مرمريس

مرمريس @mrmrys_1

عضوة نشيطة

حياكم الله علي الأكل إيطالي....

اطباق عالم حواء



السلام عليكم

كيف الحال أدري انكم جوعانين حياكم الله على الاكلات الايطاليه



يالله سمو لاحد يستحي




1/ السلطة الإيطآلية الخضرآء .,




المقآدير :


خيار / طمآطم / خس / أوراق النعنآع / جبن أبيض مآلح / زيتون شرآئح / رشة زعتر / رشة سمآق ...



الطريقة :


1/ قطعي كل مكونات المقآدير مكعبات كبيرة ...
2/ اخلطي الخس والطمآطم و الخيآر والنعنآع مع بعض و ضيفي لهم الملح + الليمون + زيت الزيتون ..
3/ على الوجه ضيفي مكعبآت الجبن و شرآيح الزيتون ( لآ تخلطينهم مع السلطة بالملعقة عشان مآ تذبل الجبنة و تتفتت )
في النهآية رشيهآ بالزعتر والسمآق ...














2/ رولآإت البآإذنجآإن ,.


المقآدير و الطريقة :


1/ البآذنجآن : تقطعينه شرآيح رفيعة و ترصينه في صينية و تدهنينه بزيت الزيتون و تحمرينه من فوق ومن تحت في الفرن ..





2/ الحشوة : فصين ثوم مهروس تحمرينهآ في شوية زيت زيتون ..
و بطاطس تقطعينها مكعبات صغيره و تحمسينها مع الثوم لحد ماتستوي و تتحمر ..
ولا تنسين الملح والفلفل الأسود ..
وفي الأخير تفرمين شوية كزبرة و تخلطينها معآهم ..






3/ الصوص : ملعقتين زبادي + ملعقة طحينية + ليمون + ملح + فص ثوم مدقوق يصب على اللفائف على الوجه ..


4/ زينيها : بالطمآطم الصغيرة أو العآدية إذا ماعندك و ثبتيها بأعوآد الأسنآن ...









3/ سلطة المكرونة بالفآإصوليآ الحمرإآء .,


المقآدير :


نص كيس مكرونة مسلوقة ..
نص علبة فآصوليا حمرآء مطبوخة و جآهزة ..
حبة خيآر ..
خس ..
مايونيز + ملح + ليمون + رشة سمآق ..


الطريقة :
اسلقي المكرونة و صفيها و اخلطيهآ مع بآقي المكونآت .. و اتركيها بالثلاجة مدة سآعة قبل التقديم ...










4/ خبز بالثوم .,


المقآدير :
خبز فرنسي
4 فصوص ثوم
ملعقتين مايونيز ,, ملعقة جبن سايل
ملعقة زيت زيتون ,, شوية كزبره مفرومة
رشه ملح






الطريقة :


1/ نقطع الخبز الفرنسي لشرائح ...
2/ نهرس الثوم ونضيف له باقي المقادير بعد خلطهآ ( المايونيز والجبن والزيت زيتون والكزبره والملح ) و ندهن فيهآ الشرائح ..






3/ نحمرهآ في الفرن من الأعلى على نار خفيفة لحد ماتتحمر ...













يتبع
183
27K

هذا الموضوع مغلق.

قهوة الضيافة
قهوة الضيافة
مرمريس
مرمريس
5/ سلطة السيزر بالدجآإج ,.


المقادير :


1/ خس يقطع شرائح كبيرة ..
2/ علبة بوب كورن الدجاج ..
3/ خبز محمص جآهز ( يجي منه نكهآت مختلفة أنا أخترت اللي بنكهة الثوم والجبن )
إذا مآتوفر عندك , ممكن تقطعين خبز التوست مكعبات صغيرة و تحمصينه في الفرن , بس طبعا الجآهز اللي أنا أستعملته أطعم ..
4/ الصوص : 3 ملاعق من كل من ( مايونيز , كتشب , صلصة الرانش ) وممكن تخففينها بشوية
موية ...





الطريقة :


1/ أول طبقة تحطين الخس , ثاني طبقة البوب كورن دجاج بعد ماتقلينه في زيت غزير , و آخر طبقة الخبز المحمص .
2/ اخلطي مقادير الصوص و صبيها على السلطة ...








لون الدجآج نفس لون الخبز المحمص عشآن كذا في هالصورة طالع مآفي فرق بينهم










6/ مآإفن الجبن المآإلح ,.


