السلام عليكم ورحمة الله وبركاته
كيفكم حبيباتي مشتاقه لكم حيييل
بس ما شغلني عنكم الا الشديد القوي
الحمد لله بتني وولدي نجحو وخلصو المدرسه الله يعين عليهم اشغلونا ولسى في البدايه من الاجازه
المهم.........
بعد ما حطوني عضوه مميزه/احم احم
قلت لازم اعمل شي جديد بس ما لقيت
وذاك اليوم جاني زوجي وقال عندي عشى وانا اطمر على النت وادور على حلى عشى بس مالقيت شي غريب له
المهم طحت على كيكه الباونتي في منتدى ثاني لعضوة اسمها عيون المها وكان لها تطبيقات كثيره تحمست اني اسويها وانا اطمر للمطبخ واحوس بها وطلعت الحمد لله
دورت عنها في عالم حواء ولقيتها عاملتهاom naser_64 بس ما فيها صور
قلت في نفسي خليني انزلها عشان الصور
عارفه ان هذرتي صارت واجده مو بالعاده بس ما ادري وش صار لي شكلها عين يمكن
كيكه الباونتي عباره عن ثلاث طبقات
الطبقه الاولى كيكه شوكولاته......
المـــــقــــــاديــــــر:
4 بيضات +رشه فانيليا+م ص خل
كاس سكر
نص كاس زيت
كاس حليب سايل
كاس ونص دقيق منخول
3 ملاعق كاكاو بودره
ملعقه بكنج بودر
وهذي صوره الاغرااااااض
الــطــريــقــه:
نخفق البيض مع الفانيليا والخل والسكر لمده 10 دقائق
بعدها نضيف الزيت والحليب
نوطي سرعه الخلاط ونضيف الدقيق والكاكاو والبكنج بودر
وهنا بعد ما خلصنا خلط/حوسه لا تدققون
وبعدها صبيتها بصينيه الفرن بس فيه ملاحظه كميتها كبيره شوي عشان كذا حطيتها بصينيتين
ندخلها بفرن مسخن مسبقا
وهذي الكيكه بعد ما طلعت من الفرن
نرووووح للطبقه الثانيه اللي هي خلطه الباونتي
المــقــاديـــر:
2كاس جوز هند
3ملاعق سميد
2كاس حليب سايل
ربع كاس زيت
بياله سكر
وهذي صوره للمقادير
الـــطــريـــقــة:
نخلط جميع المقادير وتوضع في قدر
عرش الياسمين @aarsh_alyasmyn
عضوة مميزة
يلزم عليك تسجيل الدخول أولًا لكتابة تعليق.
روووووووووعه روووووووعه روووووووووعه الا عذاااااب للعين وللمعده ههههه تسلمين يالغاليه ومكانك خالي وهلا فيك من جديد
الصفحة الأخيرة
تصب على سطح الكيكه وتساوى بالملعقه
وهنا شوفو شكل الطبقتين من جنب
نرووووح الان للطبقه الثالثه والاخيره وفيها شوي تحريف من عندي
المـــقاديـــر:
علبه قشطه
3ملاعق كاكاو بودره
فنجال سكر
ملعقه زيت
كريم كراميل
كاس حليب سايل
الــطـــريــقـــه:
توضع جميع المقادير على النار وتحرك حتى تبدا تظهر الفقاقيع وعلى طول على جوز الهند بسرعه قبل تجمد
حبيباتي اللي تبغى طريقه غير
تحط القشطه والسكر والزيت والكاكاو وتحرك حتى يذوب السكر وبعدها تسكبه على خلطه جوز الهند
وهذي الصور النهائيه..........
وتزينينها زي ماتحبين
زينها بجوز هند مبشور خشن او لوز مجروش