النمط الغربي
الغربي التقليدي : ( موج و طائر محلق : مثال الحرية بدون حدود )
* يحب ركوب المخاطر ، مغامر واضح أنه شخص مغامر في كل شي حتى قراراته وتصرفاته >> النمط المقترن أحيان يضبط هالطبع مثل النمط الشمالي إذا كان مقترن بالغربي دائما الصفات الشماليه تضبط الطباع الغربيه المغامره المستهتره
* سريع ، حيوي عكس الشرقي المتأني البطيئ فهو سريع في أداء عمله >> ألاحظ زوجي الغربي يخلص أكله بسرعه بينما أن الشرقيه أتمخطر في القمه
يخلص مهامه بسرعه فهو ما يهمه جودة العمل قد مايهمه أنه يخلص وبس
* ذو رؤية ، غير تقليدي عنده حاسه سادسه في الأمور نلاحظ أن الشرقي يرا الامور بمنطقيه وبالرؤيه التقليديه لكن الغربي لا يرا الامور برؤيا حضاريه برؤية شباب اليوم
* إبداعي ، ابتكاري شوية تفكير وشويه أبداع يخرج لنا بشي مبتكر نلاحظ هانمط يحبون يبتكرون أشياء وحلول وأفكار حلوه وهذا راجع لرؤيتهم الخارجه عن التقليد
* مرن ، متعدد المواهب مرن يسهل التعامل معه لأنه واضح بعكس الشرقي
ونلاحظ أن لهم مواهب في أشياء كثيره
* يعالج عدة مهام ، متكيف يعني أذا كُلف بكذا مهمه يخلصها كلها ما عنده مشكله ولا يتذمر منها لأنه بالاخير بيخلصها سواء زبطها ولا لا بعكس الشرقي اللي مايعرف الاّ الشغل حبه حبه
وبسرعه يتكيف مع الجو اللي عايشه >> نلاحظ أصحاب هذا النمط يدخلون في الناس بسرعه ويتكيف مع شغله بسرعه
* عفوي ، غير متماسك أه من عفويته يعني اللي في قلبه على لسان فنلاحظه كثير مايجرح خاصه يجرح الجنوبيين أكثر وتصرفاته عفويه نفس الاطفال
غير متماسك ما أدري أيش يقصدون فيها
* حماسي ، ذو حس فكاهي عنده طاقه عااااليه متحمس لكل شي اذا براسه شي يتحمس لها يتحمس لمناسبه ما يجهز نفسه من مجاميعه وأحلى مافيه أنه نكتي ودمه خفيف يخليك غصب تضحكين
* ذو روح متحررة ، طليق مايحب التقيد ولا الالتزام ولا الواجبات يحب يعيش حياته بحريه تامه يسافر ويروح ويجي ولا يحب أحد يقيده الاحظ من اللي حولي الغربيين يتزوجون على سن أواخر العشرين وفوق بعكس الشرقيين اللي يتزوجون بدري
وهذا لأن الغربيين مايحبون التقيد
* متمركز حول الفكرة ، حالم أهم شي عنده الفكره فكرة العمل إذا جازت له تحمس له عكس الشرقي اللي اللي متمركز حول الجوده اي الحصيله النهائيه للعمل هي اللي ترضيه مو فكرة العمل
والغربي شخصيه حالمه أحلامها وطموحاتها كثيره وبحاجه لنمط أخر يحققها مثل الشمالي أما الجنوبي ما ظنيت انه ينجز
الشخصيه الغربيه عايشه حياتها تحب المرح والفرفشه وتكره المنغصات
تحب الاطفال بشكل كبيييييييير
ياااااااااااااااااااعمري << ياسنقة عشره>>
ه ربي يسعدك ويفرج همك وييسر امرك ويرزقك من حيث لاتعلمين ويجعلك من اهل الفردووس الاعلى
مشكوره حبيبتي على هالتووووووضيح>>الحين استوعبت وعرفت
بجد انقذتيني فديتك وفديت قلبك الكبير
ه ربي يسعدك ويفرج همك وييسر امرك ويرزقك من حيث لاتعلمين ويجعلك من اهل الفردووس الاعلى
مشكوره حبيبتي على هالتووووووضيح>>الحين استوعبت وعرفت
بجد انقذتيني فديتك وفديت قلبك الكبير
الصفحة الأخيرة
* متمركز حول الجودة أهم شي عنده جوده العمل يعني يكون كل شي بالتمام وبعد تلاحظين أنه لما يشتري شييحرص على جودته مهما كان شكل المنتج أو نوعه
* مغرم بالتفاصيل ، متماسك يحب التفاصيل بكل شي يعني إذا قلتي له سالفه يبي تفاصيلها بكل صغيره وكبيره ولا بعد يسوي فيها المحقق كونن ليه كذا أيش تبين فيه ومن اللي قاله وكيف وووو يعور الراس
بس ما أنصحك تصيرين صفحه بيضه وتقولين له على كل شي بحياتك لأنه بعدين بيمل منك ويبحث عن جديد
