غرومة..

غرومة.. @ghrom_1

محررة برونزية

احلى شاورما دجاج ممكن تذوقينها بحياتج بالخطوات المصورة :) ..

المعجنات والمخبوزات والسندويتشات




بمناسبة اختياري افضل طباخة :cook: حبيت اقولكم على سر راح يعطيكم احلى شاورما دجاج ممكن تذوقونها بحياتكم والله :21: "ثقة جد" ، تخيلو عندنا واحد من اخواني مايطيق الدجاج خصوصا بعد سالفة انفلونزا الطيور والعياذ بالله بس والله بس أسوي هالشورما على كلامه مايقدر يقاوم شكلها وريحتها ، والجهاز اللي مستخدمته وايد رخيص ب13 دينار بس :) ..


المقادير:
1\2 كيلو صدور دجاج مخلية من العظم والجلد
1\2كيلو افخاذ دجاج مخلية من العظم والجلد

تتبيلة الدجاج:
1\4 ك زيت زيتون
1\2 ك عصير ليمون " وبعد العصر قصي الليمون ارباع وخليهم بين الدجاج"
10 فصوص ثوم مقصوص انصاص
2 فلفل حار شكشكيهم بالشوكة عشان النكهة "بس شك لا تقصينهم عشان الدجاج لايصير حار"
2 م ك كاري
2 م ك بهار دجاج
2 م ك فلفل اسود
م ك كمون
م م جوزة الطيب "مطحون"
ملح "لا تضيفونه الا لما وقت الشوي"
1\4 كوب خل ابيض او تفاح "بس لا تضيفونه الا قبل الشوي بنص ساعة"

زيت زيتون وزبدة
شريحة برتقال سمك سم
نص ليمونة
شريحة بصل سمك سم


صلصة الخبز:
حطي كل المكونات بالخلاط:
ك روب
4-6 فصوص ثوم كبيرة "حسب الذوق ممكن تزيدون او تقللون"
4 م ك طحينية "طحينة او هردة"
4 م ك عصير ليمون
4 م ك مايونيز
2 م ك خردل
م م فلفل اسود
ملح

مخلل خيار
بقدونس مفروم ناعم
بطاطا مقلية
خبز لبناني




الطريقة:
تبلي الدجاج بكل المكونات وحاولي تخلطين مكونات التتبيلة بالدجاج بايدج وغطي الطبق وخليه 2-6 ساعات "راح تزيد العصارة"..





ابدي اغرسي بشوكة الشواية بالترتيب:
شريحة البرتقال
الدجاج "مرة قطعة صدر ومرة قطعة فخذ"
نص الليمونة

حطي الشوكة داخل الشواية ثم حطي شريحة البصل تحت الدجاج "بصحن الشواية ، راح يعطي ريحة روعة"..





اضبطي الساعة على المدة اللي تبينها وكل 15 دقيقة حطي لها م ك زيت زيتون وم ك زبدة صبيها على الدجاج كم فوق عشان ينزل على كل الدجاج "انا خليتها 30 دقيقة كلها استوت وتحمر الجزء الخارجي"..



قصي الاطراف المحمرة خليها بصينية الشواية عشان تشرب تتبيلة الدجاج والزيت اللي نازل وخليهم 5 دقايق مع التقليب عشان تشرب الطعم "بس قبل لاتقطعون الدجاج شيلون البصلة وارموها" ..





750
492K

هذا الموضوع مغلق.

غرومة..
غرومة..



افحي الخبزة وادهنيها بالتتبيلة ثم صفي شرايح الدجاج ثم المخلل ثم شوي بقدونس وممكن اصابع بطاطا ولفيها وحمريها بالشواية لثواني وقصيها بالنص وقدميها مع البطاطا المقلية وبالعافية..











وهذي مع البطاطا المقلية..







وهذي شوكة الشورما..




وانتظر رايكم يالغلا :) ..



دعواتكم لأبوي الغالي ان الله يشفيه وطولنا بعمره وعمر أمي الغالية وللغالية دردشة "ام سعود" بالشفاء ..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..


ام فتون _5
ام فتون _5
افحي الخبزة وادهنيها بالتتبيلة ثم صفي شرايح الدجاج ثم المخلل ثم شوي بقدونس وممكن اصابع بطاطا ولفيها وحمريها بالشواية لثواني وقصيها بالنص وقدميها مع البطاطا المقلية وبالعافية.. وهذي مع البطاطا المقلية.. وهذي شوكة الشورما.. وانتظر رايكم يالغلا :) .. دعواتكم لأبوي الغالي ان الله يشفيه وطولنا بعمره وعمر أمي الغالية وللغالية دردشة "ام سعود" بالشفاء .. وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي.. اللهم أميــــــــــــــــــــــــــن ..
افحي الخبزة وادهنيها بالتتبيلة ثم صفي شرايح الدجاج ثم المخلل ثم شوي بقدونس وممكن اصابع بطاطا...
ماشاء الله منظرها بيشهي .. يسلمو إيديك يارب.. والله روعة..
رسيل*
رسيل*
الف مبروك على ختيارك افضل طباخه تستاهلين
رررررررررروعه الشاورما
ام قتاده
ام قتاده
ممتاز غرومه انتي فله خطييييييره الله يعطيك العافيه
من وين جبتي الشوايه وشو ااسمها ودي اشتري مثلها
فدود67
فدود67
ممتاز غرومه انتي فله خطييييييره الله يعطيك العافيه من وين جبتي الشوايه وشو ااسمها ودي اشتري مثلها
ممتاز غرومه انتي فله خطييييييره الله يعطيك العافيه من وين جبتي الشوايه وشو ااسمها ودي اشتري...