الحنونة2007

الحنونة2007 @alhnon2007

محررة ماسية

حبة البركــة للحمل ..موضوع قيم وحلو .. الله يرزقكم جميعا

تأخر الحمل

السلام عليكم ورحمة الله وبركاته ..

كل عام وانتم بخير يااخواتي ...

غالياتي كنت اتصفح في احد المنتديات وقرأت هالموضوع وحبيت افيدكم فيه ... واعتبرت هالموضوع كنز للأخوات الباحثات عن الحمل الله يوفقكم ويرزقكم يارب ...

والموضوع طويل شوي .. عشان هيك رح اقسمو نصفين مراعاة لبعض الاخوات الي مابيحبو يقرأو كتير ...

الجزء الاول : قصص الحريم الي استفادو من حبة البركة ..

والجزء التاني : الوصفة وطريقة استخدامها ...

الجـــــــــــــزء الأول :


السلام عليكم ورحمة الله وبركاته ...

انا اول مره اشترك بهالمنتدى مع اني من زمان وانا نفسي اشترك... حبيت ادخل عشان افيدكم بهالوصفه اللي ابد مارح تندمون انكم استخدمتوها لانها من جد شي عجيب ... ويبيلها يقين وصبر وانك توكلين امرك لرب العالمين ..
يعني مو تقولين بسويها اذا نفعت زين واذا مانفعت ماضرت ... لاااااا ابيك تكوني متأكده انها رح تنفعك
وان الله وحده هو الشافي المعافي ... وحتى لو ماصار حمل على طول رح تلاقي تغيرات في حياتك وجسمك غريبه ..... هي سهله وببداها معاكم خطوه خطوه ... وماارتجي منكم غير الدعاء لي بالشفاء والسعاده وان ربي يتوب علي ويغفرلي ويسعدني مع زوجي ....

اول شي بقولكم سالفتي ...

انا الحمد لله عندي عيال ولد وبنتين بس بعد بنتي الاخيره ماحملت واذا حملت اسقط على طول مااخذ شهر ونص مايمديه يمسك .... الحين بنتي عمرها 7 سنوات وانا مستغربه من وضعي رحت للمستشفى قالت لي الدكتوره مافيك شي ... ورحت لثانيه وثالثه نفس الكلام .... ماخليت احسن الدكاتره الا رحت بس مافي فايده كلهم يقولون مافيك اي شي يمنع الحمل حتى مقويات مانقدر نعطيك لان انتي اصلا بعض المرات تنزل معاك بويضيتين حتى كلوميد ماعطوني ....

رحت لوحده تمرخ معروفه عندنا ... وعانيت معاها لانها اول شي قالت معك تابعه واستمريت بالتمريخ بغيت اموت من الالم الين راحت التابعه وماااااااازلت مااحمل ....!!!!!!!

بكيت انهرت قلت يمكن هذي عقوبه صار ابليس يوسوسلي اليييييين رمضان اللي فات سبحان الله جاني يقين من الله ان اللي معي خيره وان ربي يبيلي الخير وان اكيد ان ربي يمتحني .... قوى ايماني وقوى عزمي وجاتني الدوره عادي مو مثل اول اتضايق بالعكس قلت الحمد لله وانا مبتسمه ومرتاحه ...

في شوال قابلت وحده وبالصدفه وعرفت اني ابي احمل فقالت لي وصفه وحسيت انها زينه فقلت بجربها ومن خلال الكلام عرفت ان في اكثر من وحده حملت بسبب هالوصفه بعد رب العالمين .. والمصيبه كلهم في العيله بس ماكانوا يدرون اني ابي احمل يحسبوني ابي ارتاح كم سنه ...

وحده صار لها 14 سنه ماحملت واستخدمتها بس شهرين وحملت بتوم
والثانيه جابت بنت وجلست 11 سنه واستخدمتها وحملت
والثالثه استخدمتها في البدايه صارت تحس باعراض غريبه طلع معاها نفس وعين واشوى طابت وحملت
ورابعه استخدمتها وطلع معاها سحر وطابت وحملت

فقررت اتوكل على الله واستخدمها ....
والله العظيم اني من اول مره حسيت بدوخه موطبيعيه بغيت اموت قلبي من قوة الخفقان احسه بيوقف والم في المبايض وغثيان ... اول شي قلت مارح استخدمها مره ثانيه بعدين تعوذت من ابليس وقلت باستمر وفعلا استمريت وثاني ليله نفس الشي المهم لمن جت الدوره وقفتها وبعد الدوره كملت والحمد لله جابت نتيجه ... وانا الحين حامل .... والله يتمم علي يارب ...
وطبعا في الحمل توقفونها ـــــــــ


*********************************************************

االجـــــــــــــــزء الثانـــي (الوصفـــــــــــة)

الحين بكتب لكم الوصفه بس ركزوا معاي شوي تكفون ....تراها سهله بس يبيلها دقه

اول شي واهم شي ... تحطين جنب سريرك علبه فيها حبه سوده ( حبة البركه ) ولازم تكون جنب السرير عشان كل ماجيتي تنامين تشوفينها وماتنسينها لانها لاااااازم كل يوم مو تتكيسلين ...
قبل النوم اتوضي وضوء عادي وضوئك للصلاة وخذي بس 7 حبات من حبة البركه 7 بالضبط لاتزيد ولاتنقص وتبدين باول حبه ..... تقولين

..... ((( بسم الله والحمد لله ))) وتحطين الحبه في فمك وتبلعينها وتدعين الدعاء اللي تبينه مثلا بالحمل والخلقه السليمه او بتوم وان الله يطرحلك البركه فيهم وبالشفاء ... ادعي اللللللي تبين ...
بعدين تحطين في فمك ثاني حبه ونفس الشي تقولين ((( بسم الله والحمد لله ))) وتبلعينها وتدعين ..
ونفس الشي الين تخلصينهم كلهم ... خلي جنبك كاس مويه انا استخدمت زمزم اذا حسيتي ان الحبات ماانبلعوا خذي شوي مويه المهم اذا بلعتي الحبات كلهم اشربي نص كاس مويه او كاس اللي تبين وعلى طول انسدحي ونامي ....

ترا الوصفه سهله .... وانا ماخليت وصفه غاليه ورخيصه مااستخدمتها بس مانفع معاي الا هالوصفه

ادعولي تكفون والله اني ماابي منكم الا الدعاء وانا بس مااشتركت الا عشان افيدكم وانزل تجربتي وبروح لمنتديات ثانيه وانزل نفس الموضوع ابي الكل يستفيد ويفرح مثل مافرحت


الموضوع منقول من منتدى عروس ... ادعوا لصاحبة الموضوع الاصـــلي والي نقلتو وانا طبعا:icon28::26:




20
172K

يلزم عليك تسجيل الدخول أولًا لكتابة تعليق.

تسجيل دخول

وحدك أبيك
وحدك أبيك
مشكوره والله يتمم حملك على خير
ام سعوووددي
ام سعوووددي
يعطيكى العافية وتسلمين
جبن حامض
جبن حامض
الله كريمم
*ملاذ*
*ملاذ*
مشكورة على النقل لكن صاحبه الموضوع منزلته هنا قبل فتره
احساس قلبي
احساس قلبي
ربي يسعدك ويحقق لك مناتك

كملي :)