول من المشاركه:

حبيبتي بقولك شي مهم اهم من ان جسمك يصير حلو..

الثقه بالنفس !!!

لازم تكون ثقتك بنفسك عاليه جداً جداً لدرجه انها تنتقل لزوجك بالتأثير عليه..

و لا ماكان شفتي حريم ما تقدرين تشوفين وجهها و زوجها ميت عليها..

اذا انت نفسك مو مقتنعه بشكلك او جسمك ترى هالاحساس نفسه بيحس فيه زوجك..

لذلك لا تحاولين ابدا انك تتكلمين عند زوجك عن هالموضوع او تقولين انا مره دبه ..شكلي مبهذل.. اللبس مو حلو علي هذا اولا..

الشي الثاني حاولي تسوين دايت مناسب من غير ما تبينين لزوجك عشانك متضايقه من جسمك قولي ابغى احافظ على جسمي ( ملاحظه: حتى لو تمصخر عليك ما عليك منه قولي اي احافظ على جسمي شفيني كني البخت يا حلاتي اهبل .. ترى مثل هالكلام يرفع من ثقتك بنفسك و بنفس الوقت ينتقل لزوجك هالشي من غير ما يحس بطريقه غير مباشره تلاقين عقله الباطني يخزن انك حلوه و جسمك يجنن و يصير ما يتمصخر بالمرات الجايه)

فممكن تسوين اشتراك مع دايت سنتر يجيبون لك الاكل للبيت- او روحي لاخصائية تغذيه و خليها تسوي لك برنامج امشي عليه- او مارسي الرياضه و خاصه المشي لو 3 مرات بالاسبوع و هذي كلها ما تنجح الا اذا كان عندك اراده قويه .. ترى الدايت اللي يتسوى بسرعه ماله اي فايده خذي نفسك بالهداوه حتى لو استمريتي تخففين و تغيرين اسلوبك بالاكل لمده سنه او ثنين بس صدقيني نتائجه رائعه تدوم لفتره طويله..

الشي الثاني فيه كريمات مضاده للسيلوليت بس تراها مو سحر من تحطينها بتلقين النتيجه لأ.. يبي لها وقت ترى و برضو فيه لها نفع بتخفيف السيلوليت من المنطقه و بتتخلصين من اغلبه و بتحسين بفرق بشكل المنطقه ان شاء الله و احسن صوري نفسك قبل الكريم و بعد اسبوعين استعمال ارجعي صوري و شوفي فحاولي تجربينها على الاقل تنعم المنطقه بس اذا تبين نتيجه افضل لازم تسوي معها تخفيف للاكل و رياضه على الاقل 3 مرات اسبوعيا..

يعني حلو تسوين كل هذي الاشياء مع بعض بس اولها و اهمها الثقه بالنفس و الاراده..

من هذي الكريمات :

نيفيا عندها هذول الاثنين استعملتهم كلهم الاثنين ..
ما اقول لك تخلصت من السيلوليت 100 بالميه لأ .. بس المنطقه صارت انعم و كان فيه ( نوع من المطبات الصغيره في الافخاذ خخخ) هذي راحت الحمد لله و كمان ريحة الكريم حلوه مره..



و عندهم لصقات بعد


و فيه من ماركه لوريال بس للامانه ما جربتها عندهم نظام اسمه Loreal perfectslim فيه عندهم سيروم معه رول عشان تسوين مساج للمنطقه عشان يتوغل الكريم زي هذول




و فيه عندهم جل زي هذا و فيه واحد ثاني اخضر بس ماادري وش الفرق بينهم و يمكن بعد تختلف الوانهم و اشكالهم من دوله للثانيه


وعندهم بعد كريم و معه جهاز تحركينه بشكل دائري زي المساج عشان يتغلغل الكريم داخل المنطقه ما اقدر احط صوره الكرتون لانها مخالفه للمنتدى بس انت سوي بحث عليه هو من ماركه فيلبس اسمه Loreal perfectslim و بتشوفينها بس اقدر احط لك شكله من داخل الكرتون.. حطي هذي الجمله بقوقل الصور و بيطلع لك phillips L'Oreal perfect slim هذا هو



زي ما قلت لك انا جربت نيفيا و سعره كان مناسب تقريبا حاجه و اربعين ان ما خاب ظني فجربي تبدأين فيه كبدايه..

