فتفوته ستور

فتفوته ستور @ftfoth_stor

كبيرة محررات

مشاركتي في مسابقه عنايتي ببشرتي( العنايـه المغربيه المتكامـله)>>إنتهت المسابقة <<

العناية بالبشرة

بسم الله الرحمن الرحيم

كل عام و انتم بخير

حبيت اشــارك بالمسابقه بعنايتي الخاصه والمميزة

وحتى لو مــافزت اتمنى اكون افدت البعض منكم

واي استفســار انا حــاضرة

اشياء مهمه اسويها للبشره:
-اشرب الماء بكميات كبيره
- اشرب شاهي الاعشاب(زنجبيل زهورارت اكليل الجبل شاهي اخضر قرفه بابونج,,)
اشرب يمكن3 الى 5مرات باليوم


-اكل الخضروات خاصه البقدونس مره مفيد للبشره
-عدم العرض لاشعه الشمس اثناء وضع اي كريم او حتى مستحضر طبيعي
لانه راح يؤدي لنتيجه عكسيه
-الملابس القطنيه

الان
راح اتكلم عن عنـــايتي اليوميه والاسبوعيه

للمجموعه المغربيه



سميتها مغربيه لان اغلب الاشياء الي استخدمها منتجات مغربيه

الي لاحضت تغير كثير في نقاء وصفاء بشرتي بعد المداومه عليها

وتذكروا جمال اي بشره لا يكمل الا بالمحافضه والاستمرار

معلومات عني

العمر:23 عام
نوع البشره: من دهني الى عادي
مشكله البشره: بشرتي حساسه جدا ماتتقبل اي كريم
على طول تلتهب وهذا السبب الي خلاني الجــأ للمستحضرات الطبيعيه
الصراحه ممتازة وافضل من غيرها

يالله نبدأ بـــ عنيــايتي

العنايه اليوميه

1- في الصباح اغسل وجهي بصابونه حليب الماعز
( صابونه مصنوعه من حليب الماعز ممتازة ومافيها رغوه ابدا وتساعد على تفتيح ونظاره البشره)



وبعدين ابخ على وجهي ورقبتي ماء الورد مع العكر العفاسي
(ماءالورد رائع لنظاره البشره والعكر العفاسي ليعطي البشره لون وردي فاتح)


هذا العكر العفاسي تحطي مره شويه عشان لايثقل اللون



وبعدين بعد ماينشف ماء الورد احط كريم اللوز او الاركان من تحت لفوق بحركه دائريه
(الكريمات هذي طبيعيا مافيها اي مواد حافضه ولازم ماتنحط اليد فيها)
كريم الورد رائحته رائعه ويعطي نعومه ونطارة
وكريم اللوز لمعالجه مشاكل البشره وتوحيد اللون
كريم الاركان شد وتوحيد لون البشره



2- عن الاستحمام استخدم صابون حليب الماعز المبشور والليفه العاديه وبعدين انشف جسمي وابخ كامل الجسم من بخاخ ماء الورد والعكر
واخليه لين ينشف واحط زيت اللوز او الاركان على كامل الجسم مع التدليك الخفيف




3- اذا كنت بسوي رياضه اسخدم كريم الزنجبيل
(الزنجبيل-كريم عادي-خل تفاح-زيت لوز)
ويكون المكان حار عشان يتفاعل مع الجسم

4- قبل النوم اغسل وجهي بصابونه حليب الماعز واحط كريم الوررد على الوجه والعنق واسوي مساج للوجه بحركه دائريه
وادهن رجولي فازلين مع شوي عكر والبس شراب واناااااام
الشراب عشان يخلي البشره تتشربه وتصير ناعمه زي رجول الاطفال

5- المنطقه الحساسه
( عند استخدام اي مقشر او كريم للمنطقه يفضل استخدام اندروير البيبي دول عشان لايصيرتسلخ للمنطفه ولا تكون الملابس ضيقه عشان لاتترك اثار اطراف الانر وير خاصه عند فتره العنايه )
استخدم غسول

وكريم سينسي كلير ممتـــاز مو بس للمنطقه الحساسه لكل الجسم ونتأأئجه رووعه
لانه يساعد على توحيد لون البشره وغير ريحته الحلوة انا لي شهرين استخدمه من جد روووعه
الصابونه مرتين بالاسبوع فقط(لانه تعتبر مقشر للمنطقه)



6-بالنسبه لمزيل العرق استخدم
(ماء ورد مع كريم الورد مع بودره اطفال )
اخلطها مع بعض وتصير زي الطين مره ثقيله
والله ممتازة واحسن من مزيلات العرق

يتبع لتكمله العنايه الاسبوعيه


:26:
204
37K

يلزم عليك تسجيل الدخول أولًا لكتابة تعليق.

