aomroena :

فيصل واماسي كانوا ساكتين طول الطريق ولاحد فيهم تكلم او حاول يتكلم وكان فيصل مركز على حركه اصابع اماسي اللي كان باين عليها انها متوتره <<<ببيت ابومحمد******** جاوا مروه ومشاعل ودلال وام محمد مع ابو محمد اللي راح بسرعه لغرفته ونام وكانوا هم اخر الواصلين بعكس ام عبدالله وحصه اللي طلعوا مع محمد وقعدت ام محمد وبناتها مع مشاعل بالصاله يحشون بخلق الله (ياسبحان الله تجمع الشر على بعضه) مروه: انا ماقهرني الا ذيك المايعه اللي يقولون اسمها العنود شفتوا شلون الحريم قعدوا يتكلمون عنها وكانها احلا مني (مروه والعنود ملكات جمال بس مروه الكل تعود على جمالها لانها دايم تتكشخ وتتمكيج وبكل مناسبه رازه وجهها واما العنود فكانت اول مره تتمكيج وسحرت الجميع) مشاعل: تخسى الا هي هالفقيره دلال:خلينا من هالفقيره الخايسه الا شفتوا اماسيوه الكلبه طالعه حلوه الله ياخذها المفروض انا مكانها مروه: المفروض تفهمينها من الاول يعني الولد خطب اماسي مليون مره ورفضته وهو متمسك فيها يعني ياغبيه كان فهمتيها ام محمد بصراخ: مررررووووه وبعدين اختك فيها اللي كافيها دلال: الله ياخذها الحيوانيه الحين تتهني بفصولي وانا قاعده هنا مشاعل بضحكه خبيثه: ههههههههههه ليش انتي خليتها تتهنى الحين تلاقينها هالخبله قالبتها منااااحه مروه وهي فاطسه ضحك: هههههه والمشكله انها بتصيح وبيطلع وجهها على حقيقته من غير المكياج مشاعل: وبقول وع وش هالوجه واللي كلمتني بالعرس توا احلا منها دلال وهي مستانسه: يعني اضحك ماابكي ام محمد: وليه تبكين الا المفروض تخططين كيف ترجعين فيصل مروه وتقول بخاطرها: ( ماطير الرجال الا خططك الفاشله ) طيب مامي انا جوعانه وماتعشيت خلونا نطلب من المطعم مشاعل: أي مطعم اللي فاتح لك السـاعـه 4 الفـجـر؟ دلال: روحي قومي الطباخه والا اقولك هذي طباخها مو حلو قومي هالعانس خلينا تسوي لنا عشان مروه: وليه ماتقومين انتي؟ ام محمد: مروه اسمعي كلام اختك الكبيره وقومي مروه بزمره : اووووف حاضـــر وتروح مروه لغرفه حصه وتدخل بدون استئذان وبدون حتى ما تطق الباب وتدخل تشوف اختها تصلي وتصيح مروه بزمره: هااااي انتي شفيـك تصـيحين حصه: ولاشـي مروه: بالطقاق اصلا انتي من قالك ان صياحك يهمني اكيد الحين تدعين ربك يجيب لك معرس من تحت الارض حصه: تكلمي بـأدب ولاتنسـين اني اختك الكبيره مروه : اقول تلايطي وروحي المطبخ بكرامتك لا اناديلك امي توديك المطبخ بكف محترم وسوي لنا عشاء حلوو فاهمه وبسرعه وتطالعها من فوق لتحت وتروح حصه: الله يسامحك يايمه.... بس حصه ماهمتها حركه مروه لانها متعوده عليها انها تسب الجميع حصه كان همها الكبير ان الله يسامحها لانها كشفت على واحد من اعيال عمها صحيح ماكانت قاصده وهو كان يقز فيها بس هالشي مايخليها من مسؤوليه الاثم اللي اكستبته وراحت المطبخ تسوي لهم عشاء <<<بـــالــــفـــنــــدق******** دخلوا فيصل واماسي سويتهم واماسي كانت واقفه وترتجف وخايفه وماهي بعارفه شتسوي او شتقول وفيصل وكان مبلم ويتأملها قطع فيصل الصمت وقال : انا رح اطلع برء عشان تاخذين راحتك باللبس وطلع خافت اماسي وماعرفت شتسوي وتوهقت وراحت عند شنطه ملابسها واخذت قميص النوم اللي حست انه اكثر حشمه من غيره ولبسته وكان قميص ابيض وشفاف ومحتشم الا انه كان حفر بس مطلع جمالها وانوثتها وشوي ويدخل فيصل وابتسم يوم شافها قاعده وقالها عن اذنك شوي وراح يبدل ملابسه واتصل بالهوم سيرفس يطلب لهم عشاء وقعد جمبها بنفس الصوفا وهي ماحاولت تتكلم ولاكلمه ومنزله عيونها للارض فيصل وهو مبلم ويطالعها قطع فيصل الصمت وقال:ابي اعرف وش اللي موجود بالارض ومو موجود فيني؟ اماسي:............... فيصل حط يده عند دقنها ورفع راسها وقال: شفيك يالغاليه؟ اماسي:..................... فيصل: اماسي حبيبتي تكلمي ليش ساكته ودي اسمع صوتك دمعت عيون اماسي وانقهر فيصل : افااااااااا ليه هالدمعه يااماسي ليه؟ اماسي: ................... فيصل بمرح: اخاف بس عمي قص علي وعطاني بنته طرماء اماسي بدون شعور: لا والله راح فيها فيصل: واخيرااا تكلمتي وسمعتني صوتك انحرجت اماسي فيصل: اوعدك يالغاليه ماتنزلين دمعتك مره ثانيه ابدا الا اذا كانت دموع فرح كبر فيصل بعيون اماسي اكثر واكثر لدرجه انها نست دلال وكلامها وقالت: مشكور يافيصل فيصل: العفو ياعيون فيصل وتجرأ ومسك يدها وقال: كلميني عن نفسك اماسي: امممم مااعرف انت اسألني وانا اجاوب وشوي الا ويدقون الهوم سيرفس عصب فيصل وتمنى انه مااتصل عليهم وقال لها: عن اذنك يالغاليه ودخل العشاء وقال لها : وش رايك نكمل الكلام وحنا نتعشى انحرجت اماسي لانها رح تتعشى وهو يطالعها وقالت: لا ماله داعي انا مو جوعااانه((كذاااابــه)) فيصـل: طيب انا جوعان ومارح اكل الا لما تاكلين وياي وتأكليني بعد يرضيـك تجوعيني اماسي قالت بخاطرها((شفيه هذا مره جرئ)) وقالت له : طيب الحين بجي وقعدوا يتعشون لين شبعوا وبعدها ناموا ^_^ <<<اليوم التالي ببيت ابو سعود>>> كانت دانه قايمه من الصبح وفاقده اختها وقعدت بغرفتها تتأمل اغراضها وتطالع غرفتها شوي وتصيح ويجيها سلطان سلطان:هلا دندون دانه: هلا سليطن سلطان وحس ان اخته متضايقه من فراق اماسي: دانه شرايك تنزلين تحت الكل متجمع لان اماسي رح تجي بعد شوي دانه وتغيرت ملامحها: اماسي يلا وش تستنى قدام ونزلوا وبالصاله بو سعود: دام زواج اماسي والحمدلله الحين جاء دورك عشان نخطب لك بنت عمك سعود: أي بنت عم بوسعود: حصه بنت عمك صالح شفيك ليكون هونت سعود: ماهونت بس ام سعود: خل الولد على راحته ياعبدالله ابوسعود: لا والله يختار البنت ويبيها وبعدها يقول لا خير ان شاء الله بنت عمه مو لعبه عنده سعود: انا ماقلت كذا يبه بس وتتدخل دانه (يقال لها بتلطف الجو): لا بس ولاشي ياسعود حصه تراها جنان انت ماشفتها امس مع فستانها الليموني طالعه جناان ويقول بخاطره(هي اكيد اللي امس)) ويغمز لدانه: كانت كاشخه دانه: أي كاشخه بو سعود وهو معصب من برود ولده: وش الكلام ذا تبيها والا لا سعود: أي يبه ابيها مو عيال عبدالله بن صقر اللي يردون بكلمتهم كلم عمي يايبه وتوكل على الله بوسعود: ونعم الراي ياولدي سلطان ومسوي زعلان: وانا ليه ماتخطبون لي؟ ام سعود:اذا راكان اللي اكبر منك ماقال شي تجي انت وتقول ابي اتزوج سلطان: لا موشرط هذي اماسي تزوجت قبل سعود مع انها اصغر منه بوسعود بحزم: اماسي بنت وجاها نصيبها ولاتنسى ان بوسعود كان متزوج قبل يعني هو قبلها وبعدين المسأله مو مسأله قبل وبعد انا نويت ازوجكم وماتاخذون الا من بنات عمكم سلطان : شمعنى يبه وليه ماناخذ من برى بوسعود: أي عشان الغريب يلعب بحلال بنات عمكم ماتاخذون الا بنات عمكم وبس وتتدخل ام سعود: بس يابو سعـ بوسعود: لابس ولاشي سكتت لك اول مره وخربتي على هالمسكين حياته وضيع سنين من عمره مع وحده تافهه وسطحيه والحين بعد تبين تخربين على الباقي مالهم الا بنات عمهم وبس وحتى دانه مارح تاخذ الا واحد من اعيال عمها الكل تفاجأ من رد ابو سعود وسكتهم وخلاهم مذهولين ويطالعون فيه لانه ولاول مره يعاند مرته ام سعود بس الظاهر من جد طفح الكيل واللي تضايق اكثر شي هو راكان لانه مايحب يتزوج بالطريقه هذي بس اللي ماتعرفونه عن راكان هو انه هادي بس رومنسي حيل ويتمنى انه يتزوج وحده يحبها وتحبه <<<ببيت ابو فيـصـل ******** كانوا رنده ونوف قاعدين بالمطبخ يسون حلا عشان جيه فيصل اللي ينتطرونها نوف: اوكي خلاص الحين بحطها بالفرن وبجي رنده: والله انك طباخه ممتازه بس تتوقعين انها تطلع حلوه نوف: انتي شرايك؟ رنده: بصراحه بتطلع حلوه لانها منك ولانك ولامره سويتي لنا كيكه بايخه....ويدخل نايف نايف: مرحبا بنات البنات: مرحبتين نايف: وش هالريحه الحلوه رنده:هذي نوف مسويه كيكه نايف: شعندها رنده:عشان جيه فيصل نايف: ليه مادريتوا نوف:عن شنو؟ نايف: فيصل مارح يجي عالغدا ابوي رح يسوي له عشاءبالاستراحه رنده: يووووه بس هو ماقال ان فيصل بيتغدى عندنا نايف: واماسي قالت لاهلها انها بتتغدى عندهم وابوي قال مره وحده نسوي العشا بالاستراحه عشان الكل يجي نوف: الكل مين لاتقول بنات عمي صالح بيجون؟ نايف بزمره: شرايك يعني اذا مارح يجون انا اللي بجيبهم نوف وهي متوهقه: زين لاتعصب نايف وهو معصب: لا مارح اعصب بس لاتعودينها ويطلع رنده: الله يعيننا على مقابل الرباعي المرح نوف: هههههه منهو الرباعي المرح؟ رنده: ام محمد ودلال ومروه وانضمت لهم عمتي مشاعل نوف: هههههههه لاعيب لاتقولين كذا رنده: الا والله امس ماشفتيهم شلون قاعدين وهات ياحش بالرايح والجاي نوف: حتى لو عيب هذي عمتك ومرت عمك وبنات عمك رنده: أي مو هذي المشكله <<<بالفندق>>> صحت اماسي من بدري وقعدت وخذت شور وغيرت ملابسها وبعدين قعدت تتأمل فيصل اللي رايح فيها من النوم وصحته لكنه ماطاع وراحت تطلب لهم فطور من الروم سيرفس ورجعت لفيصل اماسي: فيصل فيصل يلا قووم قوم افطر فيصل طيب قوم صلي الظهر ثبل لاتفوتك واخيرا قام فيصل : صباح الحب والجمال اماسي: فيصل فيصل: عيووونه وقلـــبــه حمر وجه اماسي: ممكن تقوم؟ فيصل: ممكن ونص ياعيـون فيصل راحت فيها اماسي: طيب عن الكلام الحلو وقوم فيصل: الحلو للحلو ويغمز لها ويقوم ياخذ شور سريع ويصلي الظهر ويطلع لها وشافها لابسه فستان هادي لحد الركبه وكات من فوق وشعرها مسيحته وملفوف على تحت تخبل على شكلها فيصل: وش هالجمال يااماسي اماسي وهي منحرجه: من ذوقك فيصل ويجلس جمبها بنفس الصوفا: بس من ذوقي توهقت اماسي وقامت جابت الاكل وقالت : عمي اتصل اليوم وقالي بالليل رح يسوي لنا عشا بالاستراحه فيصل: خلنا من عمك وقولي يادلوعتي وش اخبارك؟ اماسي وجهها مولع: فيصل فيصل: عيــووونه تصدقين اول مره اعرف ان اسمي حلو كذا يا عمري والله قولي لي فيصل مره ثانيه اماسي رايحه فيها: فيصل ممكن تفطر..؟ فيصل: ممكن ياعمر فيصل بس اذا اكلتيني بيدك اماسي: وليه ماتاكل بيدك انت فيصل: الاكل من ايدك له طعم ثااااني اماسي: طيب فيصل: طيب اكليني اماسي: فيصل فيصل: ياروح فيصل اماسي: اعقل فيصل: لا انا ماابي فطور اماسي: لا تعال الحين بفطرك استانس فيصل انه قدر يغير رايها وقعد ياكل معاها او بالاحرى ياكلها وتاكله وشوي يدق جواله فيصل: الو هلا يبه انا بالفندق ايه قالت لي اماسي على العشا ان شاء الله لاعشاننا بنسافربكره اوكي ان شاء الله باي اماسي: نسافر وين بنروح فيصل: شهر العسـل ياعسل انتي اماسي: اوكي فيصل: طيب ماسألتيني وين اماسي: مو مهم المهم نكون مع بعض استانس فيصل اول مره تقوله كلام حلو: اماسي اماسي: نعم فيصل: احبك حمر وجه اماسي وضاعت علومه: شكرا فيصل: بس شكرا اماسي:........... فيصل: يابخيله اماسي رايحه فيها واما فيصل القلب سلم لك امره في حالتي انت ادرى يللي حنانك وطيبك تنحط ع الجرح يبرى اماسي: يوووه كلمات هالاغنيه حلوه حيل فيصل: بس كلماتها الاشرايك بصوتي حلو والا نشاز اماسي: حلو فيصل: بس صوتي اماسي: فيصل شرايك نروح الاستراحه فيصل: الحين الساعه12 لاحقين نروح الاستراحه اماسي: بس فشله خلينا نروح من الحين فيصل: اماسي انت حلمي من اكثر من عشر سنين وياما وياما تمنيت هاللحظه اني اكون معاك وتبين الحين يوم تحققت امينتي وصرتي مرتي اوديك واجيبك انا لو يحصلي احطك بقفص بس عشان محد يشوفك غيري اماسي وتقول بخاطرها( اكثر من عشر سنين ودلال؟) : ويهون عليك تحبسني فيصل: لا مايهون بس شرايك احبسك بقلبي حمر وجه اماسي وطبعا فيصل استغل الفرصه وزاد بالكلام الحلو^_^ <<<ببيت ابو محمد******** كانت مروه بغرفتها وجاتها دلال دلال: عندي لك خبر بمليون ريال مروه: خير ياام الاخبار دلال وتسحب المنديل اللي بيد مروه: خير شنو هذا؟ ومروه وتاخذه منها: جيبه دلال: طيب شنو هذا مروه: منديل دلال: عارفه بس شنو عليه ياام كلثوم؟ مروه: هههه بايخه وعن الطناز منديلي فيه اسم فهد مطرز عليه دلال: منو سواه مروه: انا دلال وهي ماسكه نفسها من الضحكه: عاشت الخياطه مروه: لاتتطنزين وبعدين انا اعرف اطرز بس اسم فهد لان برستيجي مايسمح لي اطرزشي ثاني دلال: ياعيني على الحب مطرزه اسمه على منديلك ولابسه سلس فيه حرفfوالله انك فاضحه عمرك مروه: وانتي شيخصك دلال:بالطقاق لايروح عليك بس انتبهي له مروه وتقول بخاطرها(ليه غبيه مثلك): المهم وشوا الخبر اللي عندك؟ دلال: عمي بوفيصل مسوي عزيمه للعيله كلها بالاستراحه ورح يجي فيصل مروه وتنقز لها: وفهد بيجي؟ دلال: اكييييييييييييييييييييييييييد مروه: اجل خليني اطلع احلا ماعندي من لبس <<<<بــــالاســـتراحـــهـ ******** كانت ام محمد وبناتها اول الواصلين بعد بوفيصل واعياله والكل كاهي لاهي بالمطبخ مع الخدم واللي بحضر القهوه واللي يكلم بالجوال(مشاعل) كلن يغني على ليلاه الكل مستانس الامشاعل اللي جايه غصب وراحت مروه عند رنده تتلصق وتسألها عن حبيب القلب مروه: هلا رنود رنده ونقزها قلبها منها: هلا مروه مروه: شلونك ؟ شخبارك؟ رنده:تمام الحمدلله مروه: الا رنوده ليه ماتسلمين ..؟ رنده: لاني كنت شوي مشغوله سوري مروه: لاياقلبوو انا مااعاتبك الا لاني احبك رنده وقاعده على اعصابها: أي صح مروه: اخبار الاهل؟ رنده: الحمدلله مروه: واخبار... رنده: مين؟ توهقت مروه وقالت: اخونك ودراستك بشكل عام رنده: ايه صح نسيت اقولك نجحتي بنسبه 94,45 % مروه ومسويه فرحانه: والله بس شدراك؟ رنده: اخوي فهد شاف لنا نتايجنا من فتره؟ مروه: فـهـد رنده: أي فهد مروه: وشلون شافها لنا رنده: معارفه مروه وتقول بخاطرها( ياقلبي يافهودي): ليه هو عنده معارف؟ ووتتدخل دانه : هااي بنات ويسلموون عليها وانقهرت مروه دانه: مروه مروه: هلا دانه: وين سرحتي مروه: معاكم دانه: مبروك النجاح مروه: الله يبارك فيك عن اذنكم بروح وتروح دانه: اخبارك ياعسل ازايك؟ رنده: كويسه والحمدلله انتي ازيك دانه: منيحه الا وين عنودي رنده وهي مقهوره: ماجات دانه : ليه رنده: نسيتي ان العشا عائلي دانه: أي صح ياشين لـ قالوا عائلي وبالمطبخ كانت ام عبدالله واقفه على راس الخدم عشان تحب تشرف على كل شي بنفسها ومعاها نوف وحصه حصه: خلاص ياجدتي انتي روحي وحنا بنكمل ام عبدالله: لا ماابي اتعبكم نوف : افاااا ياجدتي تعبك راحه احنا كم ام عبدالله عندنا حصه: وحده وتتدلع علينا بعد ههههههههه ام عبدالله:هههههههههههه الله يخليكم لي يايمه انا بروح اصلي العصر وبرجع لكم بعد شوي نوف: اوكي يمه ولو ان حنا نفضل راحتك ام عبدالله: راحتي وياكم يابناتي وتروح حصه: الا نوف متى بيجون فيصل واماسي نوف: والله ماادري علمي علمك حصه: تخيلي يسحبون علينا ومايجوون نوف: هههههههه يحق لهم عرسان بس مايسونها حصه: ادري انهم مايسونها بس قاعده احتمل احتمال فاشل هههههههههههههه نوف: حصه شفيك امس رحتي بدري حصه وتغيرت ملامح وجهها: محمد كان يبي يرجعنا بدري نوف: خساره والله فقدتك امس حصه: ماتفقدين غالي يانوفا هذاني عندك نوف: ههههههههه جعله دوووم <<<بمجلس الرجال>>>

فيصل واماسي كانوا ساكتين طول الطريق ولاحد فيهم تكلم او حاول يتكلم وكان فيصل مركز على حركه اصابع...

aomroena :

كان الكل يسولف ويضحك الا فهد اللي احواله وعلومه متغيره بس قاعد يفكر وسرحان سرحان فيها رغم انه ماشافها بس سمع صوتها ومعقوله فيه حب بهالطريقه والا انا قاعد اتوهم وشلون اكون حبيتها وانا ماسمعت الا صوتها يمكن يكون مجرد اعجاب بس شلون ياالله احس ان راسي بينبط من كثر التفكير فيها ..... وماحس الا بضربه على كتفه قطعت عليه افكاره ومخيالته محمد: هلا والله بولد العم فهد: هلا محمد شلونك؟ وينك ووين دنياك محمد: موجود ولي ساعه داخل بس اللي ماادري وين سرحان فهد: لابس شردت شوي محمد: احنا من الصبح نتكلم وانت اللي ماادري وينك بعالم ثاني ليكون تحب(ويغمز له) فهد: ومين فينا مايحب يامحمد محمد: هاه بشر منهي تعيسه الحظ فهد: لا والله قول منهي اللي داعيه لها امها محمد: الا داعيه عليها فهد: جزاك الله خير محمد وهو يضحك:هههههههههههه وراك زعلت ياولد العم فهد: ياسلام تقتل القتيل وتمشي بجنازته محمد: لا شدعوه فهد تزعل مني انا رفيق عمرك فهد: مازعلت بس انت صاير تقهر هاليومين محمد: والله انا مثل ماانا ماتغيرت بس انت اللي متغير يمكن من الحب فهد: حموووود وبعدين محمد: هههههههههه خلاص سحبناها وشوي الا بوسعود يتكلم بصوت عالي خلا الكل يطالع فيه بوسعود: وبهالمناسبه السعيده احب اطلب يد حصه لولدي سعود هاه وشقلت يابومحمد؟ بومحمد: مااقول الا الشور شورك والراي رايك والبنت هي بنتك سعود: بس انا حاب اسمع رايها ياعمي بومحمد: واحنا من متى نسمع راي الحريم الراي رايي وهو الاهم بوسعود: ونعم الراي يابو محمد عداك العيب بوفيصل: الله يتمم بخير بس انا حاب اقولكم ان بوخالد خاطب يد بنتي نوف وانا ابعطي الرجال كلمه بأسرع وقت بوسعود: افاااااااااا تعطي بنتك الغريب واعيالنا موجودين بوفيصل: والله محد طلبها ولاتكلم عليها بوسعود: انا اخطب بنتك نوف لواحد من اعيالي توهقوا سلطان وراكان الكل يطالع فيهم وموقفهم محرج راكان عصب لانه على الارجح رح يقولون راكان ياخذها لانه الاكبر العيال ساكتن وعصب ابوهم لكنه صرفها وقال: انا رح ابلغ ام سعود لانها كانت حاجزه نوف لواحد من اعيالها ......... وهدت السالفه شوي وشوي يجون فيصل واماسي رحبوا الرجال بفيصل اما اماسي فراحت عند الحريم بوفيصل: هلا والله بولدي وينك ماتنشاف ولا ترد على جوالك بوسعود: ماينلام نايم بالعسل بومحمد:ههههه الف مبروك يا وليدي ياشدوا حيلكم نبي نشوف عيالكم فيصل: لاياعمي توا الناس على العيال بو محمد: وليه توا الناس شللي يمنع بوفيصل: نبي نتمتع بحياتنا بوسعود: وش ذا الكلام وراء ماتتمتع بحياتك انت ومرتك وعيالك قام نايف ويتدخل لانهم مسخوا السالفه: يعني يافيصل تنصحنا بالزواج فيصل: أي والله انصحكم واسعجلكم بالزواج بعد نايف: والله حمستني للزواج بوفيصل: يلا انت اختار لك وحده من بنات عمك وانا اعطيك اياها نايف وحس انه تورط: خير ان شاء الله سعود ( يقال له بيلطف الجو) : بس الزواج مسؤوليه بومحمد: زواجك الاولي فشل لانك ماخذت من بنات عمك لكن ان شاء الله زواجك الجاي رح ينجح تدخل محمد وقال: طيب ماخليتنوا نبارك لفيصل <<<< عند الحريم >>> ام سعود: الف مبروك يابنتي اماسي : الله يبارك فيك يمه دانه: ماقلتي لي متى بتسافرون؟ اماسي: اليوم الفجر ام عبدالله: لسه يابنتي توا الناس مالحقنا نشبع منكم رنده: ماينلام فيصل اليوم حرقت تلفونه ومايرد اثره نايم بالعسل ام محمد بقهر: كذا كل الرجاجيل بس اول اسبوعين وبعدين يطلعون على حقيقتهم نوف وتبي تقهرها: لاياعمتي فيصل غير كل الرجاجيل واماسي حلمه من زمان وحقيقته هي حب اماسي مروه بقهر: ليه غير كل الرجاجيل على راسه ريشه؟ مشاعل : يمكن هههههههههه ويطقون ايدهم ببعض رنده: فيصل يحب اماسي واهم شي انهم مع بعض وكلام العذال مايهم مروه: منو تقصدين بالعذال ترى اخوك مايهمني رنده: بس يهم غيرك وماعطاهم وجه طاح وجه دلال وانقهرت وقالت ام محمد : افااا ياام فيصل يرضيك ان بنتك تهين بناتي توهقت ام فيصل وقبل ماتتكلم قالت اماسي: ياجماعه فيصل زوجي بالاول والاخير وماارضى انكم تتكلمون عليه وتقوم دلال دانه: تغارين اماسي: اكيد اغار هذا زوجي وحبيبي ويرن جوالها < ملك روحي> القـلـب سلم لك امره في حالتي انت ادرى رنده: ردي ليروح اخوي فيها وترد اماسي: الو هلا فصولي راح فيصل فيها: هلا ياروح فيصل اماسي: فيصل بغيت شي فيصل: ايه اماسي: شنو فيصل: بغيت مرتي اماسي:طيب انا اكلمك الحين فيصل :لا ابيك بالمطبخ تعالي اماسي: أي بس مااقدر فيصل: عشاني اماسي: طيب بحاول لحظه فيصل: انتظرك عصبت من كلامهم داخل وعصبت لانها ماقدرت تسوي شي وراحت للمطبخ عشان تاكل لان من طبعها اذا عصبت تروح تاكل دخلت المطبخ وعلى طووول توجهت للثلاجه لمح فيصل وحده دخلت وقال لها: حبيبتي ماتأخرتي على الا على جيته اماسي اللي كانت تتسمع دلال( الصوت مو غريب علي كأنه صوته التفت وقالت بدلع): فيــــــــــــــصـــــل ##انتــــهى الجـــــزء الثــــالث##

كان الكل يسولف ويضحك الا فهد اللي احواله وعلومه متغيره بس قاعد يفكر وسرحان سرحان فيها رغم انه...