المقآدير :
بيضتين
كاس دقيق ..
نص فنجال حليب بودرة ..
ذرة ملح ..
ملعقتين صغار بكينج باودر ..
نص بيالة زيت ..
ثلاث أرباع كاس ماء ..
شوية كزبرة مفرومة فرم نآعم أو ممكن نعنآع ...
جبن أبيض مالح + جبن شيدر + جبن موزريلا { كلهآ مبشورة ..








الطريقة :
1/ إخفقي البيض + الزيت بخفاق الكيك , ثم ضيفي الطحين + الحليب + الملح + البيكنج بودر + المآء واخفقيهم مع بعض...
2/ ضيفي لهم الجبن بانوآعه + الكزبرة { اخلطيهم بالملعقة مو بالخلاط ... وصبيها في قوآلب الكب كيك ...





3/ اخبزيها في الفرن لحد مآتستوي وتتحمر ...












7/ بيتزآإ سوبريم .,





مقآدير العجينة :



2 كآس طحين الكويت
2 ملعقة حليب نيدو
ملعقة كبيرة خميرة فورية
ثلاث أرباع فنجان ( سكر )
ملعقة صغيرة ملح
ثلاث أرباع بيالة ( زيت )
كآس موية دآفية للعجن ...




الطريقة :
1/ تخلطين المكونآت الجافة مع بعض وبعدها تضيفين لها الزيت وتحركينها ,,
2/ تضيفين المويه الدآفيه بالتدريج , و تعجنينها الين تتكور وتصير متماسكة ..
3/ غطي عليها بكيس و احفظيها في مكآن دآفي لحد ماتختمر و تنتفخ , أنا تآخذ مني ( ساعة وربع )..
4/ بعد كذآ تفردينها بالنشآبة , و تحطينها في الصينية ( أنا استخدمت صينية مربعة بدون أطراف ) أحلى و أسهل في التقطيع ..




الحشوة :



1/ الطبقة الأولى : صلصة البيتزآ الجآهزة المعلبة ..
2/ الطبقة الثانية : بصل حلقآت / زيتون شرآيح / فطر شرآيح / فلفل رومي حلقات / لحم الببروني الجآهز شرآيح + لحم همبرجر
( اللحم تحمرينه عالصآج أو التآوة وتقطعينه مكعبات صغيرة , ألذ بكثير من اللحم المفروم العادي و يطعي للبيتزا نكهة مثل بيتزآ المطآعم )
3/ الطبقة الأخيرة : جبن موتزاريلا و حطي على الوجه كم حبة ببروني للتزيين ...








هذي صورة مقآدير الحشوة












مرمريس
مرمريس
هنآ لحم الهمبرجر ( نشويه عالتآوة )





هنآ البيتزآ قبل ندخلهآ الفرن





وهنآ بعد مآ خلصنآهآ ...






8/ كلوب سآإندوتش إيطآإلي .,


المقآدير :
خبز توست
بيض مسلوق
خس شرايح / طماطم شرايح
ببروني لحم
جبن سايل
الصوص : ملعقتين من كل من ( مايونيز + كتشب + صلصلة الرانش + رشة بهارات إيطالية ) نخلطهم سوآ ...


الطريقة :
1/ الطبقة الأولى من التوست ندهنها بالصوص , و نحط عليها الخس والطماطم و الببروني ..





2/ نحط شريحة توست ثانية وندهنها بالجبن و نرص شرايح البيض المسلوق عليها , ونغطيها بشريحة توست أخيرة ..





3/ ندهن الوجه بزيت زيتون و نرشه بالبهارات الإيطالية ونحمره في الفرن من الأعلى بس , لدقيقتين أو ثلاث ...












9/ فوتوشيني بالدجآإج .,

المقآدير :
علبة مكرونة شريطية ( فوتوشيني )
3 فصوص ثوم مهروسة
قطعة زنجبيل صغيرة مبشورة
1 بصل
فلفل رومي ملون ( أخضو و أحمر و أصفر )
فطر شرآيح ( نص علبة )
صحن صدور دجآج
ملح / فلفل أبيض أو أسود / أوريغآنو ( زعتر بري ) أو ريحآن مجفف

مقآدير الصوص الأبيض :

بآشآميل خفيف ( 2 كآس حليب طآزج + ملعقة طحين + حبة مآجي + فلفل أسود )
كريمة طبخ cooking cream ( ممكن تستخدمين كريمة الخفق بس كريمة الطبخ ألذ بكثير)
3 ملاعق جبن سآيل
جبن موتزريلا للتزيين

الطريقة :