حلو انك تعرضين المنطقه قبل لمويه دافيه مايله للحار و بعدين تنشفين و تحطينه بشكل دائري و بعد حلو انك تحطينه قبل تمشين ( اذا رايحه تمشين مخصوص او رايحه الدوام او للسوق و هكذا) اقري التعليمات عليه و اتبعيها..

هذول ممكن يكونون مجرد حلول اذا ما تقدرين تروحين جلسات زي جلسات الـ LPG

انتظري الجزء الثاني :)
محبتكم لودي
محبتكم لودي
الجزء الثاني
شي ثاني احب انبهك عليه و انتِ ذكرتيه بمشكلتك اللبس
انا اشوف بصراحه ان الموضه معك صايره بس يبي لك تخارين بعنايه..
اهم شي تتجنبين الملابس اللي تجذب الانتباه للمنطقه اللي تحاولين تخفينها يعني اذا بتخفين اردافك لا تلبسين شي لازق عليها او قماش من النوع اللي يلزق او بنطلون او تنوره ضيقه و هكذا.. و حاولي تجذبين الانتباه للمنطقه العليا بوضع حزام تحت الصدر مثلا او بلبس الاكسسوارات الجذابه او تحطين حركه زي سكارف او اي شي يصرف نظر عن المنطقه السفلى و برضو لا تنسين تضبطين شعرك زين تسوينه كيرلي او تنفخينه (بف) مع وضع اكسسوار شعر خفيف و برضو المكياج اهتمي فيه .. كل هذي تصرف نظر عن اللي تحاولين تخفينه في جسمك و تعطي جذب قوي للي يشوفك.. و اهتمي باختيار القماش المناسب زي ما قلت لك يعني ابتعدي عن السترتش او الساتان مثلا الا اذا كان موديلهم كلوش..
ما عمرك شفتي بنات ممتليات و تقولين ما شاااء الله تجنن ( انا مروا علي كثير) كنت معجبه بلبسهم و شعرهم و مكياجهم و ما عمري ركزت على جسمهم .. حتى بعضهم لبسهم ما شاء الله تعرف تلبس اللي يناسبها..
و ما عمرك شفتي العكس تلقينها متحزقه تحزق لابسه لبس تقولين وش ذا و اذا بليتم فاستتروا.. ( انا ما عندي اعتراض عليهم) بس فيه ناس تشوفهم و تقول يا الله ما تعرف تلبس او تقولها وش ذا الثقه ( انا شخصيا تعجبني ثقتهم بأنفسهم) بس برضو كان ودي انهم ينسقون لبسهم حسب جسمهم و بيطلعون روعه..

ندخل باللبس:

اذا تلبسين بناطيل: فالقماش لون اسود بيكون حلو و رسمي للمناسبات او حتى للطلعه العاديه او حتى عند زوجك بالبيت.
برضو البرمودا القماش سترتش او قطن حلوه و لكن بشرط انك تختارين بلايز تكون فضفاضه لها قصه من فوق و طويله تغطي الخصر و الارداف و هذي الحين موضه..




برمودات عاديه بس عمليه و تفك ازمه ( اذا رايحه مناسبه حلو عليها بلايز كشخه و اذا بالبيت حلو عليها بلايز ناعمه كلوش)




لازم يكون بدولابك الوان اساسيه زي الاسود ( ملك الالوان) او الرمادي حلو بعد سواء بناطيل رسميه او فساتين و الحين الموضه زي ما قلت لك لصالحك بالنسبه للفساتين و البلايز.. هالطريقه تحل لك ازمه ترى مجرد اضافة اكسسوار ناعم زي بروش او عقد لولو حلو او ايشارب ( سكارف) كشخه و تطلعين روعه.. واذا بغيتي فساتين طويله خذي تكون لها قصه من فوق و كلوش شوي و نفس الشي للبلايز.. و هنا بعض الصور
محبتكم لودي
محبتكم لودي
هذا مثلا تحطين له حزام نحيف اي لون يناسب لون شنطتك – جزمتك و يطلع حلو



برضو البلايز فيه اللي مقدر اشرحها بجيب لك صور استني.
محبتكم لودي
محبتكم لودي
و فيه اكثر من هذا الموديل فيه اللي تجي واسعه من اولها لاخرها هذي حلو تلبسين عليها حزام تحت الصدر مو على الخصر زي ما قلنا تجنبي جذب الانتباه للمنطقه السفلى و هذا يصلح اذا كان ما عندك كروشه تطلعين روعه او من غير حتى.


و بحط لك صور لفساتين تصلح لك زي