aomroena :

@الجـزء الــرابـــع @ دلال( الصوت مو غريب علي كأنه صوته التفت وقالت بدلع): فيــــــــــــــصـــــل فيصل وهو مستنـكـر الصـوت بس متوقعها اماسي: عيـونـهـ بلمت اماسي بمكانها وتمنت لو ان الارض تنشق وتبلعها بس تماسكت ولانزلت دمعه دلال وهي ملتفته عليه : وحشتني يافيصل فيصل وهو مرتبك ومنزل راسه الارض(لانه انحرج كان يفكرها اماسي) : اسف اختي اعذريني فكرتك اماسي دلال وهي شايفه اماسي بس مسويه روحها ماتشوفها لان فيصل معطي اماسي ظهره ودلال مقابلتها دلال: لاياحبيبي انا عارفه ان زواجك من هالاماسي كان غصب عنك بس حبنا مارح ينتهي تأكد ان كل نبض فيني ينبض بحبك واسمك فيصل وهو معصب: احترمي نفسك يابنت العم انا ماحبيتك ولااعرفك وانا احب اماسي ومااحب غيرها وانا ماشفتك الا امـس دلال: نسيـت دلووله وهنا دخلت اماسي ماقدرت تمنع نفسها من انها تدخل: هااااايييي دلال استحي على وجهك واطلعي برع انا اول مره اشوف وحده تعرض نفسها على واحد بالطريقه هذي صدق من قال ان لم تستحي فاصنع ماشئت انا هالمره يادلال رح اسمح لك تطلعين بكرامتك اذا عندك كرامه اصلا وانا مو قليله اصل مثلك عشان افضحك يابنت العم دلال بقهر: انا وفيصل نحب بعض انتي شدخلك فيصل: أي حب انتي تتوهمين انا مااحب غير زوجتي انتي شفيك مريضه نفسيـا دلال: افااااا تخاف منها يافيصل هنا اماسي وصلت حدها وعطت دلال كف خلتها تطيح من طولها تفاجأت منها دلال وحتى فيصل تفـأجا اماسي الناعمه الهاديه تضرب كف ومين دلال المتسلطه صحيح مايعرفها بس كان يسمع عنها من امه وخواته اماسي: اطلعي الحين بكرامتك لايجيك اكثر من كذا دلال ومن بين دموعها ومصدومه ومقهوره من الكف اللي جاها: والله تندمين يااماسي والله وتطلع جلست اماسي على اول كرسي شافته وماقدرت تمنع نفسها من ان دموعها تنزل لكنها تدراكت الموقف ومسحت دموعها بسرعه فيصل: اماسي حبيبتي والله مالي ذنب انا مااعرفها والله مابيني وبينها أي شي اماسي صدقيني اماسي بحزم: نتفاهم بعدين يافيصل والحين روح عند الرجال فيصل يقال له يلطف الجو: ليه تغارين؟ اماسي بحزم: فيصل وبعدين فيصل: خلاص خلاص الحين بروح( ويبوس يدها) بس لاتزعلين يالغاليه يعلم الله مافي قلبي غيرك ويروح اما اماسي راحت للحريم لانها عارفه اذا قعدت لحالها بتنزل دمعتها غصب عنها انتبهت دانه لملامحها المتغيره بس ماعلقت لانها فكرتها شي ثاني دانه: ماباركتي لحصه اماسي: على ايش؟ دانه: سعود خطبها اماسي وفرحت: الف الف مبروك والله تستاهل وقعدوا يباركون لحصه اللي منصدمه من الخبر وموعارفه هي بحلم والا علم ام محمد: والله هذي الساعه المباركه ياام سعود دانه وهي مستغربه من نفاقها توها ودها تسطرنا والحين تحبنا ام سعود: الله يبارك فيك ياام محمد ولوحصه بنتنا وتستاهل حصه حمر وجهها ومو عارفه شتقول بزاويه بعيده عن الحريم شوي كانوا الثلاثي المرح قاعدين مع بعض مشاعل: هههههه والله خططت وربحت والله خطيره حصيص دلال: شلون خططت الحين الموضوع جاء صدفه حصه طيبه وبحالها مشاعل: والله محد طيب غيرك حصه هذي من تحت ليتحت خططت وربحت صدق من قال ياما تحت السواهي دواهي دلال وهي مقهوره تتمنى لو هي مكانها وفيصل خاطبها وتقول: حصه داهيه مشاعل: داهيه واكثر من داهيه تلاقينها ولعت الولد فيها لين راح فيها وجاء خطبها دلال : شلون بس ابي اصير مثلها مشاعل بسخريه : هههههههههه انتي بعد اللي سويته اليوم مااعتقد الولد يفكر فيك اكيد طحتي من عينه دلال: لاتقولين كذا مروه: اقول تعرفي على غيره وخذي كورسات وتعلمي شلون تطحين الولد فيك ههههههههههههههه مشاعل : ههههههههههه أي والله صح لسانك دلال: بل سكت دهرا ونطق كفرا انتي خليك بمنديلك واحلامك احسن لك مروه: احلامي بخليها حقيقه وشوي تجي ام محمد: اقول قوموا باركوا لاختكم دلال: مين العانس ام محمد: ماعادت عانس هاللقب بيتقل لك الحين دلال: يمه وبعدين تراني موناقصه ام محمد: أي بس هذا اللي انتي فالحه فيه لوفيك خير كان خذتي فيصل ماخليتي هالخبله تاخذه مروه: يمه ماعليك منها انا ان شاء الله تفرحين فيني بعد حصه ام محمد: اميييييين وعند الحريم دانه: حصه ترى اخوي سعود طيب ورومنسي حيل حصه: عيب ذا الكلام دانه: لاعيب ولاشي الحين هو خطيبك رنده: شعندك مستحيه ترى عادي هااااه حصه: والله عيب يابنات وتقولها وتروح تقعد عند نوف رنده: ههههه يحليلها تستحي دانه: شقصدك احنا مانستحي رنده: هاه الحمدلله عرفتي عمرك دانه: وانتي معاي بعد رنده: لا والله دانه وتلقدها بنفس طريقتها : لا والله <<بمجلس الرجال>> كان ابو سعود ماخذ سلطان وراكان بزاويه لحالهم و يكلمهم راكان: يايبه هالطريقه هذي ماتنفع معنا انا ماابي اتزوج بهالطريقه بوسعود: اقول هالطريقه اللي انا تزوجت فيها امك واللي رح انت تتزوج فيها وحتى عيالك بتزوجون بهالطريقه سلطان : بس يبه بوسعود: لابس ولاشي بنت عمكم مافيها شي والا فيها عيب انتو شايفينه سلطان: لايبه شدعوه مو شافين عليها ولاشي راكان: بنات عمي عبدالله اشرف من الشرف نفسه يايبه بوسعود: طيب ليه مو موافقين عليها تبون هالغريب فواز ولد بوخالد يتمتع بحلالنا وانتو تتفرجون راكان: بس يبه طريقتكم هذي غلط بوسعود: اسمع ياراكان لاترفع ضغطي والا ترى تدخل سلطان: انا بأخذها يبه هذي بنت عمي وماارضى ان الغريب ياخذها وانا اتفرج انا ابيها بوسعود: هذا الكلام اللي يبرد القلب يبه وانت خلك مع افكارك الرومانسيه حقت الشباب هذي بس مالك الا وحده من بنات عمك وانا سابقك ياسلطان لداخل ابشر عمك راكان كان متضايق من كلام ابوه ومتضايق من انه زعله راكان: اسف ياسلطان اني سلطان: لا ياراكان عادي نوف هذي بنت عمي وانا كذا كذا كنت بأخذ وحده من بنات عمي بس احب اقول يااخوي ان الطريقه اللي تفكر فيها ماتصلح ولاتنسى ان احنا بدو يعني ماعندنا سوالف الحب وهالخرابيط عن اذنك وراح وظل راكان يفكر شلون يتزوج وحده ماشافها ولاحبها وهو متعقد من طريقه ابوه واعمامه لان