* بطيء ، متأن يالله من البطئ اللي فيه ما أقول قالب ثلج لا بس إذا هو يسوي شغله يخلصها بتأني وأتقان لأنه مثل ما قلت قبل يحب جوده العمل ما يحب العفسه وفي الاخير يطلع شغله مش ولا بد
* مركز ، منهجي يعني هو يركز في كل شي لا تقولين لا هو بيعديها أمكن يعديها بس يمسكها عليك بعدين ويذكرك فيها وتركيزه كبير فأنتبهي في كلامك وتصرفاتك لا تكون عشوائه >> هو يزعل بسرعه
هو منهجي في الحياه يمشي على نهج معين يعني مو عشوائي مثل الغربي
* منطقي ، تحليلي يتبع المنطق يعني أي سالفه غير منطقيه مايفهم لها أبد أنا شرقيه وأي شي خارج عن المنطق والألوف ما أقدر أستوعبها يعني مثل قرارات الغربي تتعبني كثير وأحسها همجيه تتبع الرغبات
بعكس الشرقي اللي يهمه المنطق في كل شي والتحليلي يتبع المنطقي لأن المنطقي في الامور يحللها بطريقه منطقيه
* مخطط منظم مثل ما قلت قبل هو غير عشوائي يحب التخطيط المسبق للأمور ويحب التنظيم
يعني قبل لا يروح أي مكان أو يسوي أي عمل لازم يخطط لها أحتمال ما يقولك على تخطيطه بس هو مرتب كل شي في راسه أنا مثلا لكوني شرقيه قبل ما أبدأ بشغل البيت أخطط بأيش أبتدي وبأيش أنتهي ولا بعد بالساعه أمشي يعني لو تأخرت ساعه أحس اليوم كله راح وأمكن أكنسل باقي الشغل ولا بعد أذا كنت باروح مكان وتأخرت بثلث ساعه أكنسل الموعد >> هذي الشغلع تعور الراس الله يعينها اللي زوجها شرقي وبعد يحب التنظيم يعني كل شي منظم عنده ومرتب سواء المكان اللي قاعد فيه ولا سواء منظم ومرتب في أداء عمله مثال أخوي شرقي مستحيل يقعد في غرفه مكركبه تشوفينه بس قاعد شغل وتنظيف ولا بعد يبخر المكان ويعدله >>> يابخت زوجته
وزوجي غربي أبو العفسه كلها وما عنده مانع أنه ينام بوسطها على قولته يرتاح لشاف البيت كذا أنتبهي أنا أقول عفسه وحوسه يعني مو وسخ وقذاره دايم أرجع لبيتي وألقاه معفوس عكس زوجة أخوي اللي ترجع البيت وتلقاه مرتب
* لائق ، دقيق لائق أظن يقصدون أنه ذويق وأن كان ذوقه يعتمد على الاشياء الشرقيه والأصيله وأمكن يقصدون فيها أنه لبق في تصرفاته ودقيق في تعاملاته غير دفش ويدخل بالناس عرض مثل الغربي
* جاد ، مسئول الجد جد عنده مثل الشمالي تلاحظين المزح عنده شوي ثقيل لأنه أصله جاد فما يعرف يمزح عدل
وتلاحظين أن كل المسؤلايات على عاتقه أكثر من الغربي لأنه جاد والغربي مستهتر يعني أنا لاحظت أن أبوي دايم يكلف أخوي الشرقي مهام وواجبات أكثر من أخواني الغربيين رغم أنه أصغر منهم وهذا لأنه جاد في تصرفاته ومسؤول عنها
* تقليدي ، محفوظ شعار الرجل الشرقي هو رجل الاصاله والعراقه ليش لأنه ما يخرج عن التقليد دايم متشبث فيها أنا ما أقصد هو عادات أجدادنا من عام عامه لا أقصد تقاليد وعادات المجتمع اللي عايش فيه سواء كان قديم ولا جديد وبعد محافظ على القيم والأخلاق وتزن
* جاد ، متحفظ جاد شرحتها قبل ومتحفظ أظن يقصدون فيها اللي قلته قبل أنه متحفظ على القيم والعادات اللي سادت مجتمعه ومن الصعب يخرج عنها الا بتأثير خارجي وحب للتغير بس هذا نادرا
لا حظت من كثر ما أقرى عن الشرقي أنه شخص متردد في داخله يعني ما يظهره بعض الاحيانل لأنه مثل ما قلت قبل أنه شخص متأني دقيق ومسؤول وكثير من الرجال يحبون رحلات القنص والصيد وطلعات البر ولا يحبون يسافرون برا عكس الغربي اللي حياته كلها سفر وأن ماسافر بسبب ظروف ماديه فدايم يحلم به الشرقي شخصيه غير ملوله يعني نادرا ما تجدد في حياتها
هذا للي عندي وبعدين بكمل عن الغربي