1/ احمسي الثوم والزنجبيل لحد ما يحمرون,, بعدهآ قطعي صدور الدجآج شرايح و احمسيها معهم و تبليها بالملح والفلفل والأوريغآنو ..
2/ غطي على الدجآج شوي لحد ما يستوي , و وقتهآ قطعي البصل و الفلفل الرومي الملون جوآنح ,, وحطيها عالدجآج و حطي معآهم الفطر ..
( لا تخلينهم يطولون عالنآر عشان مايذبلون )
3 / أسلقي الفوتوشيني في مآء + زيت + ملح ..
4/ اعملي الصوص : اخلطي الحليب وهو بارد مع الطحين والمآجي و الفلفل الأسود وبعدها حطيهم عالنار و حركيه الين يثقل شوي ...
بعدهآ صبي عليه كريمة الطبخ ( نص العلبة أو ثلاث أربآعها ) و أضيفي لهم الجبن السايل وحركيهم ...
5 / أخلطي حشوة الدجآج بالفوتوشيني بعد تصفيتها من موية السلق , وصبي عليهم الصوص وحركيهم سوآ ...
6/ إغرفيها في الصحن و زينيها بجبن الموتزريلا و الكزبرة المفرومة ..







مرمريس
مرمريس
10/ دجآإج بالكريمة والفطر .,


المقآدير :
صحن صدور دجآج مخليه من العظم ..
كوب حليب طازج ..
كوب كريمة خفق ..
ملعقتين طحين ..
3 فصوص ثوم مدقوق ..
نص علبة فطر شرايح ..
ملح / فلفل أسود / ماجي / أوريغآنو ..



الطريقة :
1/ نقعي الصدور في مآء + ملعقة ملح + عصرة ليمون + ملعقة خل لمدة سآعة عالأقل ..
2/ بعدهآ صفيه من المويه و تبليه بالملح والفلفل الأسود من الجهتين ..
3/ حمي التآوة عالنار وحطي شوية زيت فيها ,, وقلبي الدجاج عليها من الجهتين لمدة 20 _ 30 دقيقة .. لحد مايستوي ويتحمر ..
ملاحظة : غطي التاوة بأي غطآ عشان يستوي الدجاج من البخآر المتصآعد ..وافتحي عنها كل شوي للتقليب وارجعي غطيه بعدهآ ..
4/ طريقة الكريمة : احمسي الثوم في شوية زيت و ضيفي له الفطر + نص مكعب مآجي + الفلفل الأسود + الأوريغآنو وقلبيهم سوآ ..
بعدها ضيفي الحليب و كريمة الخفق والطحين ,, وقلبيهم الين يثقل الخليط ..
5/ رصي الدجاج في الصحن و صبي عليه صلصة الكريمة و زينيه بالكزبرة المفرومة والسمآق ....
6/ قدميه مع البطآطس المشوية أو الرز الأبيض ..















11/ كنآإلوني باللحم والبآإزلآ .,


المقآدير :
علبة مكرونة الكنآلوني الإسطوآنية
صحن لحم مفروم
نص علبة بازلا خضرآء ( ممكن تستغنين عنها إذا ما تحبينها )
حبة بصل / فصين ثوم
علبة صلصة الإسبآغيتي الجآهزة ( أي نكهه تعجبك , أنا إخترت بنكهة الريحآن كانت روعة )
بشآميل خفيف ( 2 كآس حليب + ملعقة طحين + ملح وفلفل أسود ومآجي )
جبن موتزريلا
بقسمآط ( فتآت الخبز )






الطريقة :
1/ إحمسي الثوم والبصل في شوية زيت , غسلي اللحم المفروم و ضيفيه لهم وتبليه بالملح والفلفل الأسود ...
2/ بعد مايستوي اللحم , ضيفي له ملعقتين أو ثلاث من صلصلة الإسبآغيتي , وفي الأخير ضيفي البازلا ...
( ضيفي البازلا في الأخير عشآن ماتنهرس , لانها تكون مطبوخة وهي معلبة )








3/ اسلقي اسطوآنآت الكنالوني مع مآء + زيت + ملح , في قدر كبير أو صينية مسطحة فوق الفرن ( عشان ماتلصق في بعضهآ ) ..
4/ صفيهآ من موية السلق بعد ماتستوي , انتظريهآ تبرد , وبعدهآ إحشي كل إسطوآنة بحشوة اللحم المفروم ورصيهآ في صينية..
5/ أضيفي ملعقة وحده بس من صلصة الإسبآغيتي فوق كل إسطوآنة ..