راكان عنده احلامه وافكاره اللي مختلفه عن الكل وانتهت السهره على خير والكل راح على بيته <<بـالفـندق>> طلب فيصل عشا من الروم سيرفس عشان هو ماتعشى بالاستراحه ولا هي بعد ماتعشت وصل العشا وقعدوا يطالعون ببعض محد فيهم نطق بكلمه فيصل: دلوعتي اماسي:........... فيصل: اماسي اماسي: نعم فيصل: انا احبك اماسي: شكرا فيصل وقعد بنفس الصوفا اللي قاعده فيها اماسي: اماسي عمري انا اسف عاللي صار اليوم والله مااحبها قلبي ماحب ولاتعلق بأنسانه غيرك يااماسي اماسي: ايه بس....... فيصل: اماسي تشكين بحبي لك اماسي:................... فيصل: يعني تشكين بحبي اماسي: فيصل انا تعبانه وودي انام فيصل: طيب تعشي اماسي: ماابي اتعشى تصبح على خير فيصل: اماسي انا اسف اماسي: فيصل خلاص ماابي اتكلم بهالشي طلع فيصل من عندها زعلان وركب سيارته وموعارف وين يروح خافت اماسي عليه وموعارفه شتسوي مالقت الا اختها دانه دقت عليها وقالت لها كل شي دانه: غبيه واكبر غبيه بعد اماسي: جرحني يادانه دانه: والله ماجرحك الرجال يحبك ولاتنسين ان دلال حاطه عينها على زوجك وانتي بتعطينها زوجك على طبق من فضه اماسي: بس دانه وهي منقهره منها: لا بس ولاشي انتي تحبين فيصل والا لا اماسي: ماادري دانه: انتي تبين تخسرينه اماسي بدون شعور: لا دانه: بس تصرفك هذا رح تخسرينه يلا اتصلي عليه وطيبي خاطره بكلمتين حلوين اماسي: والله مين مفروض يعتذر للثاني دانه: والله الرجال اعتذر لك اكثر من مره اماسي: دانه دانه وودها تسطر اختها: يااماسي فيصل يحبك وهذا الشي اللي خلى دلال تنقهر منك يااماسي اذا فيصل شد انتي ارخي ولاتنسين انه يحبك يااماسي دقي عليه وراضيه يامجنونه اماسي: وكرامتي دانه: اماسي انتي فشلتي دلالوه اليوم وهزئتي فيصل يعني كرامتك محد قربها دقي على زوجك وخلك مره سنعه وكالعاده كان كان عندالبحر يتأمل امواجه وتحركاته ويفكر قطع عليه تفكيره صوت جواله<<اغـلى من حياتـي>> حبيبي النهارده لازم تعرف حبك عاملي جنان انا بحبك فيصل: هلا قلبي اماسي: هلافيصل فيصل: عيونه وروحه اماسي: زعلان علي؟ فيصل: لو ازعل من عيني بتحرمني نظرها شلون لو ازعل من عمري كله اماسي: مشكور قلبي فيصل: عديها مره ثانيه اماسي: مشكور فيصل: اللي بعدها اماسي بدلع: فيصـل فيصل: ياعيون فيصل اماسي: تعال فيصل : هوا الحين جايك بس تحبيني اماسي ووجها مولع: ايه فيصل: الحين جايك اسرع من السرعه نفسها اماسي: لاتسرع فيصل: ان شاء الله بس بجي لاتتهربين اماسي: ههههه انا عن نفسي مارح اتهرب الدور الجاي عليك فيصل واستانس من جراءه اماسي: والله جايك وبنشوف منو بيتهرب بس خلك معاي عالخط عشان ماتنحاشين اماسي: مارح انحاش انا معك على طول^_^ <<باليوم الثاني>> ببيت ابومحمد كانت حصه قاعده بغرفتها كالعاده ويجيها محمد : صباح الخير حصه: صباح النور محمد: اخبارك ياقميل حصه: كويسه اوي اخبارك انت ياعسل محمد: تمام الا حصه اكيد دريتي عن خطبه سعود لك حصه: ايه محمد: وشرايك حصه: الراي والشور كله للوالد محمد: انتي موافقه والا لا حصه: انا رايي مو مهم المهم راي ابوي ... انت شرايك؟ محمد: بصراحه الرجال ولد عمناوماعليه أي كلام واذا عن زواجه الاولى كان متزوج وحده دلوعه ومطلعه عينه يعني اعذريه على كل اللي صار انتي بنت عمه وعاقله واكيد عقلك رح يصير اكبر من اللي خذاها اول ترى سعود رجال وماينعاب ماعليه هو وفيصل ماعليهم كلام حصه وكبر بعينها هالسعود اللي ماشافته: طيب بعد هالكلام مااقدر ارفضه محمد: ونعم الراى ياحصه وطلع وترك اخته حيرانه وسرحانه بحياتها الجديده وشلون بتعيشها حصه كانت فرحانه اكثر شي لانها بتطلع من هالبيت وشوي وتجي مروه:هاااييي يالعانس اقصد يالعروس ابوي يبيك تحت حصه: طيب جايه وتنزل بومحمد: هلا والله بنيتي حصه: هلايبه بومحمد: اسمعيني يابنيتي انتي الحين كبرتي وصرتي حرمه والبنت مالها الا بيت زوجها وسعود ولد عمك طلبك مني امس وانا وافقت عليه لانه ونعم الرجال انتي وشرايك حصه: الراي رايك يايبه بومحمد: والنعم والله وهذا الراي اللي ابي اسمعه وانا رح اتفق مع عمك وولده على موعد العرس والملكه <<<بمكتب ابوفيصل>>> كان عبدالله يكلم بالتلفون وشكله حزين مره: خلاص انا رح اجي ان شاء الله اليوم بالليل رح اكون عندكم باي عبدالله: فهد فهد: نعم يبه عبدالله: فيصل اخوك مسافر ونايف بيسافر اليوم بالليل عشان صفقه لندن وانا اليوم بسافر سوريا فهد وعصب لان ابوه مابطل حركات المراهقين: بس يبه انا رح اكون مشغول ومارح اقدر ادير الشركه عبدالله: يعني شنو نقفل الشركه انا مارح اطول بروح اليوم وبرجع بكره فهد: مهمه السفره يبه عبدالله: اكيد مهمه اجل شنو رايح العب انا فهد: لابس يبه عبدالله: فهد انا رح اعترف لك بشي فهد وحس ان ابوه جد شوي: قول يبه عبدالله: انا متزوج بسوريا ومطلق وهذي اللي تزوجتها من زمان بس فهد: بس شنو عبدالله: عندي بنت منها فهد وهو معصب: شنووو وينها وكم عمرها وليه ماتجي عندنا عبدالله: انا بروح سوريا اجيبها انا ماكنت ناوي اجيبها بس امها ماتت بحادث سياره من اسبوع وجدتها دقت علي عشان اجي اخذها لان محد يبيها وطبعا انت مايرضيك اخلى اختك عند ناس مايبونها فهد وهو معصب: يبه فيه عندنا اخوان ثانين بعد عبدالله: لاتطمن كل اللي تزوجتهم ماجابوااعيال او جابوا اعيال وطيحتهم لهم بس هذي عنيده لابارك الله فيها ولافي بنتها عن اذنك بروح المطار فهد: اوصلك يبه عبدالله: لابيوصلني سواق الشركه يلا مع السلامه لاتنسى تمهد للي بالبيت على الموضوع يلا فمان الله فهد: تروح وترجع بالسلامه يبه. توهق فهد وماعرف شيسوي خاصه ان فيصل مسافر حتى نايف يعني لحاله اللي رح يواجه الموقف وموعارف شيسوي انتهى داومه وراح للبيت وهو مو عارف شلون يواجه اهله وبالبيت ام فيصل: هلا والله بوليدي وين ابوك فهد وهو متوهق: هلايمه ابوي مارح يجي اليوم ام فيصل وهي خايفه: ليه عسى ماشر فهد: ماشر يمه بس ابيك بموضوع ام فيصل: خير ياولدي