**(خزامى)**
**(خزامى)**
ماااااااااااااااااااشا الله لاقوه الا بالله

الله يهنيك فيها يارب ويسعدك انتي وزوجك وولدك يااااااااااااااارب

ذووق راقي يااقلبي ماشا الله تبارك الرحمن
طخومه
طخومه
ما شاء الله تبارك الله

افكارك مرة حلوة
أم ديدووو
أم ديدووو
حلوه بس انا ما احب الخرابيط الكثيرة ولا احب الكلاسيك..
الله يهنيكم
بنوته مثل القمر
Lost55 Lost55 :
مشاء الله :)
مشاء الله :)
السلام عليكمك ورحمة الله وبركاته

قبل كل شي ياجماعه مبرووووووووووووك عليكم الشهر

واسفه وربي على التأخير بالرد واللله بسبب انشغالي جد

واسعدني والله وجودكم وتعليكم شكرا لكم يالغلا

واعتذر اني ما اقدر ارد على وحده وحده بسبب ان وقتي ضيق بحاول ارد على جميع الاسئله

بشكل عام واي وحده مارديت على سؤالها ياليت ترسلي خاص وان شاء الله ارد عليها


والحين بحاول اشرح كل شي بشكل عام واكررر اي وحده ماجوابتها ياليت ترسل على الخاص

______________________________________

بسم الله

الشقه اول شي ياحبيباتي ملك

( المطبخ )

المطبخ من مطابخ العليان انا مطبخي 4 ×5 كلفتني المطبخ تقريبا 11000 الف ريال

شغل العليان نظيف 100% وانا تعاملة مع عليان الدمام

بالنسبه حق الاكسسوارات تقريبا اغلبها من ستي بلازا والمعارض الدوليه الفازات الشفافه

وبعض المحلات العاديه واسمها مثل هجر في الاحساء

طاولة الطعام وكل اللي عليها من ستي بلازا

الفرن كهربائي والله ممتاز تنظيف سهل مرررررررررررررررره طبعا لكن الغاز اسرع بكثير لكن

الداخلي حق الكيك ومعجنات ممتاز جدا جدا جدا

بالنسبه لطبخي فيه يالغاليات والله على حسب اطبخ فيه بشكل دائم عادي

( الفتحه المطله على الصاله )

الكريستال من الامارات بس والله ما تذكر اسم المحل بس كان محل حق خياطه

طريقة تثبيته والله بعلاق ملابس ههههههههههه سويت كل الشغل عليه بعلاق الملابس

بعدين ثبته

( الصاله )

الكنب والله من محلل في الاحساء تقريبا سعره 6700 ريال اسمه والله ناسيه بس مايضيع قريب مطعم

توباز وعنده اشكال مره حلوه والوانه صراحه جريئه مثل الاصفر جنااان


( غرفة الجلوس )

الكنب من قصر الدانا اخترت الكنب بس الاقمشه انا اخترتها من من محلات الاقمشه ودمجة كنبيين في

كنب علشان مايكون متعارف عليه قصر الدانا في الاحساء - شارع الظهران وصبغ الغرفه من اصباغ

جوتن اللوحه المعلقه من القماش من سوفت دريمز الاحساء والفرو من سيتي بلازا

( غرفة النوم )

غرفة النوم يالغلايات من كايرون - الاحساء - شارع الظهران

بالنسبه حق مساحتها 6 ×7

الاوان لا ما احسها تصغر الغرفه لان غرفتي كبيره واسعه عادي ياقلبي ما يأثر

اللون ياحبيباتي اما عن مفرش السرير

تفصيل من محلات قصر الدانا من اي فرع من فروعها

بس انا اخترت اللي ابي وجبت الامتار وعدد المخدات وحجمهم

ورحت المحله وعطيته كل اللي ابيه والمقاسات وفصله

عموما تقريبا كلفني المفرش مع الاقمشه 2500 ريال

الستاره اللي وراء السرير

نفس الفكره هم عندهم اقمشه المحل تختاري انتي من عندهم او تروحي اي محل اقمشه

وتختاري انتي القماش وتوديه محل الستائر

انا اقمشتي شريتهم من الجبر اللي في الاحساء عن وكالة سوني شارع الظهران

وفصلت الستاره في الهفوف محل باريس قريب فندق الغزال والهفوف هاوس

جميع السجادات من سيتي بلازا وبصراحه سيتي بلازا مميزين في هذه الشغلات

الفرو نفس الشي من سيتي بلازا بس انا شفت فكره تقلل التكلفه

روحي في الشتاء حق اي محل اقمشه هم ينزلوا الفرو

وشتري تطلع القيمه اقل ..

الثريا من الامارات بس ما اعرف المحل

الاكسسوارات على التسريحه من سيتي بلازا

مرسم الصور من بيت الانصاري في الخبر او الدمام

عموما تقريبا الاسئله هذه بشكل عام واي وحده ما جاوبتها ياليت ترسل على الخاص
شحشوحه الامارات
ماشاء الله تبارك الله ،،

بصراااحه يهبل وااااااااااايد روعه ..