المي كبير

المي كبير @almy_kbyr

عضوة نشيطة

الله يجازيكم برضاه والجنه انصحوني

الأسرة والمجتمع

السلام عليكم انا حابه أستشيركم أخواتي مرة ثانيه مع زوجي الراح يجنني الشمالي الشرقي المهم من امس وأنا تعبانه صحتي وهو كان مهتم بالأول واشتري لي كم غرض بعدين طنش وما سألني وأنا اهم شئ وأنا مريضه عندي انه يحسسني أني أهمه ولا عبرني طول الليل وانا اليوم الصبح قلت له بهدوء ممكن اسالك سوال وباختصار لو سمحت لاني تعبانه انت ليش ما بتسالني عن صحتي انا مش زوجتك انا عارفه انه غلط اسال الشمالي بس والله انقهرت وعصبت المهم قالي لي انت قلتي أجابه مختصره فاجابتي لك أني لا اهتم قلت له انت قلت انك ما يهمك فأجابه مختصره أو غيره النتيجة واحده انك قلت انه ما بيهمك قال نعم ما بيهمني فانا عصبت وقلت له انت أصلاً متغير والله اعلم شو مغيرك في شي جديد في حياتك في شي متغير وقلت له مش قصدي حرمه جديده لان انا ولا يهمني لو تعرف عشره حريم ما يفرق معي وهو طبعاً يهمني بس قلت كدا من القهر فرد علي بكل ألفاظ الأرض وقال لي إنت بتستفزيني وعصب علي وقال لي لو مرة واحده فتحت فمي معه انه ليترك البيت نهائياً وقال لي ولا كلمه معي للأبد والله روحي طلعت منه ومن عصبيته ولسانه المهم أخذ الأولاد وطلع وللحين ما رجعوا وقال لي قبل يطلع انه إذا رجع ورديت حكيت معه بأي موضوع راح يترك البيت ويخرج ويتركنا وهو يعملها اعرفه انا اي مشكله يكبرها كبر السما والارض ساعدوني أخواتي شو الحل إذا عندكم خبره وإذا ما عندكم نصيحه أدعو لي ربي يسخره لي ويرده للحلم العظيم ألهو ما يعرفه نهائياً 
29
3K

يلزم عليك تسجيل الدخول أولًا لكتابة تعليق.

تسجيل دخول

بنت المدينة ^^
بنت المدينة ^^
والله مآادري ايش اقولك مااقول غير الله يهديه ويسسخره لك ..
المي كبير
المي كبير
الله يهدي ازواجنا جميعاً مشكورة أختي 
دمعة غلآ
دمعة غلآ
الرجل غالبا يبين بالافعال يعني لما اشترى كم غرض هذا هو تعبير عن اهتمامه اكتفي فيه
لاتستدري العطف منه خاصة وقت المرض
ولاتفكري بهالشي لما تكوني تعبانة
عاارفة ان طبيعتنا نهتم بالمشاعر لكن لو الزوج ماعبر امووت نفسي لااا قوي نفسك
وخليك وااثقة انه يحبك لكن مايعرف يعبر
لاتعطي الموضوع اكبر من حجمه
خلالاااص لاتناقشيه

وصراحة باقي كلامك قوي انا استغربت اشلون زوجك
طنشيه لاتدققي ع اي شي بتتعبي
ولاتنسي الدعاااء كل وقت
وتذكري ايجابياته اكيد فيه ولوصفة وحدة حلوة صح فكري فيها
واتأكدي الزوجة بتوترها توتر البيت كله
ليش نخرب على اطفالنا لانهم يفهموا ويلاحظوا وطبعا يتأثروا

تبين نصيحتي بعد فترة لما تهدي ابيك تعطيه ساعتين من وقتك بعد نوم الاولاد
ممكن فاقد اهتمامك لانشغالك بالاولاد وانعكس عليه بالعصبية
اهتمي اكثر بالكلام الحلو ممكن يتعلم منك
اكتبي بالقوقل دورة الذكاء العاطفي عالم حواء
حلووة استفدت منها ممكن تفيدك
الله يسخره لك ويألف بينكم
المهــــــــــاااا
طيب اول شي شيلي من بالك شمالي شرقي وهالخرابيط لاني بجد أحسها خرابيط

كل رجال له تربيته ومكانه وشخصيته ماتقدرين تحكمين على شخص وتحطين شي في بالك وتصدقينه

ثاني شي يعني تعبانه وحالتك الصحيه مرره وحاطه دوبك دوبه ليه ماسالني ...براحته يعني لاسئلك وش بيتغير...

يمكن طبع زوجك ماايحب يصرح بمشاعره وكثير فيهم هالصفه ...خلاص هذا طبعه لاتهتمين...

لاتسوين من الحبه قبه ... وحاولي تفهمين زوجك وتفهمين طبعه عشان تقدرين تسولفين معه تعاتبينه باسلوب اللي يناسب

شخصيه زوجك مو شخصيه شمالي ومدري ايش...

المرأه الذكيه اللي تفهم زوجها وتفهم نقطه ضعفه وتفهم كيف توصله اللي تبيه بطريقته موطريقه غيرها...

العصبي اكيد له مدخل اقدر اتحاور وياها ...

الله يسخره لك يارب ويهدي سركم
نوور عيني1
نوور عيني1
الله يسخرة لك