ولاحظت ام فيصل توتر ولدها وقالت: نوف ورنده روحوا فوق ابي اخوكم بموضوع فهد: لايمه الموضوع يخصنا كلنا رنده: فهد شفيك ليه وجهك ضايعه علومه فهد: ابوي ام فيصل وقامت تدمع: زوجي فيه شي انا كنت حاسه ومتاكده ان فيه شي لاتخبي علي قولي فهد: لايمه ابوي مافيه الا العافيه بس نوف: بس شنو فهد تكلم طيحت قلوبنا فهد بمرح: يمه تحبين الوالد ام فيصل: الله يهديك بافهيد طيحت قلبي ان اشهد ان ماعندك سالفه اقوم غرفتي انام احس لي وراحت رنده: وديني ماعندك سالفه طيحت قلوبنا عالفاضي نوف: اقول انا رايحه انام احسن لي فهد: نوف انتظري نوف: خير فهد ابي انام انا ويسحبها عنده ويقعدها بزوايه هي ورنده ويقول: اسمعوا ترى ابوي متزوج وعنده بنت وبيجبها بكره رنده وشهقت: شنووو بنت من وين طلعت هذي نوف: فهد من سجك فهد: والله العظيم والله ماني عارف وشقول لامي نوف: والله بلشه شنقول لامنا رنده: فوفو انتي قريبه حيل من امي قولي لها بطريقتك فهد: ونعم الراي نوف: لا والله وانا شدخلني انا صحيح قريبه من امي بس المواضيع هذي لافيها قريب ولا بعيد فهد: والحل نوف: والله ماادري احنا لازم نقول لها عشان ماتتفاجا بعدين رنده: تقولين لها والا اقول لها انا نوف: انا بقول لها ادعوا لي وتروح فهد: يارب ماتزعل الوالده رنده: اقول اكيد بتزعل قول يارب تنحل هالبلوه اللي جايه لنا وشوي نزلت لهم نوف مثل ماجات فهد: هاه بشري...؟؟ ##انتـهى الجـزء الرابـع##

@الجـزء الــرابـــع @ دلال( الصوت مو غريب علي كأنه صوته التفت وقالت بدلع):...

aomroena :

@ الجـزء الخـامـس @ فهد: هاه بشـري...؟؟ نوف: رحت لها ولقيتها نايمه فقلت رح انتظرها لماتصحى وازف لها الخبر فهد: بس ابوي جاي بكره نوف: لاتخاف امي تصحى بدري ورح اقولها قبل مايجي فهد: خير ان شاء الله تصبحون على خير الكل : وانت من اهله رنده: نوف مافيني نوم نوف : والمطلوب رنده: ابي انام عندك نوف: طيب يلا تعالي..... نوف ورنده ماقدروا ينامون قاعدين يفكرون برده فعل امهم ويفكرون بتصرف ابوهم واختهم وكانوا قاعدين على السرير رنده: نوف نوف: هاااااااااااااااه رنده: هويتي بالنار قولي نعم نوف: نعامه ترفسك شتبين رنده: شلون تتوقعين اختنا الا صح شسمها نوف: ماادري فهد ماقالنا اسمها رنده: طيب شلون تتوقعينها حلوه والا نوف: ماادري عاديه رنده: فوفو نوف: خير رنده: تتوقعين امي تزعل؟ نوف: لامااتوقع تزعل امي طيبه حيل ومااتوقع انها تشيل بخاطرها وبتعامل اختنا مثلنا رنده: انا عارفه انها طيبه وما رح تقسى على اختنا بس هالشي رح يهز لها ثقتها بنفسها ويحسسها بالنقص ورح تسأل ليه ابوي تزوج عليها مع انها ماقصرت معاه احساسها كأنثى يتغير نوف: اقول رنوده امي ماتفكر بهالطريقه هذي وهالكلام مايمشي عندها تفكيرها غير تفكيرنا رنده: نوف نوف: خير رنده: تتوقعين ليش جابها ابوي يعني وين امها وهي من أي ديره يعني عربيه والا اجنبيه تتوقعين تطلع حبوبه والا نحيسه نوف وتلتفت على اختها وتلاقيها نايمه : اووووف الاخت نايمه خنا انام احسن لي عشان أشـوف أخت المستقبل بكره وبمـكان ثاني بعيد عن ارض الوطـن كانـوا مع بعض مبسـوطيـن اماسي وهي تمشي على شـاطى البحر مع زوجها وحبيبها الحين صارت تشوفه كل واغلى الناس بعيونها فيصل: اماسي انتي مستانسه معاي اماسي: ايه فيصل: اماسي شرايك بالمكان؟ اماسي: حلو... جنــه .. حلم فيصل: حلو وجنه وحلم طيب بما ان المكان عاجبك شرايك نروح نلعب بالبحر اماسي: نلعب ليش اطفال حنا فيصل: لا بس لاني احب العب عند البحر وعشان كل من يشوفني يعرف اني مع حبيبه قلبي واننا نحب بعض اماسي: مولازم حد يعرف المهم احنا مع بعض فيصل: طيب واذا قلت لك عشاني اماسي: فصولي استحي فيصل: ياعيون فصولي اموستي احبك اماسي وحمر وجهها: فيصــل فيصل: ياقلب فيصل طلبت قولي تم اماسي: تم ياقلب قلب فيصل فيصل: البحـر اماسي: طيب نتمشى عالبحر فيصل: اوكي بس المهم نكون قريب البحر وقاموا يتمشون عالبحر وايدهم بايد بعض قالت اماسي: كم يوم لنا متزوجين فيصل: ثلاث ايام اماسي: احلا 3 ايام بحياتي فيصل: يعني تقدرين تقولين 3 ايام مرن في حياتي غير 3 ايام عشت الحب واغليته وقعد يغني لها وفيه شويه ناس قعدوا يطالعونه بصراحه صوته حلو وشكله جذاب واماسي تجنن يعني هم ثنائي يعقد اماسي: فيصل اسكت فيصل:ليه اماسي: شوف الحريم شلون يطالعونك تراني اغااار فيصل : اوكي بسكت .. اماسي شرايك؟ ويطالع البحر اماسي: اوكي وتغمز له وترش عليه ماي وقعدوا يلعبون بالماي مثل الاطفال وكل من شافهم عرف انهم يحبون بعض <<<ببيت ابو فيصــل >>> كانت ام فيصل توها قاعده من النوم وراحت لها نوف تسولف معاها كالعاده وقررت تفاتحها بالموضوع نوف: يمـه ام فيصل: هلا يمه نوف: يمه ابوي متزوج وعنده بنت طاح كاس القهوه من يد ام فيصل وقالت: وش ذا الكلام نوف: يمه ابوي امس مسافر عشان يجيب اختي وبيجي اليوم تغيرت ملامح ام فيصل واستغربت لكنها رجعت سيطرت على الموقف وقالت: من قالك ذا الكلام نوف: فهـد ام فيصل: وفهد وشدريه؟ نوف: ابوي قال له امس وقاله قول لاخوانك ام فيصل: خير ان شاء الله نوف: يمه انتي مو زعلانه ام فيصل: لايمه مو زعلانه يمه واللي يرضى عليك قومي نادي الخدامه تشيل كاس القهوه وتمسح المكان نوف: ان شاء الله .................................................. ................ ام فيصل هذي امراءه حكيمه ودايما تفكر بالامور قبل ماتسويها لذلك هي ماقالت لبنتها انها زعلانه وقررت ماتقول لاحد بزعلها عشان ماتخرب بيتها بيدها ولاتبين ضعفها <<ببيت ابو سعود>> كانت دانه قاعده لحالها بالصاله تتفرج على التلفزيون ويجي سعود ويقعد عندها سعود: هلا دندون شـلـوونك؟ دانه: الحمدلله ... ليه مارحت الشغل سعود: لا مافي شي بس تعبان شوي دانه: سلامتك شعليك بعد معرس من قدك سعود( وحب يستغل الفرصه دام اهيا اللي بدت): الا شخبار مرتي دانه:توا الناس ماصارت مرتك سعود: بتصير ان شاء الله دانه: من هينه لين تصير يصير خير بس تصدق والله حظك انك خذيت حصه سعود: ليــه؟ دانه: ست بيت ممتازه وطيبه وتسمع الكلام سعود: طيب حلوه دانه: ايه بس انا احلا تصدق بالعرس طلعت جنااااان فستانها روعه سعود: فستانها الليموني دانه: اااه شدراك؟ سعود: سـر المهنه دانه(ونست انها قالت له مره): لا جد سعود شدراك؟ سعود: اقولك بس بشرط دانه: قولي اشرط مثل ماتبي سعود: طيب قولي لي شعرها طويل والا قصير دانه وبكل سذاجه: شعرها طويل بس بالعرس طالع نايس لافته على فوق وحاطه خصل ليموني بس طالعه مووت سعود وعرف انها هي اللي شافها: اهاا طيب ياحلوه تدرين ان انتي اللي قلتي مره ان فستانها ليموني دانه وحست انها توهقت: طيب سعود امانه لاتقول لحد اني قلت لك اوصافها بعدين يهاوشوني سعود: هههههه لايادانه تطمني انا امسك لساني ماازل مثلك <<<ببيت بوفيصل>>> كانوا ام فيصل ونوف ورنده قاعدين بالصاله ويجي فهد يسلم ويستأذن لانه بيروح يجيب ابوه من المطار فهد: يلا عن اذنكم بروح اجيب الوالد من المطار ام فيصل: في حفظ الله يمه رنده: فهود لاتنسى تكلمنا اذا وصلوا نوف: ليش مستعجله رح يجون بعد شوي رنده: طيب عادي مافيها شي اذا اتصل فهد: اقول اذا قعدت معاكم مارح اطلع انا طالع عن اذنكم فمان الله <<بـالمـطار>> ركب ابوفيصل قدام وركبت بنته (ندين) ورا وركبوا السياره اللي كانت مضلله قامت ندين كشفت وجهها ولبست نظاره شمسيه شافها ابوها وطنش ويوم التفت لها فهد عصب فهد: ندين غطي وجهك ندين:شو..؟ فهد: اقولك غطي وجهك ماتسمعين ندين: بس السياره مزللـه وانا تعبانه وجايه من سفر بدي ريح وشي فـهـد: اقول كل الكلام اللي قلتيه مافهمته غطي وجهك لااقوم الحين اتفاهم معك ندين: خلاص خلاص هلا بغطي وشي(وتتغطى) دخلوا البيت ودخل ابوفيصل وندين ودخلوا الخدم الاغراض وسلموا وبعد السلام كانت ندين خايفه منهم خصوصا بعد تصرف فهد معاها والكل كان مبلم بمكانه منهي هالبنت الحلوه اللي مع ابوهم كانت بيضا كأنها اجنبيه مشاء الله وشقرا وشعرها حلو شكله طويل لانها رافعته وملامحها حلوه وجمالها شامي لكن عيونها كانت سعوديه وبدويه حيل ميه بالميه وكان مبين عليها انها صغيره كانت خايفه وشكلها خايفه منهم ومن المكان ام فيصل: شسمك يابنيتي؟ ندين: اسمي ندين رنده: كم عمرك وبأي سنه تدرسين؟ ندين: عمري 17 سنه والسنه الجايه طالعه للبكلوريا انتي رنده او نوف؟ رنده: انا رنده واكبر منك بسنه والسنه الجايه طالعه للجامعه فهد: رنده علميها شلون تتغطى واشتري لها عبايه جديده بدل هذي ندين: فهد فهد: نعم ندين: انا مابدي ياك تزعل منشان الحركه اللي صارت بس انا ماكنت بعرفك ولابعرف طباع اهل البلد صحيح انا سعوديه متلي متلكن بس ولا مره طلعت من سوريا حتى بابا هاد هي اول مره شوفوا بحياتي كانت الماما الله يرحما بتحكي لي عنوا بس ماكنت بشوفوا انا مابدي خرب الكن حياتكن ولابدي حدا يزعل مني انا بدي اياكن بس تتقبلوني لانو ولاحدا بالدني تقبلني حتى تيتى (ودمعت عينها) انت حط حالك بمكاني طول عمرك عايش مع امك وبس تموت يجيك رجال ويقلك انا بابا شو بتعمل ماقدرت تكمل انهارت بالدموع حن قلب ام فيصل عليها وراحت حضنتها ام فيصل: خلاص يابنيتي هدي اعصابك واذكري الله بوفيصل: عن اذنكم انا رايح( ومااهتم بأي شي صار ولاحتى حس بانه غلط بحق مرته طول هالسنين) نوف: يمه انا بروح اقول للخدم يودون اغراض ندين غرفتها فهد: عن اذنكم انا بطلع رنده: ندين والله انك حلوه بس مو حلوه لما تصحين تصرين كأنك مصريه ندين: عن جد عم تحكي رنده: أي جد والحين قومي غرفتك وخذي شور وريحي نفسك وبعدين نكمل كلامنا <<<ببيت بوصالح>>> جات مروه الصاله عند امها وجدتها وحصه ومشاعل ومحمد ودلال مروه: لحقوا عندي لكم خبر مارح تصدقونه محمد: مروه بلا حركات قولي اللي عندك وعن حركات الهبال هذي مروه: ماما شوفي حمود ام محمد: شفيك على اختك خلها تتكم ام عبدالله : قولي اللي عندك يابنيتي دلال بلا مباله: اخلصي قولي شعنـدك مروه: يلا هالمره بعديها عشان جدتي قالت لي قولي مشاعل: طيب قولي مروه: طلعت لنا بنت عم سوريه مشاعل: نكته بايخه مروه: والله العظيم مااكذب حصه: شلون يعني بنت مين ؟ وشلون طلعت ؟ قولي لنا السالفه من الاول عشان نفهم مروه: ابوي قالي ان عمي عبدالله كان متزوج وحده بسوريا وماتت قبل اسبوع وكان جايب منها بنت واليوم عمي بوفيصل جابها وهي عنده الحين بالبيت محمد:مروه انتي من جدك تتكلمين مروه: اذا مو مصدقني اسأل ابوي حسوا ان مروه صادقه لانها متأكده من كلامها ولان مصدر الكلام هو ابوها مشاعل: شلون يكون عندي بنت اخو ومحد يدري عنها شنو هالتصرف من اخوي عبدالله شدعوه هو كبير ماهو بصغير عشان يتصرف هالتصرفات حصه: يعني لو امها ما ماتت ماطلعها والله حرام دلال: وياترى هالبنت كم عمرها؟ مروه: 17 سنه ام عبدالله: لااله الا الله البنت 17 سنه تنحرم من اهلها وديرتها لاوالله هالموضوع ماينسكت عليه انا الحين قايمه بيت بوفيصل اشوف حفيدتي واتفاهم معاه ام محمد: لحظه ياعمتي خنسمع السالفه حصه: جدتي هدي اعصابك واذكري الله ام عبدالله: لااله الا الله حصه يمه تعالي معاي حصه: ان شاء الله جدتي ام محمد: لحظه ياعمتي خليني البس عباتي واجي معاكم محمد محمد: ان شاء الله يمه الحين بجهز السياره انتظركم تحت ويروح وطلع الكل من الصاله مابقى الا الثلاثي المرح دلال: مروه مروه: نعم دلال: الحين هالسوريه ذي اللي ماادري من وين طلعت بتصير احلا منك وبتصير هي احلا وحده من بنات العم مروه: اتخسي الا هي هالمعفنه انا رح اظل على طول احلا وحده مو تجي هذي على اخر الزمن تصير احلا مني مشاعل: والله انكم بزران وبعدين لو صارت احلا منك مو مهم لان فهد اخوها ومارح تسرقه منك مروه: أي صح انا حلوه وواثقه من جمالي واهم شي فهودي مايروح لغيري دلال: مصدقه الاخت مشاعل: الحمدلله والشكر سج بزران <<ببيت بوفيصل>> كانت ندين قاعده بغرفتها مع رنده وشوي وتجي ام فيصل ام فيصل: خلي اختك ترتاح