6/ إخلطي مقادير البشآميل الخفيف في قدر صغير وبعدها حركيها عالنآر الين تثقل شوي ...
7/ صبي البشآميل عالصينية و انثري عليها شوية بقسمآط ( يعطيهآ لون ذهبي و قوآم مقرمش ) ..





8/ آخر شي رشيهآ بجين الموتزريلا , وحطيها بالفرن شوي لحد ماتتحمر تحمير خفيف ...








هنآ بعد ما حمرنآهآ في الفرن ...





وهذآ شكلهآ النهآئي ...

مرمريس
مرمريس
12/ البآإستآإ السريعة .,


المقآدير :
مكرونة مسلوقه و مصفآه ..
لحم همبرجر مشوي في الفرن أو عالتآوة و مقطع مكعبات صغيرة ..
بصل , فلفل رومي ملون { مقطع شرايح ..
2 فص ثوم مهروس ..
فطر شرايح أو كآمل حسب رغبتك ..
قشطة خفق ( علبة صغيرة )
2 ملعقة طحين ..
ملح وفلفل أسود ..




الطريقة :
1/ تحمسين الثوم في شوية زيت و تضيفين له البصل , الفلفل الرومي , الفطر , اللحم بعد تقطيعه , والملح والفلفل الأسود ..





2/ ضيفي قشطة الخفق + الطحين وحركيها بسرعة قبل تتكتل ..






3/ ضيفي لها المكرونة بعد تصفيتها من مآء السلق , وحركيهم سوآ , وبعدها اغرفيها في صحن التقديم ..







13/ سبآإغيتي بكرآإت اللحم .,

المقآدير :

كيس مكرونة سبآغيتي ..
صحن لحم مفروم ..
حبة بصل مفرومة فرم نآعم ..
2_3 فص ثوم مدقوق ..
4 طمآطم مقشرة و مطحونة ..
2 ملعقة صلصة طمآطم ..
كزبرة مفرومة فرم ناعم ..
ملح / فلفل أسود ..
علبة صغيرة قشطة خفق ..


الطريقة :

1/ إخلطي البصل + الثوم + الكزبرة + اللحم المفروم بعد غسله + الملح + الفلفل الأسود مع بعض و شكلي منها كرآت متوسطة ..
2/ حطيها في فرن متوسط الحرارة لمدة نص سآعة ..




3/ احمسي شوية بصل و ثوم في زيت .. و ضيفي لهم الطماطم المطحونة و معجون الطماطم و تبليها بالملح والفلفل الأسود ..
وبعدهآ حطي كرآت اللحم في الصلصة ...




4/ اتركيها تطبخ لمدة ربع ساعة تقريبا , وفي النهآية ضيفي لها قشطة الخفق و اتركيها عالنار لدقآيق ..
5/ اسلقي السبآغيتي في زيت + ملح , وبعدهآ صفيهآ و حطيهآ في صحن التقديم وضيفي فوقها كرآت اللحم مع الصلصة ..














14/ فيليه الدجآإج بالتتبيلة الإيطآإلية ( مع البطآإطس المشوية )


المقآدير :

1/ صحن صدور دجآج مخليه من العظم ..
2/ كآس لبن ..
3/ بهآرآت إيطالية ( معلبة وجآهزة في السوبر مآركت ) + أوريغآنو ( زعتر بري ) + إكليل الجبل ( روزمآري )..
4/ بقسمآط ( أنا إخترت بنكهة الثوم )
5/ جبن برميزآن مبشور ( أنا استخدمت بديل جبن البرميزآن المعلب , أرخص و متوفر في كل مكان تقريبا )



الطريقة :

1/ تبلي الدجآج باللبن + الملح + الفلفل الأسود واتركيه لمدة نص سآعة الى سآعة ..
2/ اخلطي البقسمآط مع الأوريغآنو و البهآرآت الإيطالية و إكليل الجبل و جبن البرميزان في صحن , وغمسي فيهم شرايح الدجآج ..



ملاحظة : شرايح الدجاج لا تغسلينها من اللبن , مجرد تصفيه بس و غمسيها بعدها في خلطة البقسماط ..
3/ رصيها في صينية و دخليها في فرن متوسط الحرارة لمدة نص سآعة الى 45 دقيقة ..
راح يستوي الدجاج ويتحمر بدون زيت .. مايحتاج تضيفين ..



البطآطس المشوية :

اسلقي البطآطس في مآء + ملح + زيت ثلاث أرباع سلق , وبعدها صفيها من المويه و حطيها في صينية ..
رشيهآ بشوية زيت وملح و فلفل أسود و أوريغآنو .. وحطيها في الفرن الين تتحمر من فوق وتحت ...