حبيباتي القصة ومافيها اني دائما اسوي الكب كيك بس مايضبط معاي
مرة شفت بفتافيت كب كيك عجبني وراحت اختكم وطبقته...ماعندها وقت....والله من زود الفضاوه
المهم يابنات طلع خطيييييييييييير بمعنى الكلمة ومن اول تجربة ضبط معاي ماراح اطول عليكم اليكم المقادير والطريقة ولكن قبل ذلك صورة للتشويق والاغراء....حشا ماصار كيك
ها واش رايكم بالله ماكأنه جاهز؟؟ بلا خرط قولي المقادير
المقادير والطريقة
اصبع زبدة بحرارة الغرفة لازم
ثلاث ارباع الكوب سكر
ثلاث ارباع الكوب دقيق
بيضتين
ملعقة صغيرة بكنج بودر
تقريبا كاس شاي حليب سايل ممكن يزيد شوي انتي احكمي
كلها مع بغض اي نعم مع بعض لاتستغربون واخلطي لحد ماتمتزج تماما وهذا هو شكلها
و ادهني القوالب بزيت ورشيها بدقيق عشان يخرج بسهوله وماراح تطول في الفرن اول ماتشوفيها انتفخت من الوسط شغلي النار من فوق لحد ماتشقر ثم خرجيها ....نسيت مااقول اني حطيت على بعضها زبيب
وهذا شكلها يوم خرجت من الفرن شوفوا كيف منفوخة من الوسط هذا اللي كبر رأسي عند زوجي
وبعض من الخليط حطيته في الاكواب الورقية الصغيرة
اتمنى تجربونه وتقولوا لي وش رأيكم ومع السلاااااااااااااامة
بنت اصيلة @bnt_asyl_1
عضوة فعالة
يلزم عليك تسجيل الدخول أولًا لكتابة تعليق.
أم الذرابة
•
الصفحة الأخيرة