كنعد تحت القدر بس غييير شكل جربوه وبتدعون لي

أطباق رئيسية

السلام عليكم ورحمة الله وبركاته
والصلاة والسلام على سيدنا محمد واله وصحبه اجمعين

اليوم حبيت اشاركم بالذ طريقه لسمك الكنعد من جد شي يذبحححححح
هذي طريقة ماما الله يحفظها ويطول بعمرها ومن جد ماشاءالله تبارك الرحمن شي لذيذ وسهل جربوها وما راح تخسروون
بسم الله نبداء
اول شي جيبي شرايح الكنعد وغسليها بماء ثم حطيها بقدر وصبي عليها ماء وشوي ليمون و4 ملاعق طحين وخليها ربع ساعه طبعا الطحين افضل طريقه تشيل زفرة السمك بعد مرور ربع ساعه اغسليه
ثانيا حطي عليه ملح يعني كثري ملح وخليه ربع ساعه طبعا لان السمك صعب يمسك فيه الملح بعد ربع ساعه اغسليه عن الملح
ثالثا تتبيلة السمك :
بصله مبشوره بالمبشره + فلفل اخضر مبشور ايضا + 2 ثوم مدقوق + ليمون معصوره + (شوي كركم + كزبره مطحونه+ بهارات مشكله عندك يعني بزار سمك مثلا + فلفل اسود + ملح شوي ) اخلطيهم سوا وجيبي شرايح الكنعد وحطي عليها الخلطه من فوق وتحت وغطيها وخليها نص ساعه تتشرب الخلطه

رابعا قصي بصل وفلفل رومي مربعات وسط وحطي فوقها شوي هيل مطحون وبهارات مشكله وكركم وخليها بصحن بنحتاجها بعدين

خامسا :اسلقي رز بماء وملح نص سلقه واشخليه
سادسا : بقدر تيفال حطي شوي زيت وحمري شرايح الكنعد بتتبيلتها حمريها على الوجهين لحد ما تشقر شوي ثم حطي فوقها البصل والفلفل الرومي الي سبق قطعناه وكبي فوقه الرز المسلوق نص سلق وفنجال ذوبي زعفران وماء ورد وصبي فوقه وسكري القدر
وقصري النار وخليه ساعه الا ربع :time:
وبعد كذا افتحي القدر وتمتعي بالذ كنعد تحت القدر ماشاءالله طبعا وقت التقديم لازم تقلبين القدر:27:

وعادتا انا احب اقدمها مع بصل وطماطم مقطع وعليه شوي ليمون وملح وليمون
ملاحظه لو استخدمتي قدر موش تيفال حطي بالارضيه شوي رز وبعدها السمك وبعدها البصل وبعدين باقي الرز وحطي حديده عشان ما يحترق السمك .
وبالعافيه على قلوبكم
ودعواتكم لي بالتوفيق والسهاله وصلاح الذريه
12
21K

يلزم عليك تسجيل الدخول أولًا لكتابة تعليق.

تسجيل دخول

a7la-fashion
a7la-fashion
تسلم ايدينك
أم أســيـــل
أم أســيـــل
تسلم ايدينك وايدين الماما يعطيك العافيه
لـggتس
لـggتس
يسلمو
أمــــــــونـــــة
شكرا
اموت عالجنعد
**العنـــود**
**العنـــود**
روووووعه ماشالله