تسجيل دخول

فتفوته ستور
فتفوته ستور
العنايه الاسبوعيه

طبعا كل اسبوع اسويه صح متعب ويأخذ وقت بس النتائج تريح


اول شي اجهز جهاز الساونا

وعلى مايصير حار

ادهن جسمي بالكامل بزيت السمسم او الاركان او اللوز

(لان الزيت يساعد على ترطيب الجسم واول ماتنفتح المسام يمتصها الجسم)

واسوي مساج لشعري بزيت اللوز الساخن



(لازم تسوي مساج وانتي تحطي الزيت للشعر عشان المساج يساعد على امتصاص الشعر للزيت)









بعدين ادخل الساونا واجلس داخله يعني ماطلع راسي منه

جسمي كله يكون بالداخل

(لان خطر يكون الراس بدرجه حراره والجسم بدرجه حراره)







واجلس 10 دقايق لين احس ان جسمي صار حار ولونه احمر

واتفتحت المسام

اطلع وادهن جسمي

بــ الصابون التونسي(( وممكن استبدله بالصابون المغربي))

بس الصابون التونسي يعجبني لانه يعطي نعومه ولون للجسم مره حلو

( فيه منه انواع كثير بس انا افضل الاحمر)
فيه الخزامى والعكر والورد والبابونج والنيله
















وقبل لاادهنه اكون مسخنته على النار ومعاه ليمون واحطه على جسمي وهو تقريبا حار

وبعد مادهن كامل جسمي ادخل للساونا ثاني واجلس 15 دقيقه بدون دعك الجسم





واطلع من البخار واجيب الليفه المغربيه وليفه الظهر وحجر للرجول وابدا اليف كامل جسمي وظهري والرجول بحركه دائريه عشان الجلد الميت







وبعدها اغسل جسمي من الصابون بالكامل واغسل الليفه وادخل البخار

وابدا اليف جسمي بالليفه فقط من غير مايكون صااابون في جسمي ابدااا

عشان الجلد الميت كله يروح مررره ياالم بس مو مشكله








وبعدها اطلع واغسل جسمي وانشف منه المويا بالمنشطفه

واسوي الطمي مع ماء الورد وزيت الورد واحطه على كامل جسمي

( رووووعه يخلي الجسم نااااااااااعم لأيام وفيه ناس يستخدموه لشعرهم ينعمه بس انا شعري ناعم فمايحتاح)

اخليه 10 دقايق على ماسوي ماسك الوجه













وهذا للوجه روووووعه








واوقات هذا





وبعدها اغسل جسمي بالماء الفاتر فقط

وبعض الاوقات استخدم ماسك العسل مع اللوز
(لوز حجازي مطحون مع حليب بودر وعسل)

وخلاص كذا خلصنا الحمام المغربي وبعدها الجسم نعومه وبيااااض وراحه
غير طبيعيه




واحساس النعومه رااااائع



وبعدها اشرب كاستين مويا لان بعد الساونا والبخار يفقد الجسم الكثير من السوائل







اول ماخلص من الحمام المغربي اغسل الليفه والحجر
واحطه بالشمس عشان ينشف


وبالنسبه للعنايه بالشعر
انا شعري دهني ماحطله له زيت ولا كريمات
مره وحده مع الحمام المغربي احط زيت
ومرتين بالاسبوع احط صبااار طبيعي للشعر
لانه ينشف الشعر ويغذيه

طبعا هذيه نبته الصبار ماشاءالله سنين وهي عندنا
كل ماحتاج اخذ منها




واخذ خلاصتها واحطها بشعري بالفروة فقط لمده 40 دقيقه بعدين اغسل شعري بالماء البارد فقط



والاسنان
بالاضافه الى العنايه اليوميه
استخدم معجون مبيض كل اسبوع مرتين
وليمون لدعك الاسنان قبل النوم
وتنظيف الاسنان كل 6 الى 8 اشهر عند الدكتور


وازاله الشعر
مااستخدم الامااوس ابدااااا
انا اسوي الحلاوة بنفسي بالبيت مكوناتها
(سكر وميرندا وليمون)
على النار لين تثقل واول ماتدفى استخدمها
(( والي يقول الحلاوة تسبب ترهل ومشاكل ,, لازم ماتكون قطعه الحلاوة كبيره يعني خذي قطعه صغيره وشيلي جزء جزء ))

وبعد الحلاوة استخدم الثلج وزيت اللوز والسكر


العنايه بالقدمين
مع جهاز تدليك الاقدام( الجاكوزي) يمع الاستمرار يخلي القدمين ناعمه جدا


اول شي اغسل رجولي بالماء والملح
وبعدين احط زيت اللوز وملح وماء ساخن وفكس
واحط رجولي داخل الجهاز نص ساعه
الصراحه استرخاااء غير طبيعي وراحه
ونعومه ولا اروع
واذا خلصت اسخدم فازلين او زيت الاركان وابدأ اشيل الجلد الميت حولين الاصابع
بمقص الاظافير والمبرد
والبس شراااااب



وتقريبا كل 3 ايام استخدم الكريمات المعطره وماحطها على المناطق الحساسه
واهم كريم واحلى كريم بالعالم
كريم الور من شانيل




الحمام المغربي ليس فقط للجمال

بل المحافظه على الصحه

( تعريض الجسم للبخار مما يساعد على التخلص من السموم وتنشيط للدوره المويه وتجديد الخلايا وازله الخلايا الميته )


اتمنى ان عنايتي تعجبكم وكانت خفيفه عليكم



ومشكورين ياحلوين
ماتهـــــــاب
روعه


موفقه عزيزتي


بس العكر الفاسي سمعت انه يسمر!
اماني حالمه
اماني حالمه
يسلموووووووو ع الموضوع يااعسل يعطيك الف عافيه ع المعلومااات الاكثر من رائعه وبنتظارك
فتفوته ستور
فتفوته ستور
روعه موفقه عزيزتي بس العكر الفاسي سمعت انه يسمر!
روعه موفقه عزيزتي بس العكر الفاسي سمعت انه يسمر!
هلا قلبي

العطر العفاسي ماينحط بكميات كبيره لانه فعلا لوكثر بيغمق

يعني مره شوووووي براس الملعقه عشان يعطي اللون المطلوب
تألمت لكن ماتعلمت
الله يوفقك