راس مالاي .. حلى هندي بالخطوات المصورة

الحلويات الشرقية والغربية

جبت لكم طريقة سويت هندي خطيييييييييير صار لي ساعه افكر في مقدمه مب لاقيه غير ان الحلى لذيذ وايد ولو سويتوه مره وضبط باذن الله راح تسوونه على طول مثل ما صار معاي

حلوة الصورة؟


المقادير:
بيضتين
2 ملعقه صغيرة زيت
2 ملعقه ممسوحه بيكنغ باودر
2 كوب حليب بودره ..


هذي المقادير نعجنها ونسوي منها كرات مثل الصورة ( لاحظو الحجم ) وعلى فكره في الصور انا مسويه مقدارين... ملاحظه يراعى ان االيدين او القفازين يكونون ناشفين مش مبلولين ابدا عشان تسهل عمليه التكوير لان العجينه راح تطلع تتلصق شوي ...


الحين على النار نحط 2 لتر حليب , 3 ملاعق طعام ماء ورد , شويه زعفران وشويه هيل, وكوب سكر وللناس الي يحبون السكر خفيف ممكن نص كوب ..
ولما يبدي الحليب يغلي خفضي على النار وضيفي الكور


واتركيه يستوي عى نار متوسطه لين ما تصير عندج الكور بهالشكل
ولاحظي حجمها لما تضاعف, ولونها تغير وصار افتح


وعشان تتاكدين من نضوجها قصي وحده من الكور نفس الصوره حطيت لكم صوره الكور قبل لا تنضج ولاحظي كيف استوت من بره وما استوت من داخل اتركيها تغلي زياده عشان تستوي كامله وتصير من داخل وبره باللون الفاتح



والحين عقب ما استوى الطبق حطيه في الثلاجه عشان يبرد وهالطبق كل ما برد كل ما كان ألذ ولما تقدمينه زينيه بشويه فستق مبشور وشعيرات زعفران
وهذا الشكل من قريب




وألف صحة وعافيه على قلوبكم
160
45K

يلزم عليك تسجيل الدخول أولًا لكتابة تعليق.

تسجيل دخول

ام عوينات
ام عوينات
وااااااااااااااااااااااااااااااااو الصراحه شي عجيييييييييييييييييييييب وسهل ان شاء الله اجربه في اقرب فرصه واقولج شو اللي صار معاي ....
افتح يا سمسم
افتح يا سمسم
والله شكله رووووعه وسهلللللللل ان شاء الله اجربه وتسلمين يا قمر
حبيبة أبوها
حبيبة أبوها
تسلم يدينك حبيبتي
عنقاء زهر الرمان24
تسلم ايدينك
ناعمة الصوت
ناعمة الصوت
روووعة يالغالية ...وشرح مفصل تسلم ايدج

بس حبيت اسأل عن الكوب ... تقصدين كوب الشاي حليب ولا كاس الماي وشكرا