شوي وتنتبه ليده وحده لافتها والثانيه كانها ماخذه ابره وسألتها ام فيصل: يمه ندين سلامات وشفيها يدك ندين بحزن: اليمين ضربتي تيتى لانو كانت مقهوره من خالي والتاني امس البابا اخدني للمستشفى قال بدو يعملي تحليل dna منشان يتأكد اني بنتو ام فيصل حنت على ندين وقالت: يايمه اعتبري نفسك ببيتك وبين اهلـك رنـده وتبــي تغير الموضوع: ندون شرايك اوريك صور اخواني ندين : أي مابقول لا رنده: لحظه عندي صور لنايف بجوالي شوفيه ندين: ياااي شو حلووهيدا اصغر من فيصل ما رنده: ايه هذا ثالث واحد يعني اصغر من فيصل وفهد حسافه ماعندي صور لفيصل بس رح تشوفينه عقب مايرجع من السفر الاندون بعرفك بدانه بنت عمي والعنود اعز صديقاتي ام فيصل: يمه خلي اختك ترتاح شوي رنده: يمااااه ندين: لاياخاله انا مرتاحه معا حكيا كتير يجنن خاله بينفع ناديكي ماما ام فيصل وحست بمسؤوليه قدام هالمسكينه: أي يمه ينفع اجل انا استاذن الحين بروح و اخليكم تكملون سوالفكم وتطلع من الغرفه رنده: ندون شرايك ندق على دانه ونستهبل؟ ندين: كيف رنده : انا اوريك شلون وتتصل على دانه دانه: الو رنده: هلا ببنت العم دانه: هلا رنوده شلونك رنده: بخير انتي شخبارك دانه: تمام يالدبه شعندك داقه اكيد مصلحه رنده: اقول فيه وحده تبي تتعرف عليك دانه: لا والله عاش ابو الشلخ رنده وتعطي التلفون ندين: مرحبا دانه دانه وتوهقت: هلا مين معي ندين: انا ندين بنت عمك واختا لرنده دانه: نعم شلون تجي ذي اقول ماني بفاضيه لصادوه حقتكم ندين: شو عم تحكي يعني شو صادوه دانه: صادوه مو صادوه اقول ترى رندووه ندين وماسكه نفسها لاتضحك: ليك اسمعيني انا بنت عمك عبدالله وطول عمري عايشه بسوريا وجيت هلأ للسعوديه وحياه الله انا بنت عمك دانه: لحظه لحظه شوي شوي علي قولي لي السالفه من الاول ويقولون لها السالفه دانه:والله احس اننا بفليم هندي ندين: أي ماانا البطله تبع الفليم دانه: اقول انا بجي عندكم الحين زين رنده: احم احم اختي تبي تنام الحين تعبانه من السفر شتبين ياللزقه دانه: اقول وشدخلك انا اكلم صديقتي وبنت عمي ندين انتي شدخلك رنده: لا والله هذي اختي وصديقتي وانا عرفتها قبلك دانه: روحي زين ندين صديقتي انا ندين: شوبكن صبايا انا رفيقه الكل دانه:ههههههههه لا عادي ندون ترى احنا كذا دوم رنده:اقول هالمره رح امشيها عشان اختي دانه: اقول خلك طافيه بس ندين: دانه بدك تجي دانه: أي اكيد الحين جايه ندين: خلاص نحنا عم ننتظرك هلأ دانه: خلاص الحين بجيكم يلا باي ندين: تشــاوو وشوي الايسمعون صوت ازعاج عندهم تحت رنده: هذا صوت جدتي انتظري انا بنزل تحت ندين: أي وانا بدي غير اوعيي ونام رندهk good afternoon ندين: good afternoon to وتنزل تحت وتشوف جدتها مع ام محمد وحصه ام عبدالله : أي بس الكلام هذا مايصير انا عندي حفيده وماادري عنها الا الحين ام فيصل: حتى احنا ياعمتي مادرينا عنها الا الحين ام محمد: طيب شلون يصير هالشي وماندري عنه ام فيصل: اللي صار صار وكلامكم هذا لابيقدم ولايأخر يعني عاد المهم الحين تشوفون بنت عبدالله والله فقيره هالبنت ومسكينه وحالها يصعب عالكافر حصه: انا معك ياخالتي بس امي وجدتي كانوا مستغربين من تصرف عمي لااقل ولااكثر نوف: اللي صار كان صدمه لنا كلنا بس المهم الحين اننا ناخذ البنت ونحتويها لانها منا وفينا ام عبدالله حن قلبها على حفيدتها وتبي تشوفها: وينها حفيدتي ابي اشوفها رنده: الحين اناديها وتركض لغرفتها رنده: ندون قومي ندين: شو بك رنده: جدتي تحت تبي تشوفك ندين: شو مابدي؟ رنده: ليه؟ ندين: مابعرف يمكن لانا بدا تضربني رنده: لاياندين جدتي غير جدتك تحب الكل وتموت فيهم ويكفي انها جايه هالمشوارمخصوص عشانك وعشان تشوفك لاتكسرين بخاطرها ندين: بس انا خايفه رنده: لاتخافين بااختي والله كل ظنونك رح تطلع بغير محلها ندين: بـــس رنده: لابس وشي عادي انا بكون معك وتسحبها وقالت: لحظه بتنزلين كذا ندين: ليش شو بني؟ رنده: ماعندك غير هالشورت ندين: لا انا كل بيجامتي هيك شوررت وضيق رنده:اجل الله يستر اخاف تنضلك ام محمد ندين:مين ام محمد وشو يعني تنضلك؟ رنده: ام محمد هذي زوجه عمي صالح وتنضلك يعني تعطيك عين ندين : يااااي ياماما شنو تعطيني عين شو عملت الا؟ رنده: ههههه ولاشي بس حسوده وانتي ماشاءالله برصا ولابسه شورت بعد كملت وفاتحه شعرك الاشقر ماشاء الله غطيتي على بنتها مروه ندين: لحظه انا راسي هلأ بدو ينفجر مين مروا وشو القصه؟ رنده: اذا قعدت اسولف لك مانزلنا امشي الحين ننزل وبعدين نكمل سوالف ندين: عادي انزل هيك رنده: انتي عندك بيجامه غير هالشكل ندين: لا ماعندي رنده: اجل عادي العصر نروح السوق ونشتري ندين: لاالعصر بدا تجي دانه رنده: ماشاء الله عليك امريكه بالمواعيد اقول امشي لاننزل تحت ويسون لنا مناحه وينزلون... <<ببيت ابو سعود>> تنزل دانه عند امها وراكان اللي رجع بدري من الدوام يقول متضايق وهو بصراحه مستحي من الحركه اللي سواها مع ابوه دانه: هاي الكل: وعليكم السلام دانه: دريتوا عن بنت عمي السوريه راكان وامها مو فاهمين شي : شتقولين انتي دانه: عمي عبدالله طلع متزوج بسوريا وعنده بنت والحين جابها السعوديه والحين هي ببيته ام سعود: دانه انتي صاحيه والا فيك شي دانه: والله مااكذب قبل شوي كلمتني ندين ورنده ام سعود: اكيد مسويه فيك مقلب كالعاده الا مين ندين دانه: والله مو مقلب عمي صدق متزوج واذا مو مصدقين اسألوه عموما انا رح اروح بيت عمي اليوم عشان ندين راكـان: ليكون هذا عذر عشـان تروحين بيت عمي دانه وزعلت لانهم ماصدقوها: ليه عرفتوا عني الكذب بيوم ام سعود: لا راكان: طيب انا مااقدر اوديك بيت عمي عشان بيجب نايف من المطار بخلي السواق يوديك دانه ومسويه زعلانه: زيـن ام سعود: تعالي دانووه وقولي لي السالفه من الاول دانه: اوكي الحين اقولك السالفه

@ الجـزء الخـامـس @ فهد: هاه بشـري...؟؟ نوف: رحت لها ولقيتها نايمه فقلت رح انتظرها لماتصحى وازف...