حل للبشره الجافه (:

العناية بالبشرة

مرحبآآآ صبايات

شخباركم ..؟؟

طبعا هذا اول مشاركه وموضوع لي بالمنتدى

وبصراحه انا حبيتكم كثير وياما استفدت منكم ... فقلت ما ابي اكون نذله اخذ وما اعطي

.

.

.


مره كنت رايحه لدكتوره جلديه عشان الجفاف بسبب الغسولات اللي استخدمها

وعطتي كريم ريحته مرره جنان اسمه درماجورDermagor

الكريم يدوم لـ 7 - 8 ساعات تقريبا وتستخدمينه يوميا مره وحده او مرتين اذا كانت بشرتك مره جافه

مكوناته (( كولاجين بحري وغليسرين وزيت الفازلين ))

وطبعا الكريم تقدرين تستخدمينه مع الريتن اي او الكريمات اللي تسبب جفاف للبشره وتعالج الحبوب

والشي اللي احلى من هذا كله انه ما يسبب حبوب ولا الزيوان (( رؤوس سوداء ))

ايه وحتى اللي بشرتها دهنيه تقدر تستخدمه وهي مرتاحه

طريقته انك تفردينه على بشرتك او المكان اللي جاف بدون ما تدلكينه يعني خلي بشرتك تمتصه لحالها

وهذا الكريم كنت استخدمه في الشتاء انا بشرتي دهنيه مختلطه وتعرفون وقت الشتاء اعوذ بالله البشره مره تروح فيها

يعني يصير فيها قحط حتى لو كانت دهنيه بس مع الكريم هذا بشرتي ما عاد تنشف << كأني اسوي دعايه :hahaha:

وفي الاخير هذي صورت الكريم :





ثاني شي كريم اسمه SECALIA A.H.A من ISISPHARMA

هذي الكريم المفروض اي وحده بشرتها جافه جدن جدن ما تستغنى عنه بتاتا البته

الكريم هذا يابنات كريم مرطب للجسم بخلاصه احماض الفواكه وزبدة الكاكاو

وبرضوا اخذته من دكتوره جلديه قلت لها اني اشتكي من حبوب في ظهري واثار بسبب والله اعلم عين

عطتني الكريم وقالت ادهن المناطق اللي فيها اثار منه مرتين باليوم بس تعرفون العجز وما يسوي

وسألتها اذا اقدر استخدمه لـوجهي او لا قالت عادي بس برضوا العجز وما يسوي :hahaha:

المهم يابنات ترا الكريم هذا مره رهييييييب بس عيبه ريحته مو حلو

بس لا تخافين بعد ما تحطينه بدقايق على طول تروح الريحه

اذكر مره ان بطني صار فيه جفاف لدرجه ان الجلد كان يتقشر وحتى لما اغير ملابسي اشوف الجلد على الملابس

يعنيي كأنه يتفتت .. طبعا ماخليت شي ما استخدمته من زيت بيبي جونسون حق الاطفال زيت اللوز وجنين القمح

بس ما في فايده بعدها تذكرت هذا الكريم الي صارله فوق 4 اشهر بالدرج ما استخدمته

بعدها اخذت شور ودهنت المنطقه منه والله ثم والله يابنات بعد كم يوم التقشير والجفاف بح ما عاد فيه الا شي بسيط

مع اني ما استخدمته الا مره وحده ... وحتى اتذكر من كثر ما كنت اغسل وجهي بالغسول جفت بشرتي

قلت مالي الا هالمسعف :icon20: ودهنت بشرتي ونمت وصحيت وغسلتها ولا كأن بشرتي امس جافه

من جد هالكريم فضيييييع وسعره حول 170 شريته من صيدليه المستشفى وبعد شريته ثاني لقافه على بالي ان الاول انتهي من الحبيب واتوقع تلاقونه بالنهدي


وهذي صورته :






على فكره ماركه الكريم الثاني فيها منتجات كثيره منها واقي واشياء تبيض وبعد فيها حق البشره الجافه و .. إلخ

بس ما جربت اي شي منها غير الكريم هذا وهي طبيه ميه بالميه



بنات ما ابي منك الا الدعاء ان ربي يوفقني وينولني اللي في بالي


14
22K

يلزم عليك تسجيل الدخول أولًا لكتابة تعليق.

تسجيل دخول

آلحان الشوق
آلحان الشوق
]
جل وخل
جل وخل
الله يجزاك خير ويحقق اللي تتمنين

بس اذا ممكن سعر الاول وهل ينفخ الوجه بسبب الكولاجين؟

وهل الكريم الثاني يبيض لان في تركيبته احماض فواكه؟
NightMist
NightMist
الله يجزاك خير ويحقق اللي تتمنين
قلــ أحمـــر ـــم
]
]
الله يسلمك حبيبتي ..
قلــ أحمـــر ـــم
الله يجزاك خير ويحقق اللي تتمنين بس اذا ممكن سعر الاول وهل ينفخ الوجه بسبب الكولاجين؟ وهل الكريم الثاني يبيض لان في تركيبته احماض فواكه؟
الله يجزاك خير ويحقق اللي تتمنين بس اذا ممكن سعر الاول وهل ينفخ الوجه بسبب الكولاجين؟ وهل...
بالنسبه لسؤالك الاول لا ما لاحظت انه نفخ الخدود

بس يمكن مع الاستمرار لاني ما احطه كل يوم لان بشرتي دهنيه


اما سؤالك الثاني ماشفت بياض لاني ما استخدمته الا 4 مرات

وعلى فكره الدكتوره كتبت لي مو عشان الجفاف كتبته عشان اثار الحبوب

واتوقع انه يفتح البشره يعني مو يخلي السمرا بيضاء لا يفتح الاماكن الغامقه

طبعا انتي جربيه لمده شهر ومرتين باليوم وان شاءالله يفيدك